Hosia 4:15 - Ika

¹⁵ “Ọsụọn'a ndị Izrẹlụ Ẹbamịn-ugu rị a gbasọn mmọn, Juda emẹkwọlẹ ni njọ hụ! Esọnjẹnkwọlẹ ni wẹ Gil'galụ; esọnjẹnkwọlẹ ni wẹ eje-ofufe imẹ ‘Bẹt-Avẹni’. Esọnkwọlẹ ni wẹ kun ẹfan m hụn wẹ rị e kun okunkun nwọnlẹni isi.

Hosia 4:15 ပူးပေါင်းရင်းမြစ်များ

Ihiẹn Mẹni Nke Ẹbụọ 17:4

Chuku, hụn nẹdi ẹ fe k'o fe, o mẹsọnmẹ ihiẹn ile o ku, o mẹni kẹ ndị Izrẹlụ Ẹbamịn ugu e mẹ.

Ihiẹn Mẹni Nke Ẹbụọ 21:11

Ọ tụnsọnmẹzịghọ ụlọ-mmọn ye elu ugu ndị rị Juda, mẹ ndị bi Jerusalẹm gbasọnmẹ mmọn ndị hụ kẹ ịgbaraja, duhuhu ndị Juda.

Azaya 48:1

Ebọn Jekọpụ, gọn ni ntịn, ụnụ ndị w'a kpọ Izrẹlụ, ụnụ ndị ẹbozo Juda; ụnụ ndị e kun ẹfan Osolobuẹ, a kpọku Chuku Izrẹlụ — kanị ụnụ ara gi ezioku lẹ ezi-omumẹ mẹ ẹ;

Jerimaya 44:26

Ka gọnkwọ nị nwan ntịn, ndị Juda ile bi alị Ijiptu: Osolobuẹ sị, ‘Mmẹ wụ Osolobuẹ rị e kun Okẹn Ẹfan m, nị onwọnzini onyẹ Juda ọwụlẹ bi alị Ijiptu k'e kun ẹfan m — onwọnni onyẹ k'a sị, “Ma Osolobuẹ ihiẹn ile rị okpuru ẹ!”

Jerimaya 5:2

Ọsụọn'a wẹ kun ẹfan m, ntụ kẹ wẹ rịkwọ a tụ!”

Izikẹlụ 20:39

“Ụnụ ndị Izrẹlụ, Osolobuẹ Nwọn Ihiẹn Ile sị: Jẹnmẹkwọ nị d'e femẹ mmọn ụnụ — onyẹ lẹ mmọn a, onyẹ lẹ mmọn a! Kanị, omẹgụ, ụnụ k'e gọnrịrị m ntịn, ụnụ egikọzị mmọn ụnụ ndị hụ lẹ oyiye ụnụ e ye wẹ budan ẹfan m rị nsọ.

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 10:8

Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Hosia 11:12

Osolobuẹ sị, “Ndị Ifrem e gigụọ ntụ wẹ gbọndọn ijẹn mmẹ lẹ wẹ, ikpụlọ Izrẹlụ e gigụọ ndufie wẹ gbọndọnsọnmẹ ẹ; kanị ndị Juda hụkwọ e sọn Chuku e jẹnhunmẹ — wẹ hụkwọ e gi obi wẹ ile e sọn Onyẹ Ahụn Rị Nsọ.

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 12:11

O mẹ nwan nị njọ rị a kpọ imẹ Gilẹdị; ndị Gilẹdị a lagụọ iwi; imẹ Gil'galụ zị wẹ rị e gi okẹn-efin a chụnyeni mmọn ẹjan — m k'a kụtuzịkwọ ukpo nchụn-ẹjan ndị ahụn, a nọsọnmẹ wẹ kẹ ikpọn ọmụma rị ugbo wẹ rụn nke ọhụn.”

Hosia 12:12

Jekọpụ gbashi alị Aram Siria, nọ ebẹhụ fe ịhịan n'ọ lụrụ nwunyẹ, o duni wẹ atụnrụn gi lụrụ nwunyẹ.

Hosia 4:12

Wẹ rị a jụ ibe-osisi uche ẹ! Mkp'osisi rị nwan a ghọsị wẹ ụzọ! Makẹni mmọn hụn e nu ịgbaraja e dufiegụọ wẹ, a latọgụọ wẹ Chuku wẹ.

Hosia 5:8

“Gbu opi-agha imẹ obodo Gibia! Gbu opi-agha imẹ Rama! weshi olu elu hị imẹ obodo Bẹt-Avẹni! Buru ni ụzọ, ndị Bẹnjamini!

Hosia 9:15

“Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Emọsụ 4:4

“A bịakwọ nị Bẹtẹlụ d'e mẹ njọ; a bịakwọ nị Gil'galụ d'e mẹwaye njọ hụ! E wẹhẹ ni ẹjan d'a chụn ụtụntụn ile! A kụkwọ nị ụzọ-ohu-imẹ-ụzọ-iri ụnụ, a kụ n'a akpọhịn ẹtọ-ẹtọ.

Emọsụ 5:5

Agbajẹnzilẹ ni Bẹtẹlụ; abanyezilẹ ni Gil'galụ; efezilẹ ni mgbọn e shi Biẹshẹba. Makẹni, wẹ k'e mẹri Gil'galụ; wẹ k'a kpụnrịrị ndị Gil'galụ shi alị ọzọ; Bẹtẹlụ awụkọzị ihiẹn ọwụlẹ.”

Emọsụ 6:10

Onyẹ nke wẹ hụn k'e lin'ẹ bịa, o bupụhagụ ozun ezi, ọ jụma onyẹ ọ hụn ebẹhụ hụn rị imẹ-imẹ ụlọ, “O nwọnzi onyẹ yụ lẹ ịya rị ebẹhụ?” Hụnyẹ a sị a “Mba!” Ọ sị hụnyẹ, “Dodo, gbakwọ nkịtịn! Ẹnyi akpọkọkwọ ẹfan Osolobuẹ!”

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Ndị Ẹfẹsọsụ 5:11

Ebuchekwọlẹ ni ẹka ihiẹn ishi makẹni abannị wẹ erere; kama, kpu ni wẹ oro,

Joshụa 5:9

Osolobuẹ nọ sị Joshụa, “E nupụgụọ m ihiẹn-ifẹnrẹn alị Ijiptu imẹ igunrun ụnụ tannị.” Ya wẹ nọ nwan kpọma ebẹhụ Gil'galụ hụn wụ “Nnupụ” d'e ru tannị.

Joshụa 7:2

Joshụa gha Jẹriko zijẹn ikẹnnyẹ obodo Aị hụn rị elu-òke ẹhụ Bẹt-Avẹni, ẹbamịn ọwụwa-ẹnyanwụn Bẹtẹlụ, sị wẹ, “Jẹn ni d'e gi nzuzue lele kẹ obodo Aị nọ,” ya wẹ nọ jẹn d'e lelehunmẹ obodo Aị.