Hosia 4:13 - Ika

¹³ Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Hosia 4:13 ပူးပေါင်းရင်းမြစ်များ

Ndị-nze Nke Ẹbụọ 17:7

Ihiẹn ndịnị ile mẹ makẹ njọ ndị Izrẹlụ mẹ Osolobuẹ wụ Chuku wẹ hụn gha alị Ijiptu, ẹka Fẹro eze Ijiptu, wepụha wẹ, lẹzi makẹni wẹ fe mmọn-lẹ-iyi;

Ndị-nze Nke Ẹbụọ 23:7

Ọ nọzị tikpọchanrịn ebe ikẹnnyẹ wụ ịgbaraja ụnọ-mmọn bi imẹ Ụlọ-nsọ Osolobuẹ lẹ ebe ikpoho a nọdị a kpa ihiẹn mmọn Ashẹra.

Azaya 1:29

Ifẹnrẹn k'e mẹ ụnụ makẹ osisi ndị hụ ụnụ a rụa, hụn a sụọ ụnụ ụsụọ; ụnụ k'a fa makẹ ugbo-nta ndị hụ ụnụ nọ a rụa mmọn hụn ụnụ sị nị ịya ka ụnụ mma.

Azaya 57:5

Ụnụ ile hụn rị a kpasu enwẹn ụnụ lekẹ ịgbaraja ebe lẹ ebe osisi okuu duni jun lẹ okpuru osisi ọwụlẹ duni — ebe ụnụ rị a rụa mmọn; ụnụ ndị rị e gi mmụ ụnụ a chụn ẹjan imẹ ọdanmgbugbu lẹ oghe rịsọnmẹ mkpọnụnụ ugu.

Azaya 57:7

Y'a gbagụọ ịgbaraja elu ugu ile jẹn elu, ebahụn ị nọ a kwa ese.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 3:13

Ka kwerihụ nị y'e mẹọlẹ njọ, nị y'e nupụgụọ isi okpuru Osolobuẹ wụ Chuku i, y'e wegụọ enwẹn i kwanị mmọn alị ọzọ rị ichẹn-ichẹn okpuru osisi ọwụlẹ duni, y'e mẹni ihiẹn m sị ị mẹ.” Ya kẹ Osolobuẹ ku.

Jerimaya 3:6

Ogẹn Josaya gi wụ eze Juda, Osolobuẹ nọ sị m, “Y'a hụngụọ ihiẹn Izrẹlụ Ẹbamịn-ugu danpụgụnị mẹ? O jẹnsọnmẹgụọ elu òke jẹn elu lẹ okpuru osisi ọwụlẹ duni d'a gba ịgbaraja a wụ ife mmọn ichẹn-ichẹn.

Jerimaya 44:8

Kị ụnụ rịzị nwan e gini ihiẹn ụnụ gi ẹka ụnụ mẹmẹ a kpasu m iwe? A mụye nsẹnsi e gi a rụa mmọn-lẹ-iyi rị alị Ijiptu ụnụ bịa d'e biri. Ụnụ jẹnkọ tan d'e gi ẹ tikpọ enwẹn ụnụ. Ogẹn ahụn, ụnụ e họnrin ihiẹn wẹ gi a bụ ọnụ lẹ ihiẹn-ifẹnrẹn ẹnya ndị alị ndị ọzọ ile rị elu-ụwa.

Izikẹlụ 16:16

Y'a nọ ẹkwa ị weri hụn i gi mẹmẹrinsọnmẹ ụlọ-mmọn ma mma, nọ imẹ wẹ gbasọnmẹ ịgbaraja hụ ị rị a gba. Ihiẹn nọ ẹrịra efuruni hụn e mẹni; efuruni wẹ hụn e mẹni kaka!

Izikẹlụ 16:25

Y'a rụn ụlọ-mmọn ị ye isi-ụzọ ile, e mẹrụ mma-ẹhụ ị, a shịapụ ụkụ a tọnị onyẹ ọwụlẹ ghafekọnị, ịgbaraja ị hụ a waye.

Izikẹlụ 6:13

Ụnụ k'a marịn nị mmẹ wụ Osolobuẹ ogẹn ozun ndị hụ e gi jun ebẹhụ mmọn wẹ lẹ ukpo-mmọn wẹ rịsọnmẹ, elu òke ile jẹn elu lẹ ugu ile, okpuru osisi ọwụlẹ duni lẹ ukun okẹn-osisi okuu ọwụlẹ ẹhụhụọ jun — ebe ile wẹ nọ a mụyeni mmọn wẹ nsẹnsi.

Hosia 10:8

Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Emọsụ 7:17

Ufiri ihiẹnni i ku, Osolobuẹ sị: Nwunyẹ i k'e họnrin ịgbaraja imẹ obodoni! Wẹ k'e gi ọpịa-agha gbu ụmụ i — kẹ ikẹnnyẹ kẹ ikpoho! Ndị ọzọ k'a kpachanpụ ẹnya keri alị ị — a ma a, e kebe; ịyụ lẹ enwẹn i wụ Amazia k'a nwụntọ alị ọzọ rụnị; wẹ k'e wepụrịrị ndị alịnị, ndị Izrẹlụ Ẹbamịn-ugu, alị wẹ, we wẹ shi alị ọzọ.’ ”