Hosia 2:7 - Ika

⁷ O k'a gbasọn ndị ya lẹ wẹ rị a sụọ, kanị o kunrunkọ wẹ; ọ k'a chọ wẹ, kanị ọ hụnkọ wẹ; ẹnya e fọn ẹ, ọ sị, ‘M k'a laburu di m ibuzọ m — nị ogẹn ahụn mmẹ lẹ ịya kẹ ihiẹn ka mma.’

Hosia 2:7 ပူးပေါင်းရင်းမြစ်များ

Ihiẹn Mẹni Nke Ẹbụọ 28:23

Ọ chụnyesọnmẹni mmọn ndị Damaskọsụ hụn mẹrin'ẹ ẹjan, makẹni ọ sị enwẹn ẹ, “Ebe o mẹ ni mmọn ndịnị ndị-nze Aram e fe e yegụọnị wẹ ẹka, m jẹnkọ d'a chụnyeni wẹ ẹjan kẹni wẹ yezikwọnị m ẹka.” Kanị, ọdịdan kẹ oku wẹ buhẹni ya lẹ ndị Izrẹlụ ile.

Ẹbụ-ọma 116:7

Obi m, zumẹzi nwan ikẹn, nị Osolobuẹ e mẹkẹmẹkẹni m.

Azaya 30:16

Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Jerimaya 2:2

“Jẹn d'a hị ihiẹnni nị ndị Jerusalẹm nụ a: Lee ni ihiẹn Osolobuẹ ku: ‘A nyanhan m kẹ ụnụ dọn wechanrịn enwẹn ụnụ kwanị m kẹ ụnụ rị okoro, kẹ ihiẹn m dọn sụọ ụnụ lekẹ nwunyẹ m lụ nke ọhụn, ụnụ nọ kweri sọn m gha imẹ atụ, alị wẹ kụnlẹni ihiẹn ọwụlẹ.

Jerimaya 2:28

Ebe mmọn ndị ahụn ụnụ mẹmẹrin rịzị nwan? Wẹ bịa nwan, omẹni wẹ sa ẹka zụọpụha ụnụ imẹ nsọngbu! Ẹghẹẹ, y'e nwọnghọ mmọn bu ọda, Juda — mmọn buhan ọda kẹ obodo ndị rị imẹ i!”

Jerimaya 2:36

K'ị rị e jẹnjẹnni e jẹnlụa, i buru onyẹni, y'e buru onyẹni? Ijiptu eyekọnị ụnụ ẹka nọkẹ kẹ Asiria dọnlẹni yeni ụnụ ẹka.

Jerimaya 3:1

“Okẹnnyẹ kpechan nwunyẹ ẹ, nị hụn okpoho a pụ, lụma okẹnnyẹ ọzọ, nị di ẹ mbụ lụmazị a? Alị a rụchanrịnkọ o mẹ ẹ? Kanị ị hụ e bi kẹ ịgbaraja ya lẹ ndị bu ọda rị a sụọ, nị ị buruhẹzi m nwan?” Ya kẹ Osolobuẹ ku.

Jerimaya 31:18

Eziẹ, a nụghọ m kẹ Ifrem wụ Izrẹlụ rị a kwan ụya, a sị, “Y'e yegụọ m afụnfụn ọda-ọda kẹ w'e mẹ nwa-efin wẹ zụnlẹni. Dodo, wekinhẹn m nwan nị m hụn ụzọ kinhẹn, makẹni yụ wụ Osolobuẹ wụ Chuku m.

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Jerimaya 44:17

Ẹnyi jẹnkọ d'e mẹrịrị ihiẹn ile ẹnyi kwe mmọn nkwa: Ẹnyi k'a chụnyeni mmọn hụ wụ Eze-okpoho Elu-igwee ẹjan — mụyen'ẹ nsẹnsi, tụyen'ẹ manya, kẹ ẹnyi lẹ ndị nẹdi ẹnyi lẹ ndị-nze ẹnyi lẹ ndị-isi ẹnyi dọn mẹ imẹ obodo ndị rị alị Juda lẹ ọgbara-ogbe Jerusalẹm. Ogẹn ahụn kẹ ẹnyi gidẹ nwọn ihiẹn-oriri, ihiẹn hụ a ghanị ẹnyi, onwọnni eje-ihiẹn mẹni ẹnyi.

