Hosia 4:6 - Ika

⁶ Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 4:6 ပူးပေါင်းရင်းမြစ်များ

Ihiẹn Mẹni Nke Ẹbụọ 15:3

Ọrọgbọ ahụa ole-lẹ-ole Izrẹlụ esọnni Chuku wụ Chuku nke-esi enwọn wẹ onyẹ nchụn-ẹjan a kuzini wẹ, enwọn wẹ Iwu.

Jobu 36:12

Kanị omẹni egini w'ẹ dọn, a nwụn wẹ ọnwụn-ikẹn nwụntọ imẹ nzuzu.

Ẹbụ-ọma 119:139

Iwe e wegbugụọ m, makẹni ndị-iṅẹnrẹn m a latọgụọ ihiẹn i ku.

Ẹbụ-ọma 119:153

Dodo, lee afụnfụn m rị imẹ ẹ, n'ị zụọpụha m, makẹni azọnị m iwu i.

Ẹbụ-ọma 119:61

Ọsụọn'a nị ndị-njọ e gigụọ ụdọ kehunmẹ m, m'a ra zọ iwu i.

Ẹbụ-ọma 18:27

Y'a zụọpụha ndị e welụa enwẹn wẹ alị, kanị y'e wetu ndị weshi enwẹn wẹ elu.

Itẹn 10:21

Oku-ọnụ ndị ezi-omumẹ e ye ndị bu ọda ihiẹn-oriri, kanị ndị nzuzu a nwụnhụndẹ makẹni uche arịa.

Itẹn 19:2

Ọrịnị mma nị ịhịan nwọn adụdụ bụ amamihiẹn arịa, mọbụ nị ịhịan hụhụ, fie ụzọ.

Azaya 1:3

Efin a marịnghọ onyẹ-nwọnn'ẹ; jaki nkẹ a marịnzịghọ ihiẹn di-nwọnn'ẹ gi e butọn'a ihiẹn-oriri, kanị Izrẹlụ amarịn, ndị nke m aghọtanị!”

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 27:11

Osisi ndị ahụn kpọpụ nkụn, kpagiri, ikpoho e gi wẹ fiye ọkụn. Makẹni ndịnị enwọn nghọta — ya haịn Onyẹ keni wẹ gilẹni e mẹni wẹ omikẹn, Onyẹ keni wẹ ara mẹni wẹ ọhụnma.

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Azaya 29:12

Wẹ we ẹ ye onyẹ malẹni gụn, sị a, “Gụn ihiẹnni, dodo,” ọ sị, “Ama m gụn.”

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 45:20

‘Gbakikomẹ ni bịa; ụnụ ile gha alị ichẹn-ichẹn gbapụha; ndị hụn e buhunmẹ mmọn wẹ pịn amarịn ihiẹn, ndị hụn a kpọku mmọn ghalẹni a zụọpụha ịhịan.

Azaya 5:13

Ufiri ẹ, wẹ k'a kpụn ndị nke m shi alị ọzọ makẹni ndị nke m enwọn nghọta; ẹgụn-ọnụ k'e gbu ndị-isi wẹ, ẹgụn-mirin e gbu ndị-mmaka.

Jerimaya 2:8

Ndị nchụn-ẹjan m ajụnị ‘Elebe kẹ Osolobuẹ rị?’ Ẹghẹẹ, ndị nwẹn gi iwu m amarịn m kaka; ndị-ndu wẹ nkẹ hụ a pa oku m. Ndị-amụma e gi ẹfan mmọn wụ Baalụ e bu amụma, e sọn mmọn nwọnlẹni isi.

Jerimaya 4:22

“Ndị nke m e zuzu ezuzu; amarịn wẹ m. Ụmụ nwọnlẹni uche kẹ wẹ wụ; enwọn wẹ nghọta. Eje-ihiẹn kẹ wẹ marịn ẹnya a; ama wẹ mẹ ihiẹn rị mma.”

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Izikẹlụ 44:23

Ndị nchụn-ẹjan nwọn kuzi ndị nke m ihiẹn rị ichẹn ẹgbata ihiẹn rị nsọ lẹ ihiẹn-mmaka lẹ ẹgbata ihiẹn rụnị lẹ ihiẹn rụlẹni.

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 4:12

Wẹ rị a jụ ibe-osisi uche ẹ! Mkp'osisi rị nwan a ghọsị wẹ ụzọ! Makẹni mmọn hụn e nu ịgbaraja e dufiegụọ wẹ, a latọgụọ wẹ Chuku wẹ.

Hosia 4:14

Eyekọ m ụmụ ụnụ ikpoho afụnfụn nị wẹ rị a gba ịgbaraja; eyekọ m inyẹnmẹ ụmụ ụnụ afụnfụn nị wẹ zọ ụkụ ye ọfịa, makẹni ụnụ ndị ikẹnnyẹ hụ e bu ịgbaraja ụlọ-mmọn, e sọn ịgbaraja a ghọ ihiẹn ahụn wẹ rị a ghọ. “Ebọn nwọnlẹni uche iwi kẹ w'a la.

Hosia 5:4

“Ihiẹn wẹ rị e mẹ anịzịnị wẹ kinhẹn ebe Osolobuẹ rị makẹni mmọn ịgbaraja rị imẹ wẹ lẹni amarịn wẹ Osolobuẹ.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:9

Itumunyẹ hụ a narịn Ifrem ndụn, ọ marịn; Isi e pumẹgụọ a ẹwọ, ọ marịn!

Hosia 8:1

“Osolobuẹ sị: Gbu opi agha! Onyẹ nọ kẹ udele rị e fehunmẹ elu ụlọ Osolobuẹ, makẹni e tikpọlẹ wẹ nkwerigbama m, dan Iwu m.

Hosia 8:12

Ọ sụọn'a nị e degụọ m iwu m dejun, ọ nọhụ kẹ sị amarịn wẹ ebe ọ gha bịa.

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Hosia 9:17

Chuku m sikọ d'a jụ wẹ tọ makẹni egọnni w'ẹ ntịn. Wẹ k'a gha a wahunmẹ imẹ alị ndị ọzọ.

Matiu 1:6

Jese wụ nẹdi Defidi hụn wụ eze. Eze wụ Defidi wụ nẹdi Solomọnụ hụn nnẹ ẹ te wụ nwunyẹ Yuria.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 15:8

‘Ọnụnụ-ire sụọ kẹ ndịnị gi a gbaye m, obi wẹ arị ebe m rị.

Samuẹlụ Nke Ibuzọ 2:12

Ụmụ Ẹlaị ndị nchụn-ẹjan e mẹkẹ eje-ịhịan; onwọnni ihiẹn wẹ kpọ Osolobuẹ.