Hosia 4:16 - Ika

¹⁶ “Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Hosia 4:16 ပူးပေါင်းရင်းမြစ်များ

Ẹbụ-ọma 78:8

amamgbe w'a nọ kẹ ndị nẹdi wẹ kanị: ndị isi-ikẹn, ndị nnupụ-isi, ndị ẹnya wẹ rịlẹni ụzọ ohu, hụn dọnmẹlẹnini Chuku obi wẹ.

Azaya 22:18

O k'a kụkụmachanrịn ị, ma ị ye alị shịanị. I k'a nwụntọ ebẹhụ, yụ lẹ ụgbọ-ẹshin i ndị hụ magbu enwẹn wẹ mma, ịyụ hụn a fa ikpụlọ di-nwọnn'i!

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 5:17

O mẹgụ wẹ ihiẹn, alị wẹ e họnrin ọfịa atụnrụn a nọ a kpa nni, mmụ-atụnrụn k'a nọ ụlọ ndị-ịdanfịn ndị hụ k'e mẹ mkpọkọ-mkpọkọ e ri ihiẹn-oriri.

Jerimaya 14:7

Ezioku-ezioku njọ ẹnyi a shịagbugụọ ẹnyi ẹri, Dodo Osolobuẹ, gi ufiri ẹfan ị tụnị ẹnyi ụya, nị ẹnyi a danpụọlẹ ọda-ọda, ẹnyi e mẹọlẹ i njọ.

Jerimaya 3:11

Osolobuẹ nọ sị m, “Izrẹlụ Ẹbamịn-ugu hụn danpụnị kazịdẹ nwan Juda ẹnya rịlẹni ụzọ ohu mma.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 3:8

E yeghọ m Izrẹlụ Ẹbamịn-ugu danpụgụnị ẹkụkwọ-mpechan, chụpụ a — makẹ ughẹrẹ ẹ, ife mmọn ichẹn-ichẹn. M nọ hụn a nị egun atụnị Juda nwẹnẹ ẹ hụn ẹnya rịlẹni ụzọ ohu, ọ pụ ogbe d'a ghẹrẹmazị ughẹrẹ ife mmọn ichẹn-ichẹn.

Jerimaya 31:18

Eziẹ, a nụghọ m kẹ Ifrem wụ Izrẹlụ rị a kwan ụya, a sị, “Y'e yegụọ m afụnfụn ọda-ọda kẹ w'e mẹ nwa-efin wẹ zụnlẹni. Dodo, wekinhẹn m nwan nị m hụn ụzọ kinhẹn, makẹni yụ wụ Osolobuẹ wụ Chuku m.

Jerimaya 5:6

Ufiri ẹ, ẹwọrọ k'a gha ọfịa bịa d'a maye wẹ, eje-anụ wụ wofu k'a gha imẹ atụ bịa d'a dọririẹn wẹ, liopadị k'a warị ẹhụ obodo wẹ, dọkịka onyẹ ọwụlẹ k'a ma-ama pụha, makẹni nnupụ-isi ndịnị a karịgụọ ẹka; ọkpahu ọkpahu kẹ wẹ rị a kpahu.

Jerimaya 7:24

Kanị, egọndẹni wẹ ntịn, achọdẹni wẹ nị wẹ nụ; a gbasọnmẹdẹ wẹ isi-akwanran, mẹsọnmẹ ihiẹn eje-obi wẹ ye wẹ. Hụn nkẹ w'e gi e shi ihun, wẹ hụ a la azụụn.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Hosia 10:11

Ifrem wụ Izrẹlụ wụ okẹn-efin w'e yejun ẹfọ, ọka sụọ k'ọ zọ, ọ hụ a sụọ a; mmẹ nwẹn e yezighọ a efe. Kanị, m jẹnkọ nwan d'e yimẹ Ifrem agbụn-ọrụn olu, Juda k'a rụnrịrị ugbo. Ụmụ Jekọpụ k'e girịrị ẹka wẹ dụkpọ alị ugbo.

Hosia 11:6

Agha k'a bịa obodo wẹ rị ichẹn-ichẹn, tikpọsọnmẹ ọnụ-mgbọn obodo ndị ahụn. Agha k'e bu wẹ ri makẹ eje-iroro wẹ rị a tụ.

Hosia 11:7

Ndị nke m sị wẹ k'a larịrị m tọ. Wẹ kpọku onyẹ wẹ sị ya kẹ wẹ rị e fe n'o d'e yeni wẹ ẹka, kanị onwọnni onyẹ k'e yeni wẹ ẹka, onwọnni onyẹ k'e welini wẹ.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Zẹkaraya 7:11

Kanị ndị nẹdi ụnụ egọnni ntịn. A gbama wẹ isi-akwanran, kụkin ntịn wẹ amamgbe w'a nụ;

Samuẹlụ Nke Ibuzọ 15:11

“Ọ fụka m nị m tumẹ Sọlụ eze, makẹni ọ gbakitọgụọ m azụụn; o mẹni ihiẹn m sị a mẹ.” Ihiẹnni nọ fụ Samuẹlụ, ọ nọ kwanghọsị Osolobuẹ uhinhin hụ ile.