“Nwa-ịhịan, ikẹnnyẹ ndịnị e bugụọ obi wẹ che mmọn wẹ rị a rụa, e bugụọ wẹ mmọn ndị hụ rị e mẹ wẹ a kpọgburu che enwẹn wẹ ihun. Nanị m'a dọn nwan nị wẹ jụ m ihiẹn ọwụlẹ?
“Onyẹ Izrẹlụ ọwụlẹ mọbụ abịamabịa ọwụlẹ bi alị Izrẹlụ hụn k'a gbakitọ m azụụn, bu obi ẹ che mmọn ndị hụ wẹ rị e fe, gi njọ a gbọnkin enwẹn ẹ ụzọ, bịa d'e kunrun onyẹ-amụma n'ọ jụ a uche m, mmẹ wụ Osolobuẹ k'e gi ẹka m za a.
Agbọ ọwụlẹ, nwa Ẹrọnụ hụn rị ọnọdị onyẹ isi nchụn-ẹjan wụ onyẹ sikọ d'a chụn ẹjannị. O sikọ d'a wụchanrịn nke Osolobuẹ ogẹn ile wẹ chụn a jẹnrin ejẹn, wẹ k'a dụnchanrịn a nwan ọkụn.
Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”
K'ọ rị m nwan, onyẹ ohu imẹ ụnụ a gụnma ụzọ Ụlọ-nsọ, amamgbe ụnụ ghazị a mụye ọkụn nwọnlẹni ihiẹn m gi ẹ e mẹ elu ukpo nchụn-ẹjan m! Ihiẹn ụnụ rị e mẹ asụọnị m kaka; anarịnkọ m ẹjan ụnụ. Ya kẹ Osolobuẹ ihiẹn ile rị okpuru ẹ ku.
Wẹ k'a gha e gi ọnụ-ọma a tụnarịn ụnụ ihiẹn ụnụ yeni ẹnya-uku wẹ. Ikpe-ọmụma lẹ afụnfụn wẹ butọnị wẹ ẹdẹi hụ a — ọ lakọ wẹ tọ; ntikpọ Osolobuẹ jẹnkọ d'e tikpọ wẹ aranhịnnị!
Kị ụnụ rị nwan e legberini ẹjan lẹ oyiye m hụn m tumẹni Ụlọ m? K'ị rị a gbayeni ụmụ ị a karị m — ụnụ gi e weri ebe ka mma imẹ oyiye ile ndị nke m rị e wẹhẹni m, e gi e rijun ẹfọ?
