Hosia 5:13 - Ika

¹³ Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Hosia 5:13 ပူးပေါင်းရင်းမြစ်များ

Ndị-nze Nke Ẹbụọ 15:19

Pulu eze Asiria, nọ maye alị ahụn, Menahẹm nọ bu ẹkpa siliva nnụ-uku (1,000) ye Pulu kẹni Pulu kwadọn ẹ, mẹ ọkịkị banchanrịn a ẹka.

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Ndị-nze Nke Ẹbụọ 16:7

Ahazị nọ zi ozi jẹnni Tiglatị-Pilesa eze Asiria, sị a, “Odibo i lẹ nwa ị kẹ m wụ. Bịa d'a zụọpụha m ẹka eze Aram lẹ eze Izrẹlụ, nị wẹ rị e bu a nụmanị m.”

Azaya 3:7

Kanị nwẹnẹ ẹ k'e yi ụhụọhịn ahụn, sị, ‘Asakọkwọ m ẹka dọnzi ihiẹn-anaị! Ihiẹn-oriri mmaka arịdẹ iwe m, ẹwuru arịa! Etumẹkwọlẹ m onyẹ-ndu ndịnị!’ ”

Jerimaya 30:12

Osolobuẹ sị, “Ẹtẹ i ẹlẹ hụn w'a zụọ, ẹhụ ị rụ a jọka.

Izikẹlụ 23:5

“Ohola a nọdị okpuru m, e bi kẹ ịgbaraja, e sọn ndị rị a chanban a ẹnya, ndị Asiria, ndị odogun-agha,

Hosia 10:6

Wẹ k'e bujẹn mmọn ahụn Asiria d'e gi kele eze-uku Asiria ifẹnrẹn e mẹgbu ndị Ifrem, wẹ ile rị Izrẹlụ Ẹbamịn-ugu e gi mmọn hụ fa.

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 2:7

O k'a gbasọn ndị ya lẹ wẹ rị a sụọ, kanị o kunrunkọ wẹ; ọ k'a chọ wẹ, kanị ọ hụnkọ wẹ; ẹnya e fọn ẹ, ọ sị, ‘M k'a laburu di m ibuzọ m — nị ogẹn ahụn mmẹ lẹ ịya kẹ ihiẹn ka mma.’

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Maịka 1:9

Makẹni alị Sameria a rụgụọ eje ẹhụ nwọnlẹni ọgụn! Ihiẹn ohu ahụn e kunrungụọ Juda! O rugụọdẹ nwan ọnụ-mgbọn ndị nke m, o rugụọdẹ Jerusalẹm.