Hosia 8:13 - Ika

¹³ Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 8:13 ပူးပေါင်းရင်းမြစ်များ

Ọpụpụ 20:3

“Enwọnkwọlẹ ni mmọn lẹ iyi ọwụlẹ cheni m.

Ọpụpụ 32:34

Jẹnmẹ nwan; duru wẹ shi ebẹhụ m ku; lee ẹ, mmọn-ozi m k'e burun'i ụzọ. K'osilẹrị, ogẹn ru m'e gi ye afụnfụn, m k'e yekwọ wẹ afụnfụn njọ wẹ.”

Itẹn 21:27

Ẹjan ndị eje-omumẹ a chụn wụ arụ ẹnya Osolobuẹ — ọrịwụzị hụn wẹ bu eje-ihiẹn obi wẹhẹ!

Azaya 1:11

“Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Jerimaya 14:10

Lee ihiẹn Osolobuẹ ku banyeni ndịnị: “Ịkpahuni a sụọ wẹ ọda-ọda; ụkụ ara nọ wẹ ụzọ ohu. Ufiri ẹ kẹ Osolobuẹ gilẹni a nabanhan wẹ; m jẹnkọ nwan d'a nyanhan eje-omumẹ wẹ, ye wẹ afụnfụn njọ wẹ.”

Jerimaya 6:20

Kịnị kẹ m gi nsẹnsi ụnụ e mẹ — ọsụọn'a alị Shẹba kẹ ụnụ gha wẹhẹ? Kịnị kẹ m gi udẹn-ọma kalamusu ụnụ e mẹ — ọsụọn'a alị tegbu enwẹn ẹ kẹ ụnụ gha wẹhẹ ẹ? Ewekọ m anụ ụnụ gi a chụnnị m ẹjan w'a dụn ọkụn; ẹjan ụnụ ara sụọ m.”

Izikẹlụ 29:16

Ijiptu awụkọzị ihiẹn ndị Izrẹlụ gi e dọn ẹnya, ihiẹn wẹ gi a nyanhanzịnị m njọ wẹ mẹ, ọgbasọn ahụn wẹ gbasọn wẹ ogẹn mbụ d'a chọ eyemẹka. Ogẹn ahụn kẹ w'e gi marịn nị m wụ Osolobuẹ Nwọn Ihiẹn Ile.’ ”

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 4:9

Ihiẹn m k'e mẹ ndịnị kẹ m k'e mẹ ndị nchụn-ẹjan wẹ! M k'e ye wẹ ile afụnfụn eje-obibi ụnụ, kụ wẹ ụgwọ eje-ihiẹn wẹ mẹ.

Hosia 5:6

Wẹ k'e gi atụnrụn lẹ efin chọ ihun Osolobuẹ, kanị o lekọ wẹ ẹnya ihun; o wepụgụọnị wẹ ẹka.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Hosia 7:2

“Egini wẹ dọn ni m k'a nyanhan njọ wẹ ile. Njọ wẹ e fihunmẹgụọ wẹ nwan; a hụnchanrịngụọ m'a.

Hosia 9:6

Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Hosia 9:9

E mẹrụchanrịngụọ wẹ enwẹn wẹ kẹ wẹ dọn mẹ imẹ Gibia ogẹn mbụ! Osolobuẹ k'a nyanhan njọ wẹ; o k'e yerịrị wẹ afụnfụn njọ wẹ.

Emọsụ 3:2

Imẹ alị ile rị elu ụwa ụnụ sụọ kẹ m họrị; m sikọ nwan d'e yerịrị ụnụ afụnfụn makẹ njọ ile ụnụ mẹ.”

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Emọsụ 8:7

Osolobuẹ e kunọlẹ enwẹn ẹ, sị, “Makẹ mpacheni ụmụ Jekọpụ rị a pache, onwọnni eje-ihiẹn ọwụlẹ wẹ mẹ m k'a zọ!

Luku 12:2

Onwọnni ihiẹn kpumẹni hụn jẹnkọlẹni d'e kpupụ; onwọnni ihiẹn zuerini hụn jẹnkọlẹni d'a wa.

Ndị Kọrẹntị Ibuzọ 11:20

Kanị, ihiẹn ahụn ụnụ e ri, ụnụ zu, ẹlẹkwọ Oriri-nsọ Di-nwọnni-ẹnyi, kaka!

Ndị Kọrẹntị Ibuzọ 11:29

Makẹni, onyẹ ri brẹdi hụ mọbụ rarị ihiẹn rị imẹ mkpu hụ bụ ọ gbayeni ẹhụ Di-nwọnni-ẹnyi rị e riri ikpe-ọmụma, a rarị ikpe-ọmụma, e ye enwẹn ẹ isi.

Ndị Kọrẹntị Ibuzọ 4:5

Eke hanlẹ ni nwan eṅẹn ebe ogẹn kelẹni ru. Cheri ni nị Di-nwọnni-ẹnyi bịa. O jẹnkọ d'e wepụha ihiẹn rị imẹ ishi ifọn, o kpuchanrịn obi ile oghe. Ogẹn hụ, onyẹ-onyẹ a narịn ọjịja-mma run'ẹ ẹka Osolobuẹ.

Ditrọnọmi 28:68

Ogẹn ahụn, Osolobuẹ k'e gi ụgbọ-mirin zikin ụnụ alị Ijiptu, ụnụ a banzị ụzọ-ijẹn hụn m te sị onwọnzini mgbe ụnụ e gi jẹn ẹ, ụnụ a nọ ebẹhụ e we enwẹn ụnụ e ye ndị iṅẹnrẹn ụnụ ṅọnrin gi ụnụ họnrin igbọn, kanị onwọnni onyẹ k'e kwe ṅọnrin ụnụ.

Rẹvẹleshọnụ 16:19

Ya kẹ obodo uku hụ nọ kebe ụzọ ẹtọ; obodo shịa ẹfọ rịsọnmẹ alị ile nọ tikpọchanrịn. Osolobuẹ a nyanhan Babilọnụ uku hụ, we mkpu hụ iwe-lẹ-ọnụma a rị ye ẹ ra kẹ manya.

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.