Hosia 7:16 - Ika

¹⁶ Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Hosia 7:16 ပူးပေါင်းရင်းမြစ်များ

Ẹbụ-ọma 12:3

Osolobuẹ ya bepụ ụgb'ọnụ ile wẹ gi e ku oku ọnụnụ-ire lẹ ire ile wẹ gi a nyan isi;

Ẹbụ-ọma 12:4

hụn a sị, “Ẹnyi k'e gi ire ẹnyi mẹri! Ụgb'ọnụ ẹnyi wụ nke ẹnyi, onyẹ nwọn ẹnyi?”

Ẹbụ-ọma 12:5

Osolobuẹ sị, “Makẹ ọbịangbu wẹ rị a bịangbu ndị zelẹni lẹ udẹn ndị rị imẹ-nsọngbu rị a sụn — m jẹnkọ d'e lihi nwan d'e che wẹ nche hụ rị wẹ obi ọda-ọda.”

Ẹbụ-ọma 17:10

A kpọkingụọ wẹ obi wẹ, e kukarị enwẹn wẹ.

Ẹbụ-ọma 52:2

Ị hụ e gi ire i a tụ iroro ntikpọ, ire i hụ a tụ nkọ kẹ ẹbeke; ịyụ, onyẹ ntụ!

Ẹbụ-ọma 57:4

M rị nwan imẹ igunrun ẹwọrọ; m dịnọ nwan imẹ igunrun ẹwọrọ ndị e ri ịhịan; obo lẹ ọbara-ụta kẹ eze wẹ wụ, ire wẹ wụ ọpịa-agha tụ nkọ!

Ẹbụ-ọma 73:9

W'a bandẹni elu-igwee mba, e ku nọkẹ sị elu-ụwa ile wụ nke wẹ,

Ẹbụ-ọma 78:37

Obi wẹ arị ebe ọ rị; ekwọndọnni wẹ nkwerigbama a hụn o tumẹni wẹ.

Ẹbụ-ọma 78:57

Kama, a gha wẹ ụzọ a pụ, gi aghịghọ sọn ẹ kẹ ndị nẹdi wẹ dọn mẹ, mẹ kẹ ụta zinrinlẹni.

Azaya 3:8

Jerusalẹm rị a kpọgburu; Juda ile rị a dan; makẹ oku-ọnụ wẹ gi e sọn Osolobuẹ lẹ eje-omumẹ wẹ rị e mẹsọn ẹ, e nupụ isi okpuru ẹ, ọsụọn'a nị ọ hụ imẹ igunrun wẹ, e legha wẹ.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Jerimaya 3:10

Ihiẹn ndịnị ile mẹni, Juda nwẹnẹ ẹ ẹnya rịlẹni ụzọ ohu egikwọnị obi ẹ ile kinhẹn d'e kunrun m — o kinhẹnhụ nke ọnụnụ-ire. Ya kẹ Osolobuẹ ku.”

Jerimaya 42:18

Makẹni, Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Ụnụ jẹn alị Ijiptu, e gi m iwe-lẹ-olulu mẹshi ụnụ ikẹn kẹ m dọn mẹ ndị Jerusalẹm. M mẹgụ ụnụ ya, ụnụ e họnrin ihiẹn wẹ bụ ọnụ lẹ ihiẹn w'a sọ lẹ ihiẹn wẹ gi a bụ ọnụ, ihiẹn ifẹnrẹn. Ẹnya ụnụ ahụnkọzị alịnị.’

Izikẹlụ 23:32

“Osolobuẹ nwọn ihiẹn ile sị: Ị k'a ra mkpu manya nwẹnẹ i ra, mkpu ahụn shịanị, mi; o k'e buhẹni i nsọngbu lẹ ịfa, makẹni ihiẹn rị a ọhụnma-ọhụnma.