Izikẹlụ 16:18

Y'e weri ẹwuru i ndị hụ wẹ kpayesọnmẹ ihiẹn ma mma yimẹ mmọn ndị hụ ị kpụ, e gi udẹn-olivu m lẹ nsẹnsi m a rụa wẹ.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Izikẹlụ 20:32

“Ihiẹn hụ ụnụ rị e ro aghakọ, ihiẹn hụ ụnụ rị a sị enwẹn ụnụ, ‘Nị ẹnyi nọ kẹ alị ndị ọzọ, ebọn ndị rị alị ndị ọzọ, ndị hụn e fe mkp'osisi lẹ ọmụma.’

Izikẹlụ 23:12

Ya nwẹn nọzịkwọ gbasọnmẹ ndị Asiria: kẹ ndị-isi wẹ kẹ ndị ndu-agha wẹ kẹ ndị-odogun agha wẹ, wẹ lẹ ekikẹn wẹ rigbu enwẹn ẹ mma, ndị e nyinni alị Asiria ẹshin, ikorọbịa Asiria pu mma.

Izikẹlụ 23:22

“Oholiba, lee nwan ihiẹn Osolobuẹ Nwọn Ihiẹn Ile ku: M sikọ nwan d'a kpọli ndị yụ lẹ wẹ te gba a sụọ, ndị hụ ị jụgụ, e mẹ m wẹ maye i azụụn ile;

Izikẹlụ 23:4

Ẹfan hụn kanị wụ Ohola; ẹfan nwẹnẹ ẹ wụ Oholiba. A lụrụ m wẹ, wẹ nọ mụ ikẹnnyẹ lẹ ikpoho. Ohola wụ alị Sameria, Oholiba wụ alị Jerusalẹm.

Daniẹlụ 4:17

“ ‘Ndị-ozi hị ihiẹnni; ndị-nsọ sị ihiẹnni mẹ, kẹni ịhịan ile rị ụwa marịn nị alị-eze ile ịhịan pumẹ rịchanrịn okpuru Onyẹ hụ Kachanrịnnị, nị o we wẹ e ye onyẹ ọwụlẹ ọ chọ, e wedẹ wẹ e ye onyẹ kachanrịn ntịn a kị.’

Daniẹlụ 4:25

wẹ k'a chụpụ ị ebe ịhịan rị d'e sọn anụmanụ biri; i jẹnkọ d'e ri irurue kẹ efin, igirigi a gha elu-igwere ziẹnkpu i. Ahụa ẹsa k'i k'a rị ọnọdị hụ, d'e ru nị o we i ẹnya nị alị-eze ile ịhịan pumẹ rịchanrịn okpuru Onyẹ Hụ Kachanrịnnị, lẹni o we wẹ e ye onyẹ ọ chọ.

Daniẹlụ 4:32

Wẹ sikọ d'a chụpụ ị ebe ịhịan bi, y'e sọn anụmanụ biri; i jẹnkọ d'e ri irurue kẹ efin. Ahụa ẹsa k'i k'a rị ọnọdị hụ d'e ru ni y'e ku ẹ nị alị-eze ile ịhịan pumẹ rịchanrịn ẹka Onyẹ Hụ kachanrịnnị lẹni o we ẹ e ye onyẹ ọ chọ.”

Daniẹlụ 5:21

mẹ ẹ pụ ebe ịhịan rị, we uche anụmanụ ye ẹ; o sọn jaki-ọfịa biri, ri irurue kẹ efin; igirigi igwere e ziẹnkpu ẹ, d'e ru ebe ọ nọ we ẹ ẹnya nị alị-eze ile ịhịan pumẹ rị Chuku Hụn Kachanrịnnị ẹka, lẹni Chuku e tumẹ onyẹ ọwụlẹ ọ chọ n'ọ kị wẹ.

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 2:16

Osolobuẹ sị, ogẹn ahụn, ‘Di m’ kẹ Izrẹlụ k'a rị a kpọ m, ẹlẹzi ‘Di-nwọnni-m’ ẹfan Baalụ.

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Hosia 5:15

A la m wẹ tọ, jẹnmẹ d'e ru mgbe wẹ kweri n'e mẹgụọ wẹ eje-ihiẹn, chọma ihun m. Eziẹ-eziẹ, wẹ tabe afụnfụn, e gi wẹ obi wẹ ile chọma m.”