Hosia 8:7 - Ika

⁷ “A kụngụọ wẹ ufere, ẹbi kẹ w'a ghọrị! Ọka wẹ kụn ebuni mban, o wepụhakọnị wẹ ihiẹn-oriri; o wepụhadẹ, itunmuye k'e ripụ a.

Hosia 8:7 ပူးပေါင်းရင်းမြစ်များ

Jẹnẹsisi 41:23

Ya kẹ ọhịọ ẹsa kpọgụ nkụn, mẹ wiri-wiri, ufere gha ibe ọwụwa ẹnyanwụn sekpọgụ nọ mịpụhazị cheni wẹ.

Ndị-nze Nke Ẹbụọ 15:19

Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Jobu 4:8

A hụnọlẹ m'a nị ndị hụn kụn eje-ihiẹn lẹ ndị ghaye nsọngbu, a ghọrị a.

Itẹn 22:8

Onyẹ hụn a kụn eje-omumẹ k'a ghọrị nsọngbu, ọkpọ hụn o gi a kpa ikẹn ahụn k'a kpagi.

Ẹkịliziastisi 5:16

Ọnwan wụzịkwọ ihiẹn jọgbu enwẹn ẹ: kẹ ịhịan dọn bịa k'o dọn a la; kị wụzị nwan erere ẹ, ebe o mẹni uforo k'ọ rị a lụgbuni enwẹn ẹ?

Azaya 17:11

kụndẹ wẹ tannị, mẹ wẹ sue tannị, mẹdẹ wẹ mị mkpụrụ ụz'ọtụntụn hụ ị kụn wẹ, onwọnni hụn k'e nwọn isi ụhụọhịn lalanị, ụhụọhịn ụfụ lẹ emu nwọnlẹni ọgụn.

Azaya 55:2

Kị ụnụ rị e tuhuni egho e ṅọn ihiẹn wụlẹni ihiẹn-oriri, a rụngbu enwẹn ụnụ yeni ihiẹn ghalẹni e jun ẹfọ? Gọn m ntịn ọhụnma-ọhụnma, n'ị hụn ụzọ ri ihiẹn rị mma, ezigbo ihiẹn-oriri hụn jẹnkọ d'a rịchanrịn ị mma.

Azaya 66:15

Lekwọn'a, Osolobuẹ gi ọkụn lala, ụgbọ-ẹshin ẹ nọ kẹ okẹn ufere, ọ lala d'e gi okẹn olulu ghọsị iwe rị a obi, ọ lala d'e gi ọkụn jụgbọ ọjụgbọ a.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Ẹkwan 5:2

Ndị ẹnyi marịnlẹni e werigụọ alị ẹnyi, itumunyẹ e werigụọ ụlọ ẹnyi.

Hosia 2:9

Ufiri ẹ, ogẹn ọka ru, a napụ m wẹ ọka m; ogẹn manya-ọhụn ru, a napụ m wẹ manya ọhụn m — a napụzị m wẹ ẹṅẹnrẹn atụnrụn lẹ oruru m hụn m ye wẹ gi kparị ẹkwa kpumẹ ọtọ wẹ.

Hosia 7:9

Itumunyẹ hụ a narịn Ifrem ndụn, ọ marịn; Isi e pumẹgụọ a ẹwọ, ọ marịn!

Hosia 9:16

Ndị Ifrem a laọlẹ! Mkpọgụn wẹ a kpọpụgụọ nkụn, amịkọ wẹ mkpụrụ. Wẹ mụdẹ ụmụ, e gbupụ m ụmụ hụn a sụọnị wẹ.”

Nahum 1:3

Osolobuẹ ara bukẹnrin olulu, kanị o nwọnkẹkwọ ikẹn; ara hatukwọ onyẹ mẹ eje-ihiẹn. Okẹn ufere lẹ ẹbi k'o gi lala; ụkụ a e kpọn orukpu-igwere kẹ uzunzun.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Ndị Galeshịa 6:7

Edufiekwọlẹ ni enwẹn ụnụ: Osolobuẹ anịkọkwọ wẹ lelịa a; ihiẹn onyẹ kụn k'o k'a ghọrị.

Ndị Galeshịa 6:8

Onyẹ kụnye ihiẹn rị a gụn ẹhụ, ọ ghọrị ntikpọ; onyẹ kụnye ihiẹn Mmọn-nsọ chọ, ọ ghọrị ndụn-itẹbitẹ.

Ditrọnọmi 28:33

Ndị ị marịnlẹni k'e ri ihiẹn gha alị ị pụha, ihiẹn ẹka ị rụnpụha. Onwọnni ihiẹn ị k'a hụn karị eje-mmẹkp'ẹhụ y'e we nwụn.