Hosia 9:10 - Ika

¹⁰ Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Hosia 9:10 ပူးပေါင်းရင်းမြစ်များ

Ndị-nze Nke Ibuzọ 16:31

Onwọndẹni ihiẹn ọ kpọ a n'ọ rị e mẹ njọ hụn Jerobụam nwa Nebatị mẹ; ọ nọzị jẹn d'a lụrụ Jezibẹlụ nwa Ẹt'baalụ eze ndị alị Sidọnụ, femẹ mmọn wẹ wụ Baalụ, kpọman'a isi alị.

Ndị-nze Nke Ẹbụọ 17:11

W'a nọsọnmẹ ụlọ-mmọn a mụye nsẹnsi kẹ alị ndị ahụn Osolobuẹ chụpụ buche wẹ dọn mẹ. Wẹ mẹsọnmẹ eje-ihiẹn hụn a kpasu Osolobuẹ iwe.

Ẹbụ-ọma 115:8

Ndị ile a kpụnị wẹ jẹnkọ d'a rị kẹ wẹ, ndị ile gi wẹ e dọn ẹnya!

Ẹbụ-ọma 81:12

M nọ la wẹ tọ nị wẹ gbasọnmẹ isi-akwanran wẹ, wẹ nọ mẹsọnmẹ ihiẹn obi wẹ ye wẹ.

Ẹbụ Solomọnụ 3:6

Onyẹ wụ hụnnị gha alị ọkpọ-nkụn lala, nọkẹ ebe ẹnwụnrụn rị a lọ? Onyẹ wụ hụnnị rị e kun fuẹin yeni udẹn maa lẹ nsẹnsi ọ kwọ — hụn wẹ gi ihiẹn ile e kun fuẹin rị afịa mẹmẹ?

Azaya 28:4

obobo hụ fapụkọnị, hụn wụ okẹn-mma alị Ifrem — isi-alị a ahụn, hụn rị isi ọdanmgbugbu alị a rịgbu enwẹn ẹ mma, o jẹnkọ d'a rịhụ kẹ mkpụrụ figi ibuzọ pụhanị, hụn w'a hụn, a ghọrị w'a hụ ripụ.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 24:2

Figi rịgbu enwẹn ẹ mma chan nke ọhụn rị imẹ ụkpalị ohu; kanị figi rehigụnị jẹnkọlẹni d'a nị ri rị imẹ ụkpalị hụn-ẹbọ.

Jerimaya 3:24

Gha alị lala, ihiẹn ifẹnrẹn ndịnị ẹnyi e fe e richanrịngụọ ihiẹn ile ndị nẹdi ẹnyi wẹ rụn — kẹ atụnrụn kẹ efin, kẹ mmụ ikẹnnyẹ lẹ ikpoho.

Jerimaya 3:25

Nị ẹnyi gi ifẹnrẹn ihiẹn ẹnyi mẹ dan alị, nị ẹnyi nị ifẹnrẹn ihiẹn ẹnyi mẹ ru ẹnyi ẹhụ. Ẹnyi e mẹgụọ Osolobuẹ wụ Chuku ẹnyi njọ — kẹ ẹnyi kẹ ndị nẹdi ẹnyi; ghakwọrị ebe ẹnyi rị nwata d'e ru tannị, ẹnyi e ara humẹni Osolobuẹ wụ Chuku ẹnyi isi.”

Jerimaya 31:2

Osolobuẹ sị, “M k'e mẹni ndị Izrẹlụ k'a họdụnị ọhụnma — ndị ahụn ọpịa-agha k'e gbuhọdụ hụn k'a rị imẹ atụ; m k'a bịa d'e mẹ ẹhụ fu Izrẹlụ.”

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Izikẹlụ 20:8

“Kanị e nupụnị wẹ m isi, jụ n'e gọnkọ wẹ m ntịn; onwọnni onyẹ kpọnpụ mmọn ndị ahụn rụnị ọ rị e fe, alatọnị wẹ mmọn ndị hụ wẹ rị a rụa alị Ijiptu. Ya m nọ sị nị m gi ọnụma sọn wẹ, gi olulu mẹ wẹ ihiẹn imẹ Ijiptu.

Hosia 11:1

“Osolobuẹ sị: Ogẹn Izrẹlụ gi rị nwa-ndu, ihiẹn ẹ sụọ m, a gha m alị Ijiptu kpọpụha nwa m.

