Hosia 5:1 - Ika

¹ “Nụ nị ọnwan, ndị nchụn-ẹjan! Gọn ni ntịn, ndị Izrẹlụ! Gọn ni ntịn, ikpụlọ eze! Makẹni ikpe a magụọ ụnụ! Ụnụ wụ ọnyan wẹ gi a nwụn ndị nke m imẹ Mizpa; ọga wẹ gi a nwụn wẹ imẹ Tabọ;

Hosia 5:1 ပူးပေါင်းရင်းမြစ်များ

Jerimaya 11:7

Gha ogẹn m gi gha alị Ijiptu wepụha ndị nẹdi ụnụ d'e ru tannị, ẹnịna kẹ m'a gba wẹ mkpịnsịn-ẹka ẹnya, a gba wẹ ya a gbakwasị, a sị wẹ, “Mẹ ni ihiẹn m sị ụnụ mẹ.”

Jerimaya 13:18

“Osolobuẹ sị m, Sị eze rị a kịnị lẹ nnẹ ẹ, ‘Hidan nị ukpo-eze ụnụ, makẹni okpu-eze ụnụ ma mma jẹnkọ d'a gha ụnụ isi danpụ.’

Jerimaya 46:18

Mmẹ, Eze hụn ẹfan a wụ Osolobuẹ ihiẹn ile ri okpuru ẹ, rị e ku ẹ nị: Nebukadineza k'a bịarịrị d'e mẹ ụnụ ihiẹn, mmanị m nwụnhụn anwụnhụn! O k'a ka ibe ẹ nọkẹ ugu Tabọ; O k'a ka ibe ẹ nọkẹ Ugu Kamẹlụ hụn kachanrịn elu e jẹn mkpẹnrẹn ohimin.

Hosia 10:15

Ẹrịra kẹ wẹ k'e mẹ i, alị Bẹtẹlụ, yeni okẹn njọ ị. O ruhụ ogẹn ahụn, e gbupụ wẹ eze Izrẹlụ Ẹbamịn-ugu.

Hosia 13:8

M k'a maye wẹ kẹ eje-anụ wẹ napụ ụmụ a, e bu m wẹ ri kẹ ẹwọrọ; a dọkịka m wẹ kẹ eje-anụ.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 6:9

Kẹ ndị ohin dọn e chekin ịhịan ụzọ ẹrịra kẹ ndị nchụn-ẹjan e mẹ nwan; wẹ rị nwan e gbu ọchụn ụzọ Shẹkẹm, e mẹ eje-ihiẹn e mẹ ifẹnrẹn!

Hosia 9:8

Onyẹ-amụma wụ onyẹ-nche wẹ tumẹni Izrẹlụ wụ Ifrem. Kanị ọnyan-ọnyan kẹ w'a kpọn'a ebe-lẹ-ebe o jẹn, ukpokpo-ukpokpo kẹ w'e kpokpodẹ ẹ mmụlọ Chuku ẹ.

Juwẹlụ 1:2

Gọn ni ntịn, ụnụ ndị-isi; ndị ile rị alị Juda, gọn ni ntịn: Ihiẹn nọ ẹnịna e mẹtughọ ogẹn ụnụ mọbụ ogẹn ndị nẹdi ụnụ?

Emọsụ 3:1

Ndị Izrẹlụ, nụ nị ihiẹn Osolobuẹ sị nị ịya kẹ ụnụ mẹ, “Ihiẹn alị Izrẹlụ ile m gha alị Ijiptu wepụha mẹ hụn rị e ze m ize:

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Maịka 3:1

M nọ sị: Gọnkwọ nị ntịn, ụnụ ndị-isi ebọn Jekọpụ, ụnụ ndị-ọkịkị alị Izrẹlụ! Ụnụ te furu hụn a marịn ihiẹn rị mma.

Maịka 3:9

Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Maịka 7:2

Ndị e mẹ uche Osolobuẹ arịzị alịnị; onwọnzini onyẹ kụrụ ọtọ. Onyẹ ọwụlẹ hụ e che n'o gbu ibe ẹ; onyẹ-onyẹ hụ e shitọnị ibe ẹ ọnyan.

Malakaị 1:6

“Nwa a gbaye nẹdi ẹ; odibo a gbaye di-nwọnn'ẹ. Omẹni nẹdi kẹ m wụ, mgbaye m? Omẹni di-nwọnni ụnụ kẹ m wụ, mgbaye m? Ya kẹ Osolobuẹ ihiẹn ile rị okpuru ẹ rị a jụ ụnụ ndị nchụn-ẹjan rị e budan ẹfan m. Ụnụ hụ a sị kẹ nanị ụnụ dọn budan ẹfan m?

Malakaị 2:1

“Nị m gwa nwan ụnụ ndị nchụn-ẹjan ihiẹn m sikọ d'e mẹ ụnụ:

Ndị Han Eṅẹn 4:12

Ogẹn wẹ gi gwa Sisẹra nị Barakị nwa Abinụam e werigụọ ndị-agha shi Ugu-Tabọ,

Ndị Han Eṅẹn 4:6

Debọra zi wẹ kpọha Barakị nwa Abinụam, onyẹ obodo Kẹdẹshi onyẹ ebọn Naf'tali. Ọ nọ sị Barakị, “Osolobuẹ, Chuku Izrẹlụ, sị ị, ‘Jẹnmẹ; d'e weri ikẹnnyẹ ebọn Naf'tali lẹ Zẹbulọnụ nnụ-uku iri (10,000) n'i we wẹ shi Ugu Tabọ.

Samuẹlụ Nke Ibuzọ 7:16

Ahụa-ahụa, ọ gha Bẹtẹlụ e jẹn Gil'galụ, a gha Gil'galụ e jẹn Mizpa, a han nị Izrẹlụ eṅẹn imẹ obodo ndị hụ.

Samuẹlụ Nke Ibuzọ 7:5

Ya kẹ Samuẹlụ nọ nwan sị wẹ, “Kpọkikomẹ ni Izrẹlụ ile d'e zu imẹ Mizpa. M jẹnkọ d'a rịọnị ụnụ Osolobuẹ.”

Samuẹlụ Nke Ibuzọ 7:6

E zu wẹ imẹ Mizpa ebahụn, wẹ nọ dọrị mirin huye ihun Osolobuẹ; e bu wẹ ọnụ ụhụọhịn ahụn, e kupụha wẹ njọ wẹ, sị, “Ẹnyi e mẹgụọ Osolobuẹ njọ.” Samuẹlụ wụ onyẹ du Izrẹlụ imẹ Mizpa ebẹhụ.