Hosia 8:1 - Ika

¹ “Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Hosia 8:1 ပူးပေါင်းရင်းမြစ်များ

Ndị-nze Nke Ẹbụọ 18:27

Kanị Ọnụ-eze Asiria nọ sị wẹ, “Ụnụ rodẹ nị Di-nwọnni ụnụ lẹ ụnụ ndị-isi sụọ kẹ di-nwọnni m zi m d'a gwa ihiẹn ndịnị? Ụnụ ro nị ndị ahụn rị elu mgbọn arị ndị wẹ rị a gwa — ndịnị ẹgụn sikọ nwan d'e mẹ ri nsịn wẹ nyụn, ra mamịn wẹ nyụn — nọkẹ ụnụ nwẹn?”

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 34:18

M k'e mẹ ndị ahụn dan iwu m ihiẹn, ndị hụn nọ idẹnya m kun ẹfan m bụ emẹni wẹ ihiẹn wẹ ku; m k'e mẹ wẹ ihiẹn wẹ mẹ nwa efin hụ wẹ gbu, kpọwa, gha ẹgbata a, nwa-efin ahụn wẹ gi ẹdeke ẹ kwe nkwa hụ.

Jerimaya 4:13

Ledẹ k'ọ lala kẹ orukpu igwere, ụgbọ-anyịnyan a ile zụnla kẹ okẹn ufere. Ẹshin ẹ ile benahịn ugọn nkanran. Ijẹn e gbuẹ ẹnyi! Ẹnyi a laọlẹ iwi!

Jerimaya 4:5

“Hị ihiẹnni alị Juda, ku ẹ imẹ obodo Jerusalẹm, sị wẹ, Gbu ni (opi) ọdụ ghagbama alịnị ile! Weshi ni olu elu, sị: ‘Zugbama nị! Nị ẹnyi gbashi ni obodo ẹnyi ndị zeni d'a hụarị!’

Jerimaya 48:40

Makẹni mmẹ, Osolobuẹ, sị: Lee ẹ! Ugọn shịapụ nku rị e fetu n'o buru ihiẹn, onyẹ hụn lala d'a maye alị Mụabụ rọ!

Jerimaya 49:22

Lee ẹ, wẹ k'e fekwasị alị Bozra rị Ẹdọm kẹ ugọn dọn e feshi elu, a shịapụ nku e fetu d'e buru ihiẹn. Ogẹn ahụn, obi k'a nọ ndị odogun-agha Ẹdọm kẹ obi okpoho imẹ rị e mẹ.

Jerimaya 51:27

“Weshi ni ihiẹn-ahịma elu nị ndị alị kọnrin agha! Gbu nị opi imẹ alị ichẹn-ichẹn! Kwademẹ ni alị ichẹn-ichẹn nị wẹ d'a lụsọn ẹ agha; kpọhanị alị-eze ndịnị d'a lụsọn ẹ agha: ndị Araratị lẹ ndị Mini lẹ ndị Ash'kẹnazị. Tumẹ ni ọkị-agha; wẹhẹ ni ndị-agha gi ẹshin a lụ hụn bu ọda kẹ igurube.

Jerimaya 6:1

“Zụọrịkwọ nị isi ụnụ, ụnụ ndị Bẹnjamini! Ghakwọ nị Jerusalẹm gbapụ! Gbu ni ni wẹ (opi) ọdụ imẹ obodo Tẹkụa nị wẹ gbapụ! Weshini ni wẹ ihiẹn-ahịma elu imẹ Bẹt-Hakẹrẹm kẹni wẹ gbapụ. Makẹni ẹregede nsọngbu gha ẹbamịn-ugu lala, okẹn ntikpọ hụn k'a jọgbu enwẹn ẹ.

Izikẹlụ 11:4

M sị ị nwan, ‘Bu amụma, gwa wẹ ihiẹn m jẹnkọ d'e mẹ wẹ. Nwa ịhịan, m s'ị bu amụma!’ ”

Izikẹlụ 16:59

“ ‘Osolobuẹ Nwọn Ihiẹn Ile sị: M k'e ye i afụnfụn han kẹ ihiẹn i mẹ, ịyụ hụn lelịa Ẹfan m i kun, tikpọ nkwa hụn i gi Ẹfan m kwe.

