Hosia 5:9 - Ika

⁹ Ezioku kẹ m rị a gwa ebọn Izrẹlụ ile, Ifrem wụ Izrẹlụ Ẹbamịn-ugu k'a gba okpokoro ogẹn afụnfụn lalanị e gi bịa!

Hosia 5:9 ပူးပေါင်းရင်းမြစ်များ

Jobu 12:14

O tikpọ ihiẹn, w'a ra sa ẹka tụndọnzi ẹ; ọ tụ ịhịan ngan, w'a ra s'ẹka wepụha a.

Azaya 37:3

Wẹ nọ sị Azaya, “Eze wụ Hezikaya sị, ‘Ogẹn nsọngbu lẹ mkpari lẹ ụya a bịagụọnị ẹnyi nwan. Ọ nọ kẹ ebe nwa nọ kpuyechanrịn isi n'ọ pụha — kanị nnẹ ẹ ahụnnị ndụn kịnpụha a!

Azaya 46:10

M'a nọ mbidọn e ku ọgụgụ, e mẹ ndị mbụ-mbụ a marịn ihiẹn rị ihun. M sị: “Ihiẹn hụn m bu obi k'e mẹrịrị; m k'e mẹchanrịn ihiẹn ile m chọ nị m mẹ.”

Azaya 48:3

Mbụ-mbụ, m kutọsọnmẹ ihiẹn jẹnkọ d'e mẹni, ọnụ m kẹ wẹ gha pụha, mmẹ mẹ wẹ marịn wẹ; m nọ nwan mẹ ihiẹn m mẹ idẹnmizi, wẹ nọ nwan mẹzu.

Azaya 48:5

Ịya haịn m gi gwatọ ụnụ ihiẹn ndịnị kete-kete, ku ẹ kete-kete, amamgbe y'a sị, “Mmọn ndị hụn m kpụ mẹ wẹ; mmọn m gi osisi pịn lẹ hụn m gi ụzụn kpụ sị wẹ mẹ.”

Azaya 7:16

makẹni, nwata hụ gini d'a marịn ihiẹn ru ebe ọ nọ saẹka jụ ihiẹn rịlẹni mma, họrị ihiẹn rị mma, alị ndị-nze ẹbụbụọnị ị rị a tụ egun wẹ a lagụọ iwi.

Hosia 5:12

M rị e mẹ Ifrem ihiẹn ẹkịka e mẹ osisi; m rị e mẹ ndị Juda ihiẹn ụtụ e mẹ osisi!

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Hosia 7:12

Kanị, wẹ jẹnkọnị ebẹhụ, m k'e gi ọga m nwụn wẹ, wetu wẹ alị kẹ nnụnụ e feni; M k'e gi ihiẹn wẹ rị e zuni ye wẹ afụnfụn.

Hosia 8:8

E luepụgụọ wẹ Izrẹlụ; ọ rị nwan kẹ ugbẹgbẹ tikpọnị imẹ igunrun alị ndị ọzọ:

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Emọsụ 3:7

Ezioku-ezioku, Di-nwọnni-ẹnyi wụ Osolobuẹ ara mẹ ihiẹn-anaị bụ ọ ghọsịgụnị idibo ẹ ndị-amụma ihiẹn o bu obi.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Maịka 6:13

Mmẹ nwẹn sikọ nwan d'e ye ụnụ afụnfụn jọgbu enwẹn ẹ, m k'a napụchanrịn ụnụ ihiẹn ile ụnụ nwọn.

Zẹkaraya 1:6

Kanị, ihiẹn ile m zi idibo m ndị-amụma d'a gwa ndị nẹdi ụnụ nị m k'e mẹ wẹ e mẹghọ wẹ, ẹlẹ ya? Ya kẹ ndị nẹdi ụnụ nọ nwan rohutọ, sị, ‘Ihiẹn ahụn Osolobuẹ wụ Chuku ẹnyi sị o k'e mẹ ẹnyi makẹ eje-omumẹ ẹnyi lẹ eje-ihiẹn ẹnyi mẹ k'o mẹ nwan ẹnyi.’ ”

Jọnụ 16:4

Kanị, a gwatọgụọ m ụnụ ihiẹn ndịnị, kẹni, o mẹmẹ, ụnụ a nyanhan nị a gwatọgụọ m ụnụ ya. “Agwanị m ụnụ ihiẹn ndịnị isi mbidọn, makẹni mmẹ lẹ ụnụ rị.