Hosia 9:1 - Ika

¹ Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Hosia 9:1 ပူးပေါင်းရင်းမြစ်များ

Ẹbụ-ọma 73:27

Chuku, ndị nọkunmẹlẹni i k'a la iwi; i k'e tikpọ ndị la ị tọ sọnmẹ ihiẹn ichẹn.

Azaya 17:11

kụndẹ wẹ tannị, mẹ wẹ sue tannị, mẹdẹ wẹ mị mkpụrụ ụz'ọtụntụn hụ ị kụn wẹ, onwọnni hụn k'e nwọn isi ụhụọhịn lalanị, ụhụọhịn ụfụ lẹ emu nwọnlẹni ọgụn.

Jerimaya 2:19

Eje-omumẹ ụnụ jẹnkọ d'e ye ụnụ afụnfụn; ọkpahu ụnụ rị a kpahu k'a jụgbọ ụnụ. Gi n'ẹ nwan marịn, gi ẹ hụn nị ihiẹn jọgbu enwẹn ẹ lẹ nsọngbu k'ọ wụ, nị ụnụ gbakitọ m azụụn, mmẹ, Osolobuẹ wụ Chuku ụnụ, tụbehi egun m. “Ya kẹ Di-nwọnni-ẹnyi wụ Osolobuẹ ihiẹn ile rị okpuru ẹ ku.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Ẹkwan 4:21

Ghọghọmakwọ nwan, Nwagbọọ wụ alị Ẹdọm, ẹfọ ya sụọma ụnụ ndị bi alị Uzu ụsụọ. Kanị mkpu afụnfụnnị k'e ruzirịrị yụ nwẹn ẹka — y'a ra a, tụ, gbarị ọtọ.

Izikẹlụ 16:15

“ ‘Kanị ị nọ gi mma-ẹhụ ị dọn ẹnya, gi ufiri ẹfan ị rị a kpọnị gụnma agụngụn ịgbaraja. E we ẹhụ ị e ye onyẹ ọwụlẹ ghafekọnị n'o mẹ mgba ị.

Izikẹlụ 16:30

“ ‘Osolobuẹ nwọn ihiẹn Ile sị ị lee nwan nị ihiẹn ndịnị i mẹ, agụngụn ịgbaraja ifẹnrẹn rịlẹni ẹnya ị rị a gụn, a mụmarịngụọ ị, nke wụnị y'ara sazị ẹka kwọndọn enwẹn i,

Izikẹlụ 20:32

“Ihiẹn hụ ụnụ rị e ro aghakọ, ihiẹn hụ ụnụ rị a sị enwẹn ụnụ, ‘Nị ẹnyi nọ kẹ alị ndị ọzọ, ebọn ndị rị alị ndị ọzọ, ndị hụn e fe mkp'osisi lẹ ọmụma.’

Izikẹlụ 21:10

e sụọngụọ w'a n'o gbu ọhụnma-ọhụnma; e finchangụọ w'a, ọ hụ e be nwaịn-nwaịn kẹ amụma! “ ‘Ẹnyi te k'a ghọghọmadẹ ra — nị eze Juda nwa m rị nwan e legberi mkpịnsịn ile te k'e yen'ẹ ẹka?!

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 2:12

M k'e wiwipụ vaịnị lẹ figi wẹ kụn, hụn wẹ rị a sị nị ya kẹ ndị wẹ gbasọn gi kụ wẹ ụgwọ. M k'e gi alị vaịnị lẹ figi ndị ahụn ile họnrin ẹgboko, anụ-ọfịa e bu wẹ ile ri.

Hosia 4:12

Wẹ rị a jụ ibe-osisi uche ẹ! Mkp'osisi rị nwan a ghọsị wẹ ụzọ! Makẹni mmọn hụn e nu ịgbaraja e dufiegụọ wẹ, a latọgụọ wẹ Chuku wẹ.

Hosia 5:4

“Ihiẹn wẹ rị e mẹ anịzịnị wẹ kinhẹn ebe Osolobuẹ rị makẹni mmọn ịgbaraja rị imẹ wẹ lẹni amarịn wẹ Osolobuẹ.

Hosia 5:7

E gigụọ wẹ ẹkanaị sọn Osolobuẹ; a mụgụọ wẹ ụmụ ogbe! Ufiri ẹ, Mmẹmmẹ wẹ e mẹ Ifọn pụ sikọ nwan d'e bu wẹ lẹ ugbo wẹ ile ri.

Emọsụ 3:2

Imẹ alị ile rị elu ụwa ụnụ sụọ kẹ m họrị; m sikọ nwan d'e yerịrị ụnụ afụnfụn makẹ njọ ile ụnụ mẹ.”

Emọsụ 4:5

E wẹhẹkwọ nị brẹdi wẹ buche yisti ụnụ gi e ye ekele! E ye ni oyiye gha ụnụ obi pụha, a gwa ịhịan ile ya. E mẹchanrịnnị wẹ ile, ndị Izrẹlụ Ẹbamịn-ugu makẹni ịya wụ ihiẹn a sụọnị ụnụ!” Ya kẹ Osolobuẹ nwọn ihiẹn ile ku.

Emọsụ 6:13

ụnụ ndị gi alị Lo-Dẹba wụlẹni alị a ghọghọ, a sị “Ẹlẹ ikẹn hi ogbe ẹnyi nwọn kẹ ẹnyi gi mẹri alị Kanaịm a kpa ikẹn?”

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Jemisi 4:16

Kanị, hụn nkẹ ụnụ e gi e ku ẹrịra, ụnụ hụ a pache, a nyan isi. Isini ile ụnụ rị a nyan wụ njọ.

Jemisi 5:1

Ndị-ịdanfịn, gọn ni ntịn: kwanma nị ẹkwan, e goo, yeni nsọngbu hụn rị e kunrunni ụnụ!