Izikẹlụ 17:3

Sị wẹ, ‘Lee ni ihiẹn Osolobuẹ Nwọn Ihiẹn Ile ku: O nwọn ẹregede ugọn ohu, hụn nwọn okẹn-nku. Ugbele ẹ sue ọda-ọda, tụ ẹkịrịka magbu enwẹn ẹ mma. Ọ bịa Lẹbanọnụ, kpagiri ọnụnụ okẹn-osisi sida rịn'a;

Izikẹlụ 7:14

“Opi a hangụọ nwan hụn wẹ e gi kọnrin agha, kanị onwọnni onyẹ jẹnkọ agha, makẹni e gigụọ m olulu kwọndọn alịnị.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 5:8

“Gbu opi-agha imẹ obodo Gibia! Gbu opi-agha imẹ Rama! weshi olu elu hị imẹ obodo Bẹt-Avẹni! Buru ni ụzọ, ndị Bẹnjamini!

Hosia 6:7

Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Hosia 9:15

“Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Juwẹlụ 2:1

Gbu ni opi elu ugu Zayọnụ! Nọ nị elu Ugu nsọ m hị ndị alị! Ndị ile bi alị Juda wẹ mẹhunmẹ makẹni ụhụọhịn Osolobuẹ e d'e ru.

Juwẹlụ 2:15

Gbu ni opi imẹ obodo Zayọnụ; kpọye ni ibu-ọnụ rị nsọ; zu ni ọgwa rị nsọ!

Emọsụ 3:6

Nị wẹ gbu opi-agha imẹ obodo egun atụnị ndị rịn'a? Nị eje-ihiẹn kunrun obodo omẹni ẹlẹ Osolobuẹ mẹ ẹ?!

Emọsụ 8:3

Osolobuẹ sị, ‘O ru ogẹn hụ, ẹkwan jẹnkọ d'a nọkin ẹnya ẹbụ imẹ Ụnọ-NSỌ. Ozun ịhịan k'e jun — fiẹnrin ebe ile! Alị k'e mẹ hịaị!’ ”

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Habakọkụ 1:8

Ẹshin-agha wẹ a gbanahịndẹ liopadị ọsọ, e rọn egun karị eje-anụ wụ wofu ẹgụn rị a gụn, a zụnbanhan ọgbọ-agha ẹrịra. W'a ghadẹ ebe tegbu enwẹn ẹ e wẹhẹ ndị e nyinni wẹ ẹshin-agha; w'e be nkanran ọda-ọda nọkẹ anwụnkwọ chụkọ ihiẹn o ri.

Zẹfanaya 1:16

O jẹnkọ d'a wụ ogẹn opi-agha lẹ oro-agha hụn agha k'e gi lụ obodo ndị wẹ tụnhunmẹ okẹn mgbọn lẹ ụlọ-nche ndị hụ zegbu enwẹn wẹ.

Zẹkaraya 11:1

Alị Lẹbanọnụ, gụnpụ ụzọ ị, kẹni ọkụn bu osisi sida jun imẹ i ri!

Zẹkaraya 9:14

Osolobuẹ k'a pụha imẹ elu azụụn nke wẹ; gbama ọbara-ụta a nọkẹ amụma! Chuku nwọn ihiẹn ile k'e gbu opi-agha, gi okẹn ufere gha ẹbamịn ọwụwa-ẹnyanwụn zụnshi agha.

Matiu 24:28

Ebe ọwụlẹ ozun rị kẹ udele sikọ d'a nọ zu.

Ndị Kọrẹntị Ibuzọ 15:52

O k'e mẹ idẹnmizi: ozigbo-ozigbo, imẹ njụbe-ẹnya ohu, hụn wẹ gihụ gbu opi ikpanzụụn! Makẹni, hụn opi hụ gihụ han, ndị nwụnhụnnị k'e gi ẹhụ ghalẹni a nwụnhụn lihi; ẹnyi ndị rị ndụn e nwọnhutọ.

Ditrọnọmi 28:49

Osolobuẹ k'e wẹhẹni ụnụ ndị alị ohu tegbu enwẹn ẹ, alị rị isi-njẹndemẹ ụwa, hụn k'a zụnbanhan d'a jụrụ ụnụ kẹ ugọn a jụrụ ihiẹn, alị ụnụ jẹnkọlẹni d'a ghọta asụsụ wẹ,