Hosia 8:6 - Ika

⁶ Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Hosia 8:6 ပူးပေါင်းရင်းမြစ်များ

Ndị-nze Nke Ẹbụọ 23:15

O tikpọzịghọkwọ ukpo nchụn-ẹjan hụ rị Bẹtẹlụ, ebẹhụ jẹn elu Jerobụam nwa Nebatị mẹmẹ — Jerobụam hụn dọ ndị Izrẹlụ Ẹbamịn ugu ye imẹ njọ. Ọ dụn ụlọ-mmọn ahụn rị ebe jẹn elu ọkụn, gweriẹn ẹ, dụnzị osisi rịn'a w'a nọ e fe mmọn Ashẹra ọkụn.

Ndị-nze Nke Ẹbụọ 23:19

Kẹ Josaya mẹ imẹ Bẹtẹlụ, ẹrịra k'o dọnzi wepụ ụlọ-mmọn ile ndị-nze Izrẹlụ Ẹbamịn ugu rụntọ ebe jẹnsọnmẹ elu imẹ Sameria hụn wẹ gi kpasu Osolobuẹ iwe, Josaya nọ mẹrụ wẹ.

Ihiẹn Mẹni Nke Ẹbụọ 13:8

“Ụnụ rị nwan a chọ nị ụnụ d'a maye alị-eze Osolobuẹ, hụn rị ẹka Defidi lẹ ụmụ a, ọgụn. Ụnụ e bughọ ọda nkesi; ụnụ buzikwọ ụmụ-efin ndị ahụn Jerobụam kpụ nị ụnụ e fe.

Ihiẹn Mẹni Nke Ẹbụọ 31:1

Ogẹn Mmẹmmẹ-nghafe hụ gi gụ, ndị Izrẹlụ ile zu ebẹhụ nọ wịrị shi imẹ obodo ndị rị Juda, tikpọma ọmụma ndị wẹ kọmasọnmẹ w'e fe, gbutu osisi ndị wẹ zumẹni onyẹnnyẹ mmọn Ashẹra, tikpọsọnmẹ ebe ile jẹn elu wẹ nọ e fe ofufe lẹ ukpo ndị wẹ nọ a chụnyeni mmọn ẹjan imẹ Juda, Bẹnjamini, Ifrem lẹ Manasẹ — d'e ru ni e tikpọgụ wẹ wẹ ile. Ya kẹ onyẹ-onyẹ imẹ ndị Izrẹlụ Ẹbamịn ugu nọ lakin iwe wẹ, imẹ obodo wẹ rị ichẹn-ichẹn.

Jerimaya 10:14

Kanị ịhịan ile wụ nzuzu, onwọnni ihiẹn wẹ marịn; mmọn wụ ihiẹn-ifẹnrẹn onyẹ kpụn'a. Ihiẹn ndị ahụn ọ kpụ ẹlẹ ezigbo ẹ — w'a ara kwọn.

Jerimaya 48:13

“O k'e kpuye alị Mụabụ, o gi gi mmọn wẹ wụ Kẹmọshi dọn ẹnya, k'o dọn kpuye Izrẹlụ Ẹbamịn-ugu hụn gi mmọn wẹ kọma imẹ Bẹtẹlụ dọn ẹnya.

Jerimaya 50:2

Osolobuẹ sị, “Gi ẹ yi oro; gwa wẹ ya imẹ alị ichẹn-ichẹn. Weshi ihiẹn-ahịma elu hị a! Ekuhọdụkwọlẹ! Sị wẹ, ‘Wẹ k'e mẹri Babilọnụ weri; ifẹnrẹn k'e mẹ mmọn wẹ wụ Bẹlụ! Wẹ jẹnkọ d'e tikpọchanrịn mmọn wẹ wụ Maduku; ifẹnrẹn k'e mẹ ihiẹn ndị ahụn wẹ kpụ wẹ e fe; wẹ k'e tikpọchanrịn ihiẹn ndị ahụn ile wẹ a rụa.’

Hosia 10:2

Obi wẹ arị mma; wẹ jẹnkọ nwan d'a ta afụnfụn njọ wẹ! Osolobuẹ k'e tikpọchanrịn ukpo-mmọn wẹ, tikpọchanrịn ihiẹn wẹ zumẹni mmọn!

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Maịka 1:7

Wẹ k'a kụkpọ mmọn ile ndị Sameria kpụ, dụnpụ ihiẹn ile wẹ gi njọ wẹ nwọnhẹn ọkụn; m k'e tikpọ mmọn wẹ ile la iwi. Ihiẹn wẹ gi ịgbaraja nwọnhẹn kẹ wẹ wụ, ịgbaraja kẹ wẹ k'a gha la.

Habakọkụ 2:18

“Elee erere kẹ mmọn wẹ kpụ bandẹ, ebe o mẹni ịhịan kpụ a? Ẹlẹ ihiẹn mmaka wẹ kpụ hụn e dufie ịhịan k'ọ wụ? Onyẹ hụn kpụn'a gi ihiẹn ẹka a mẹmẹ e dọn ẹnya, bụ ọ kpụhụ ihiẹn ghalẹni e ku oku.

Ọrụn Ndị-ozi 17:29

“Ebe o mẹni ẹnyi wụ ụmụ Osolobuẹ, ẹlẹ hụn ẹnyi e gi e ro ni Osolobuẹ ẹnyi nọ kẹ ihiẹn goru mọbụ siliva mọbụ ọmụma ịhịan gi akọ-lẹ-uche ẹ lẹ iroro ẹ kpụ mọbụ tụ.

Ọrụn Ndị-ozi 19:26

Kanị ụnụ hụ e gi nwan ntịn a nụ, e gi ẹnya a hụn nị Pọlụnị e gigụọ ihiẹn ọ rị e ku nị mmọn wẹ gi ẹka mẹmẹ ẹlẹ mmọn, dọrị ndị bu ọda; ẹlẹ imẹ Ẹfẹsọsụ sụọ k'ọ rị e mẹ ihiẹnni, o d'a ghagbarịdẹ Ẹgbẹrẹ Eshịa ile!