Izikẹlụ 36:20

“Ebe-lẹ-ebe wẹ ru imẹ alị ndị ahụn, e wiwi wẹ Ẹfan m rị nsọ, makẹni w'e ku oku wẹ, a sị, ‘Ndịnị wụ ndị nke Osolobuẹ, kanị a ghakwọ wẹ alị a kpụnhan wẹ ebeni.’

Daniẹlụ 7:25

O k'e kuja oku Onyẹ hụ Kachanrịnnị, a bịangbu ndị-nsọ a, mẹmẹ n'o gbehutọ ogẹn mmẹmmẹ ichẹn-ichẹn lẹ iwu. Wẹ k'e we ndị-nsọ che ẹ ẹka n'o mẹshi wẹ ikẹn ahụa ẹtọ lẹ mkpikpi.

Hosia 11:5

Wẹ lakin alị Ijiptu; ndị Asiria k'a kị wẹ hụnnị wẹ jụ n'e hutọkọ wẹ kweyeni m.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Hosia 6:4

Kanị Osolobuẹ sị, “Euu, ndị Ifrem, kẹ m k'e gi ụnụ mẹ?! Euu, ndị Juda, kẹ m k'e gi ụnụ mẹ? Ihiẹn m ara sụọbie ụnụ kaka ihiẹn-ọsụsụọ ụnụ nọhụ kẹ igirigi ụtụntụn wẹ ghalẹni e gi e dọn ẹnya, igirigi ụtụntụn hụn ghalẹni a tọ kaka akpụ-ohu.

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Hosia 9:4

Eyekọ wẹ Osolobuẹ oyiye manya; onwọnni ẹjan wẹ k'a sụọn'a. Wẹ chụn ẹjan, ọ nọ kẹ ihiẹn-oriri wẹ ri ebe wẹ nọ e mẹ izu; onyẹ ri ẹ, ọ rụ — wẹ k'e gi ọnụ ripụ ihiẹn-oriri wẹ; o rukọ ụlọ Osolobuẹ.

Hosia 9:6

Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Malakaị 3:13

“Osolobuẹ sị, ‘Ụnụ e kujagụọ oku m.’ “Kanị ụnụ sị, ‘Kị ẹnyi gi kuja oku i?’ ”

Malakaị 3:14

“Ụnụ sị, ‘Ife Osolobuẹ abannị erere. Kị wụ erere idọnmẹ iwu ẹ lẹ igi ufiri Osolobuẹ ihiẹn ile rị okpuru ẹ a kọma isi alị nọkẹ ndị rị a kwan ịhịan?’

Matiu 12:36

M rị nwan a gwa ụnụ n'o ru Ụhụọhịn Ichin-ikpe, wẹ k'a jụ ịhịan oku ile nwọnlẹni isi o ku.

Luku 8:13

Elu ọmụma hụ mkpụrụ ndị hụ danye wụ ndị hụ nụ ozi hụ, gi ịghọghọ nabanhan a. Kanị enwọn wẹ nkpọgụn; w'e kwerihụ ẹkẹrẹ ogẹn, kanị nlele bịa, a danpụ wẹ.

Jemisi 3:5

Ẹrịra kẹ ire rị: mkpamkpa ẹhụ mẹ ẹkẹrẹ rọ, kanị o kukarị enwẹn ẹ! Ledẹ ọkụn mẹ ẹkẹrẹ a dụnpụ ẹgboko!

Pita Nke Ẹbụọ 2:8

makẹni hụn ahụn onyẹ ezi-omumẹ ahụn bi imẹ igunrun wẹ ụhụọhịn ile, eje-obibi wẹ ọ rị a hụn lẹ hụn ọ rị a nụ hụ a fụ imẹ obi ẹ hụn rị ọchan —

Rẹvẹleshọnụ 13:5

Wẹ ye eje-anụ hụ ọnụ o gi e ku okẹn ihiẹn, e ku arụ, ye ẹ ikẹn ọrọgbọ ifọn ẹbụọ kwasị ọgụnnaị.