Hosia 13:5

Mmẹ lepụ ụnụ ẹnya imẹ atụ, imẹ alị ahụn kpọ nkụn mirin rịlẹni.

Hosia 2:15

A nọ m ebẹhụ sị a d'e werizi alị-vaịnị a; e mẹ m Ọdanmgbugbu Nsọngbu họnrin ọnụmụzọ ihiẹn rị mma. Ọ nọ ebẹhụ mẹzi k'o mẹ mbụ, ogẹn o gi rị nwagbọọ ogẹn o gi gha alị Ijiptu pụha.

Hosia 4:14

Eyekọ m ụmụ ụnụ ikpoho afụnfụn nị wẹ rị a gba ịgbaraja; eyekọ m inyẹnmẹ ụmụ ụnụ afụnfụn nị wẹ zọ ụkụ ye ọfịa, makẹni ụnụ ndị ikẹnnyẹ hụ e bu ịgbaraja ụlọ-mmọn, e sọn ịgbaraja a ghọ ihiẹn ahụn wẹ rị a ghọ. “Ebọn nwọnlẹni uche iwi kẹ w'a la.

Hosia 4:18

“Wẹ ragụ manya ahụn w'a ra, e shi wẹ d'e bumẹ ịgbaraja; ihiẹn ifẹnrẹn wẹ rị e mẹ hụ a sụọgbu wẹ;

Emọsụ 4:5

E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Maịka 7:1

Ụya e gbuẹ m! M nọ nwan kẹ onyẹ chọha figi ogẹn figi, kanị a ghọgụọ w'a, ghọdọnzi! Akpụrụ figi-ibuzọ rị a gụnnị m arịa!

Ọgụngụn 15:39

Tasẹlụ ndịnị wẹ kẹ ụnụ k'a gha e lee kẹni ụnụ hụn ụzọ a nyanhan ihiẹn ile Osolobuẹ ku, nị ụnụ hụn ụzọ e mẹ wẹ, makẹ ụnụ gha a gbakịtọ m azụụn, mẹsọnmẹ ihiẹn rị ụnụ obi lẹ ihiẹn ndị hụ a la ụnụ ẹnya nọkẹ ndị ughẹrẹ.

Ọgụngụn 18:13

Ụnụ nwọn mkpụrụ ibuzọ ile alị mịpụha hụn wẹ wẹhẹni Osolobuẹ. Onyẹ ikpụlọ ị ọwụlẹ hụn rụlẹni nwọn ikẹn ri ẹ.

Ndị Rom 6:21

Kị wụ nwan erere ihiẹn ndị ahụn ụnụ mẹ ogẹn ahụn — hụn rị nwan e mẹ ụnụ ifẹnrẹn? Ọnwụn, ya kẹ ihiẹn ndị ahụn e buhẹ!

Ditrọnọmi 32:10

Alị ịhịan rịlẹni k'ọ nọ hụn a, alị gbachanrịn okpokoro, alị ufere nọ a zụn okẹn-ụzụn. Ọ nọ chemẹ ẹ, lepụ a ẹnya; o gbọnhunmẹ ẹ nọkẹ nwa-ẹnya a,

Ditrọnọmi 32:17

A chụnyeni wẹ eje-mmọn ẹjan, eje-mmọn wụlẹni Chuku — mmọn-lẹ-iyi ndị wẹ marịnlẹni, mmọn-lẹ-iyi ndị ahụn pụhahụ ikpanzụụnnị, mmọn-lẹ-iyi ndị nẹdi ụnụ gbayelẹni.

Ditrọnọmi 4:3

Ụnụ e gighọ ẹnya ụnụ hụn ẹka Osolobuẹ gi sọn oku mmọn Baalụ alị Pioru ụfọdụ jẹn d'a rụa, kẹ Osolobuẹ wụ Chuku ụnụ dọn gbuchanrịn ndị ile rị imẹ igunrun ụnụ hụn rụa Baalụ alị Pioru,

Ndị Han Eṅẹn 6:32

Ụhụọhịn ahụn kẹ wẹ kpọma Gidiọnụ, “Jeru-Baalụ,” gi ẹ sị, “Ya lẹ Baalụ nwọn kin,” nị ukpo nchụn-ẹjan a k'o tikpọ.