Hosia 6:7 - Ika

⁷ Kanị, e mẹgụọ wẹ kẹ Adam tikpọ nkwerigbama mmẹ lẹ wẹ, e gigụọ wẹ ghẹrẹ-ghẹrẹ-ghẹrẹ sọn m.

Hosia 6:7 ပူးပေါင်းရင်းမြစ်များ

Jẹnẹsisi 3:11

Ya kẹ Osolobuẹ nọ sị a, “Onyẹ gwa ị n'ị gba ọtọ? I ridẹ nwan mkpụrụ osisi ahụn m sị ị yụ erilẹ ra?”

Jẹnẹsisi 3:6

Ọ nọ ban okpoho ahụn ẹnya nị mkpụrụ osisi ahụn rị mma wẹ e ri, n'ọ la ẹnya, n'ọ rịka mma nị ịhịan ri ẹ marịn ihiẹn. Ya ọ nọ ghọrị mkpụrụ a ri, yezikwọ di ẹ ya lẹ ịya rị, di ẹ nọ ri.

Ndị-nze Nke Ẹbụọ 17:15

A jụ wẹ uhi ẹ lẹ Iwu o gi kwọngbama enwẹn ẹ lẹ ndị nẹdi wẹ, jụ mkpịnsịn-ẹka ọ gbasọnmẹ wẹ. E sọnmẹ wẹ mmọn-lẹ-iyi la iwi, wẹ nwẹn nọ wụrụ ihiẹn la iwi. E lerisọnmẹ wẹ alị ndị ọzọ nọhunmẹni wẹ — bụ Osolobuẹ e te sịgụọ wẹ, “Emẹkwọlẹ ni kẹ w'e mẹ.”

Jobu 31:33

Omẹkwọnị e kpumẹghọ m njọ m kẹ ịhịan e mẹ, kpugbu eje-ihiẹn m mẹ imẹ obi —

Azaya 24:16

Ẹnyi hụ a nụ ẹbụ wẹ rị a bụ elu-ụwa ile, a sị, “Ịja-mma ya rịnị Onyẹ ahụn wụ Onyẹ ezi-omumẹ.” Kanị, m sị, “Ẹhụ a gbọrọ m, ẹhụ a gbọrọ m! Ndụn a gụ m! Ndị ẹro hụ e re ịhịan! Ndị ẹro hụ e gi ẹro e re ịhịan.”

Azaya 24:5

Ndị bi elu ụwa e mẹrụchanrịngụọ ụwa; a dangụọ wẹ iwu ndị wẹ ye wẹ, e sọnni wẹ uhi wẹ yini wẹ; e tikpọ wẹ nkwerigbama itẹbitẹ Osolobuẹ.

Azaya 48:8

Y'a nụtuni ihiẹn, y'a ghọtatuni ihiẹn; onwọntuni ogẹn ntịn ị gi rị oghe. Amarịnghọ m kẹ i mẹhan onyẹ ghẹrẹ-ghẹrẹ-ghẹrẹ; onyẹ nnupụ-isi kẹ wẹ a kpọ ị kete wẹ mụlẹ i.

Jerimaya 3:7

Ihiẹnni ile o mẹ, m te roni o k'e kinhẹn d'e kunrun m, kanị, o kinhẹnni. Juda nwẹnẹ-ẹ-okpoho ẹnya rịlẹni ụzọ ohu a hụnghọ ihiẹn mẹni.

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 34:18

M k'e mẹ ndị ahụn dan iwu m ihiẹn, ndị hụn nọ idẹnya m kun ẹfan m bụ emẹni wẹ ihiẹn wẹ ku; m k'e mẹ wẹ ihiẹn wẹ mẹ nwa efin hụ wẹ gbu, kpọwa, gha ẹgbata a, nwa-efin ahụn wẹ gi ẹdeke ẹ kwe nkwa hụ.

Jerimaya 5:11

Ikpụnọ Izrẹlụ lẹ ikpụnọ Juda e giọlẹ ẹkanaị sọn m.” Ya kẹ Osolobuẹ ku.

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Hosia 5:7

E gigụọ wẹ ẹkanaị sọn Osolobuẹ; a mụgụọ wẹ ụmụ ogbe! Ufiri ẹ, Mmẹmmẹ wẹ e mẹ Ifọn pụ sikọ nwan d'e bu wẹ lẹ ugbo wẹ ile ri.

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Ndị Rom 5:14

Kanị, ọnwụn nọkwọ kịsọnmẹ ịhịan gha ogẹn Adam d'e rukwọrị ogẹn Mozizi — ọ kịghọdẹ ndị danlẹni iwu Osolobuẹ kpọ ẹfan nọkẹ hụn Adam dan. Wẹ k'a saẹka gi Adam kọwa onyẹ hụ kelẹni bịa ogẹn hụ — hụn wụ Kraịstị.

Ditrọnọmi 31:20

M webangụ wẹ alị ahụn mirin-ẹran anụ lẹ mirin-ẹnwụn jun, e hu, alị hụ m kun enwẹn m kwe ndị nẹdi wẹ kanị nkwa nị m k'e ye wẹ; wẹ rijungụ ẹfọ, du, wẹ jẹnkọ d'e sọnmẹ mmọn-lẹ-iyi, fe wẹ, la m tọ, tikpọ Iwu m gi kwọngbama mmẹ lẹ wẹ.

Hibru 8:9

ọ nọkọ kẹ nkwerigbama hụ rị ẹgbata mmẹ lẹ ndị nẹdi wẹ kanị, ogẹn hụ m kwọndọn wẹ ẹka gha alị Ijiptu dupụha wẹ. Makẹni edọnmẹni wẹ nkwerigbama m, ịya haịn m gi wepụ wẹ ẹnya.’ Ya kẹ Di-nwọnni-ẹnyi ku.