Hosia 7:1 - Ika

¹ “Hụn m gihụ chọ nị m zụọ Izrẹlụ, njọ Ifrem a kpọzị m ihun, ya lẹ eje-ihiẹn rị imẹ Sameria isi-alị wẹ; ntụ-ntụ kẹ w'a tụ; ụfọdụ hụ e gbukpọ ụlọ, e zun, ụfọdụ hụ ụzọ e zun.

Hosia 7:1 ပူးပေါင်းရင်းမြစ်များ

Azaya 28:1

Nsọngbu rị e che obodo hụ wụ Sameria, ihiẹn-mma ahụn ndị manya rị a kị Ifrem gi a họnrọn — obobo hụ fapụkọnị, hụn wụ okẹn-mma alị Ifrem — isi-alị a ahụn rị isi ọdanmgbugbu hụn alị a rịgbu enwẹn ẹ mma; nsọngbu rị e che obodo ahụn — hụn wụ ọghọ ndịnị manya budangụ.

Azaya 59:12

Makẹni, eje-ihiẹn ẹnyi mẹ e bukẹ ọda ihun i, Osolobuẹ; njọ ẹnyi a shịagbugụọ ẹnyi ẹri. Njọ ẹnyi hụ a kpọ ẹnyi ihun ogẹn ile, ẹnyi e kwerighọ nị ẹnyi mẹ eje-ihiẹn ndị ẹnyi mẹ:

Azaya 59:13

isi hụn ẹnyi nupụsọnmẹ okpuru Osolobuẹ lẹ ntụ ẹnyi gi sọn ẹ, kẹ ẹnyi dọn gbakitọ Chuku ẹnyi azụụn; a kwadọn nkịgbu lẹ nnupụ-isi, a kpachanpụ ẹnya a tụsọnmẹ ntụ.

Azaya 59:14

Wẹ ile kẹ ẹnyi gi chụkin ezigbo eṅẹn azụụn, a chụzụka ezi-omumẹ; ezioku nkẹ hụ a lụ ọnwụn ọgbara-ogbe, ihiẹn kụrụ ọtọ ara s'ẹka banhandẹ ọgwa.

Jerimaya 51:9

“Ịhịan k'a gha a sị, ‘Ẹnyi a zụọghọ Babilọnụ, kanị ọ nịnị zụọ; nị ẹnyi lan'a tọ; onyẹ-onyẹ ya la alị a. Makẹni afụnfụn Osolobuẹ rị e ye ẹ jẹnhan elu kẹ igwere, elumelu ẹ e jẹnhanghọ elu kẹ orukpu.’

Izikẹlụ 16:46

Nwẹnẹ i okpoho-kanị wụ Sameria hụn ya lẹ mmụ a bi i ẹbamịn-ugu; nwẹnẹ i okpoho hụn-nta wụ Sodọm hụn ya lẹ mmụ a bi i ẹbamịn ndịdan.

Izikẹlụ 23:4

Ẹfan hụn kanị wụ Ohola; ẹfan nwẹnẹ ẹ wụ Oholiba. A lụrụ m wẹ, wẹ nọ mụ ikẹnnyẹ lẹ ikpoho. Ohola wụ alị Sameria, Oholiba wụ alị Jerusalẹm.

Izikẹlụ 24:13

“ ‘Ẹnwụnrụn ị tụ wụ eje-obibi i. Ebe o mẹni a chanchangụọ m'ị, kanị unyin i apụnị, y'e nwunchankọzị d'e ru n'e mẹgụ m'ị ihiẹn kẹ olulu m han.

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 11:12

Osolobuẹ sị, “Ndị Ifrem e gigụọ ntụ wẹ gbọndọn ijẹn mmẹ lẹ wẹ, ikpụlọ Izrẹlụ e gigụọ ndufie wẹ gbọndọnsọnmẹ ẹ; kanị ndị Juda hụkwọ e sọn Chuku e jẹnhunmẹ — wẹ hụkwọ e gi obi wẹ ile e sọn Onyẹ Ahụn Rị Nsọ.

Hosia 11:8

Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 12:2

Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.

Hosia 4:17

Ifrem wụ Izrẹlụ Ẹbamịn-ugu, e wegụọ enwẹn wẹ kwanị mmọn-lẹ-iyi, lakwọ nị wẹ tọ.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Hosia 5:1

“Nụ nị ọnwan, ndị nchụn-ẹjan! Gọn ni ntịn, ndị Izrẹlụ! Gọn ni ntịn, ikpụlọ eze! Makẹni ikpe a magụọ ụnụ! Ụnụ wụ ọnyan wẹ gi a nwụn ndị nke m imẹ Mizpa; ọga wẹ gi a nwụn wẹ imẹ Tabọ;

Hosia 6:4

Kanị Osolobuẹ sị, “Euu, ndị Ifrem, kẹ m k'e gi ụnụ mẹ?! Euu, ndị Juda, kẹ m k'e gi ụnụ mẹ? Ihiẹn m ara sụọbie ụnụ kaka ihiẹn-ọsụsụọ ụnụ nọhụ kẹ igirigi ụtụntụn wẹ ghalẹni e gi e dọn ẹnya, igirigi ụtụntụn hụn ghalẹni a tọ kaka akpụ-ohu.

Hosia 7:13

“Nsọngbu rị e che wẹ makẹni a kpapụgụọ wẹ ebe m rị! Wẹ tikpọ wẹ! Makẹni e nupụgụọ wẹ isi okpuru m! M te chọ nị m gbapụha we kanị e buokingụọ wẹ m ọnụ.

Hosia 8:5

Ẹka m arị nwa-efin goru ndị hụ ụnụ kpụ, ụnụ ndị obodo Sameria! Olulu ndị Sameria rị e bu m! Nanị wẹ k'e biehan d'e dọnmẹmẹ ẹka wẹ ọchan?

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Emọsụ 3:10

Osolobuẹ sị: “Ama wẹ mẹ ihiẹn rị mma, ihiẹn junsọnmẹ okẹn ụlọ wẹ gichanrịn egbu-lẹ-egbu lẹ ohin bịa.”

Emọsụ 3:9

D'a gwa nị wẹ ya ebe ile rị mkpa imẹ Ash'dọdụ alị Filistia; gwazịkwọnị wẹ ya ebe ile rị mkpa imẹ Ijiptu: sị nị wẹ, “Gbakikomẹ ni elu Ugu Sameria, nị ụnụ hụn okẹn isusu rị imẹ ẹ, hụnzị mmẹgbu rị imẹ ẹ!”

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Luku 13:34

“Heuu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpọnkikomẹ ndị rị imẹ i kẹ nneku-ọhụhụ dọn e kpọnkikomẹ ụmụ a e ye okpuru nku ẹ, kanị y'a nịnị m!

Luku 19:42

sị, “Ẹghẹẹ, ịyụ, ịyụdẹ! Tannị, omẹni i te marịn ihiẹn nkẹ e ye i udọn! Kanị, e zuemẹgụọ nị wẹ i ya!