Hosia 7:11 - Ika

¹¹ Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:11 ပူးပေါင်းရင်းမြစ်များ

Ndị-nze Nke Ẹbụọ 15:19

Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.

Ndị-nze Nke Ẹbụọ 16:7

Ahazị nọ zi ozi jẹnni Tiglatị-Pilesa eze Asiria, sị a, “Odibo i lẹ nwa ị kẹ m wụ. Bịa d'a zụọpụha m ẹka eze Aram lẹ eze Izrẹlụ, nị wẹ rị e bu a nụmanị m.”

Itẹn 15:32

Onyẹ hụn jụ ọzụnzụn e legberigụọ enwẹn ẹ; kanị onyẹ wẹ jụgbọ o gi ẹ dọn, rị e nwọnrin uche.

Itẹn 17:16

Kịnị kẹ onyẹ-ẹwobi rị e yeni wẹ egho w'e gi kuzi ẹ amamihiẹn, ebe o mẹni uche arịa a ẹfọ?

Itẹn 6:32

Onyẹ na nwunyẹ ịhịan enwọn uche; onyẹ ọwụlẹ mẹn'ẹ gbu enwẹn ẹ.

Jerimaya 2:18

“Kị ụnụ rị e jẹnni nwan Ijiptu d'a ra mirin Shihọ hụn wụ agala iyi Naịlị wẹ? Kị ụnụ rị e jẹnni Asiria d'a ra mirin Iyi-Yufretisi?

Jerimaya 2:36

K'ị rị e jẹnjẹnni e jẹnlụa, i buru onyẹni, y'e buru onyẹni? Ijiptu eyekọnị ụnụ ẹka nọkẹ kẹ Asiria dọnlẹni yeni ụnụ ẹka.

Hosia 11:11

Wẹ k'a ghazịkwọ Ijiptu mahan kpa-kpa-kpa kẹ nnụnụ, ghazịkwọ Asiria mahan piripiri kẹ nduru; e wekinzi m wẹ che iwe wẹ rị ichẹn-ichẹn.” Mmẹ wụ Osolobuẹ ku.

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 12:2

Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 4:11

“Manya lẹ ịgbaraja ife-mmọn rị a napụ ndị nke m uche wẹ!

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Hosia 5:4

“Ihiẹn wẹ rị e mẹ anịzịnị wẹ kinhẹn ebe Osolobuẹ rị makẹni mmọn ịgbaraja rị imẹ wẹ lẹni amarịn wẹ Osolobuẹ.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 9:3

Ebikọzị wẹ alịnị wụ alị Osolobuẹ, Ifrem wụ Izrẹlụ k'e kinrịrị alị Ijiptu; wẹ k'e jẹnrịrị alị Asiria d'e gi ọnụ wẹ ri ihiẹn w'a sọ.

Hosia 9:6

Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Obadaya 1:7

Alị ile ụnụ lẹ wẹ e mẹgbama sikọ d'e dufie ụnụ, chụrụdẹ ụnụ ru ebe alị ụnụ ru; wẹ k'a karị ụnụ ẹka, mẹri ụnụ; ndị ịyụ lẹ wẹ gba e ri k'e shin'i ọnyan, y'a marịnkọ!!

Matiu 10:16

“Lee n'ẹ, m zikọ ụnụ kẹ atụnrụn wẹ ziye imẹ igunrun ẹwọrọ. E gi ni uche e bi — rịkẹ agwọ, ka rị nị kẹ nduru hụn ghalẹni a rụ ịhịan ẹhụ.