Hosia 6:6 - Ika

⁶ M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Hosia 6:6 ပူးပေါင်းရင်းမြစ်များ

Ihiẹn Mẹni Nke Ibuzọ 28:9

“Ịyụ nwẹn wụ Solomọnụ nwa m, marịnkwọ Chuku nẹdi i, y'e wechanrịn enwẹn i kwan'a, wepụhachanrịn obi fe ẹ. Makẹni, Osolobuẹ e lele obi ọwụlẹ, a ghọtachanrịn ihiẹn ịhịan rị e ro. Ị chọ a, ọ nị ị hụn a; kanị ị gbakitọ a azụụn, ọ jụ ị tọ jẹnrin ejẹn.

Ẹbụ-ọma 50:8

Ẹlẹ ẹjan ụnụ rị a chụnyeni m kẹ m rị a jụgbọnị ụnụ, ẹlẹ ẹjan ụnụ rị a dụnnị m ọkụn ogẹn ile.

Itẹn 21:3

Ezi-omumẹ lẹ imẹ onyẹ ọwụlẹ k'o furu kẹ Osolobuẹ ka a nabanhan karị ịchụn-ẹjan.

Ẹkịliziastisi 5:1

Kpachanpụ ẹnya ogẹn ọwụlẹ i jẹn ụnọ Chuku. Ọ ka mma n'ị jẹn ebẹhụ d'e gọn ntịn karị n'ị jẹn d'a chụn ẹjan ndị-nzuzu — hụn ghalẹni a marịn wẹ mẹfie.

Azaya 1:11

“Ẹjan hụ ile ụnụ a chụnyeni m, kịnị kẹ m gi wẹ e mẹ?” Ya kẹ Osolobuẹ ku. Ẹjan w'a kpọ ọkụn a gbụgụọ m, kẹ hụn wẹ gi mmụ ebulu chụn kẹ ụtọrọ anụ ndị wẹ zụntọsọnmẹ; ẹdeke okẹn-efin lẹ ebulu lẹ ewu ara sụọ m.

Azaya 58:6

Ọnwan wụ ọnụ m sị ụnụ e bu: ịkpọpụ ndị wẹ rị e mẹ eje-ihiẹn ẹgan lẹ ịtọpụ ndị wẹ rị a kịgbu ẹgbụn, ịhatu ndị wẹ rị a bịangbu lẹ itibepụ agbụn ile rị wẹ olu. Ẹlẹ ịya?

Jerimaya 22:16

O kuzighọ nị ndị igbẹnnyẹ lẹ ndị elu rị fụ ọnụ wẹ, ihiẹn nọ rịnị alị mma. Ẹlẹ ọhụn wụ ịmarịnnị m?” Ya kẹ Osolobuẹ ku.

Jerimaya 7:22

makẹni, kẹ m gha alị Ijiptu wepụha ndị nẹdi ụnụ kanị, ẹlẹ oku ịchụnnị m ẹjan wẹ dụn ọkụn lẹ oyiye ndị ọzọ kẹ m gwa wẹ,

Daniẹlụ 4:27

Eze-Agụ, dodo weri nwan ọdụn m k'a dụn ị: mẹbehi njọ, mẹmẹ ezi-omumẹ; la ẹfọ-njọ tọ n'i mẹmẹni ndị rị e ri ụya ẹfọma. Ikẹnkwọ y'a ghasọnmẹ ihun.”

Hosia 14:2

Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Hosia 2:20

M k'e mẹ i wụrụ nwunyẹ m, gi mẹzu nkwa m; yụ nwẹn k'e kweyeni Osolobuẹ.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Emọsụ 5:21

“Mmẹmmẹ ụnụ e ze m ize; iko nsọ ụnụ e zu ara sụọ m.

Maịka 6:6

Kị m'e gi bịa ihun Osolobuẹ? Kị m'e gi bịa d'a rịọ Chuku rị elu-igwee? Nị m wẹhẹn'ẹ ẹjan w'a kpọ ọkụn? Nị m chụnyen'ẹ ẹjan nwa-efin ahụa ohu?

Maịka 6:8

Ịhịan, Osolobuẹ agwagụọ ị ihiẹn rị mma i k'e mẹ. Kị Osolobuẹ chọ ẹka ị karị iye ịhịan ihiẹn ẹ lẹ ihiẹn-ọsụsụọ lẹ iwelụa enwẹn i alị bini Chuku i?

Matiu 12:7

Omẹni ụnụ te marịn alị okuni: ‘Omikẹn kẹ m chọ, ẹlẹ ịchụn-ẹjan,’ ụnụ e ke gha a ma onyẹ nwọnlẹni ihiẹn o mẹ ikpe.

Matiu 5:7

Ngọzi wụ nke ndị hụn e mẹ omikẹn, makẹni wẹ sikọ d'e mẹni wẹ omikẹn.

Matiu 9:13

Jẹn ni d'a mụ ihiẹn okuni rị Ẹkụkwọ-nsọ wụ: ‘Omikẹn kẹ m chọ, ẹlẹ ịchụn-ẹjan.’ Makẹni, ẹlẹ ndị ezi-omumẹ kẹ m bịa d'a kpọ, kama ndị njọ.”

Makị 12:33

lẹni igi obi i ile lẹ nghọta ị ile lẹ ikẹn i ile nwọn ihiẹn-ọsụsụọ Osolobuẹ lẹ ịnị ihiẹn ibe i a sụọ ị kẹ ihiẹn enwẹn i dọn a sụọ ị kachanrịn mkpa a rị karị ẹjan ile wẹ dụn ọkụn lẹ ẹjan ndị ọzọ ile.”

Joshụa 5:5

Ndị ile gha alị Ijiptu pụha kwachanrịn ugun, kanị ndị ile wẹ mụ imẹ atụ ogẹn wẹ gi ghagụ Ijiptu pụha eke kwa.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.

Jọnụ Ibuzọ 3:6

Onwọnni onyẹ rị imẹ ẹ a tọ njọ e mẹ; onyẹ tọ njọ e mẹ eke hụntu ẹ mọbụ marịn a.

Samuẹlụ Nke Ibuzọ 15:22

Kanị Samuẹlụ nọ sị a, “Ẹjan w'a dụn ọkụn lẹ ẹjan mmaka kadẹ nwan Osolobuẹ a sụọ karị igi oku ẹ dọn ra? Lee ẹnya, ihumẹ-isi ka ịchụn-ẹjan mma; i mẹ ihiẹn wẹ sị ị mẹ ka iye ụtọrọ ebulu mma.