Hosia 8:8 - Ika

⁸ E luepụgụọ wẹ Izrẹlụ; ọ rị nwan kẹ ugbẹgbẹ tikpọnị imẹ igunrun alị ndị ọzọ:

Hosia 8:8 ပူးပေါင်းရင်းမြစ်များ

Ndị-nze Nke Ẹbụọ 18:11

Eze Asiria nọ kpụn ndị Izrẹlụ shi Asiria, mẹ wẹ birisọnmẹ Hala, Gozanị rị mkpẹnrẹn Iyi-Habọ lẹ obodo ndị rịsọnmẹ alị ndị Mẹdịa.

Azaya 30:14

ọ dangungwọnchanrịn kẹ ebe ite-ụrụa nọ kụkpọchanrịn, nke wụnị ahụnkọdẹ wẹ ibe ẹ ọwụlẹ hụn ru hụn wẹ e gidẹ bi ọkụn mọbụ hụn wẹ e gi kwọrị mirin.”

Jerimaya 22:28

Okẹnnyẹni wụ Jehoyakini wụdẹ nwan mkpọkọ-ite hụn nwọnlẹni ihiẹn wẹ gi ẹ e mẹ — ra ọ wụ ihiẹn wẹ k'a mahu? Kị wẹ k'a kpụnrụnnị ya lẹ ụmụ a shi alị ọzọ? Kị wẹ k'a manị wẹ ye alị wẹ marịnlẹni?

Jerimaya 25:34

Kwanma nị, gomẹ ni, ụnụ ndị-ndu! Dan nị, kperemẹ imẹ uzunzun, ụnụ ndị kị alị ichẹn-ichẹn — makẹni ogẹn w'e gi gbu ụnụ e ruọlẹ; ụnụ k'a dan, gungwọnpụ kẹ ite ụrụa!

Jerimaya 48:38

Ẹkwan-ẹkwan k'e jun alị Mụabụ — kẹ elu-ụlọ wẹ ile hụn w'a nọdị kẹ ebe ile rị ogbe wẹ nọ e zu, makẹni m jẹnkọ d'e tikpọ Mụabụ lekẹ ugbẹgbẹ nwọnlẹni ihiẹn wẹ gi ẹ e mẹ. Mmẹ wụ Osolobuẹ ku ẹ.

Jerimaya 50:17

“Izrẹlụ a wụrụgụọ atụnrụn gbayịyanị, atụnrụn ẹwọrọ chụzịza. Eze ndị Asiria bu ụzọ nwụnri ẹ, Nebukadineza eze Babilọnụ nọ nwan tachan ọkpụkpụ a.”

Jerimaya 51:34

“Ndị Jerusalẹm sị, ‘Eze Babilọnụ e bugụọ ẹnyi ri; o bugụọ isusu tọnị ẹnyi, bu ẹnyi tọ nọkẹ okpokoro mkpu; o luepụgụọ ẹnyi lekẹ eje-anụ ohimin, o rigụọ ihiẹn ile wẹ a chọ rị ẹnyi ẹhụ rijun ẹfọ; ọ jụpụgụọ ẹnyi.’

Ẹkwan 2:16

Ndị-iṅẹnrẹn i ile hụ a mụ ị ẹmụ, a sị ị “Ọṅọị!” Wẹ hụ e ru i imi, a tan'ị nkwẹnrẹn-eze, a sị, “Ẹnyi e luepụgụọ a. Ọnwan wụ ụhụọhịn ahụn ẹnyi rị e che; ẹnyi a hụngụọ a nwan!”

Ẹkwan 2:2

Osolobuẹ emẹdẹni omikẹn, o tikpọchanrịn ebe ile ebọn Jekọpụ bi; o gigụọ ọnụma a tikpọchanrịn ebe ile w'a gbaban imẹ Nwagbọọ wụ Juda. O budangụọ alị-eze Juda lẹ ndị-isi rịn'a, bu wẹ che imẹ ifẹnrẹn.

Ẹkwan 2:5

Osolobuẹ e mẹgụọ kẹ eṅẹnrẹn; o luepụgụọ Izrẹlụ. O luepụchanrịngụọ obi-eze ile rịn'a, tikpọpụ ebe ile rịn'a w'a gbaban. O mẹgụọ ẹkwan lẹ ịkwan-ụya waye imẹ Nwagbọọ wụ Juda.

Ẹkwan 4:2

Ndị Zayọnụ nwẹn te rịkẹnmẹ mkpa, ndị hụn te wụchanrịn goru, kẹ wẹ werizi nwan kẹ ite-ụrụa mmakalaka — ọrụn-ẹka ọkpụ-ite!

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Izikẹlụ 36:3

Bu nwan amụma, sị: Osolobuẹ Nwọn Ihiẹn Ile sị, Makẹni e tikpọgụọ wẹ ụnụ la iwi, gha azụụn ile maye ụnụ, nke wụnị ụnụ e họnringụọ nke alị ndị ọzọ, wụrụ ihiẹn wẹ gi a ta ẹtụ lẹ ihiẹn wẹ gi a ka ụka,

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Ndị Rom 9:22

Kị rị a omẹni Osolobuẹ kpachanpụ ẹnya gi okẹn ndidin sọn ndị ọ sị o k'e tikpọ, kẹni o gi ihiẹn o k'e mẹ wẹ ghọsị iwe-lẹ-ọnụma a, mẹ ịhịan marịn ikẹn ẹ?

Ditrọnọmi 28:25

Osolobuẹ k'a nị ndị iṅẹnrẹn ụnụ mẹri ụnụ. Ụnụ k'a ghaha azụụn ohu bịa d'a maye wẹ, kanị ụnụ k'a gbayịya azụụn ẹsa ebe ụnụ gbakọnị wẹ, ndị alị-eze ile rị elu-ụwa nụ ihiẹn mẹni ụnụ e be wẹ ọrịọ.

Ditrọnọmi 28:64

O ru ẹ, Osolobuẹ k'e feyịya ụnụ ye imẹ alị ile rị elu-ụwa, gha isi ẹ ohu d'e ru isi ẹ hụn ẹbọ, ụnụ a nọ ebẹhụ fe mmọn-lẹ-iyi hụn ụnụ lẹ ndị nẹdi ụnụ marịnlẹni, mmọn-lẹ-iyi ndị wẹ gisọnmẹ osisi lẹ ọmụma tụ!