Hosia 2:5 - Ika

⁵ Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Hosia 2:5 ပူးပေါင်းရင်းမြစ်များ

Azaya 1:21

Ledẹ ni nị obodo nwẹn wẹ te gi e dọn ẹnya e họnringụọ nwan ịgbaraja! Ezigbo eṅẹn te jun imẹ ẹ; ezi-omumẹ te bi imẹ ẹ, kanị ndị izighẹ bi ẹ nwan!

Azaya 50:1

Osolobuẹ sị ndị Izrẹlụ, “Elee ẹkụkwọ-mkpechan kẹ m ye nnẹ ụnụ wụ alị Izrẹlụ, omẹni mkpechan kẹ m kpechan a? Onyẹ kẹ m re ụnụ ye gi kụ ụgwọ — omẹni orire kẹ m re ụnụ? Njọ ụnụ haịn wẹ gi re ụnụ; eje-obibi ụnụ haịn wẹ gi chụpụ nnẹ ụnụ.

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 13:22

Ị k'a jụma enwẹn i, ‘Kị seni m ihiẹnni?’ Njọ ile i mẹ, ịya haịn wẹ gi nwan kpushi ẹbulukun i elu, gi ẹhụ ị mẹ ihiẹn sụọnị wẹ.

Jerimaya 2:20

O teọlẹ ị kpagipụ ihiẹn m gi limẹ i, tibepụ eriri ẹ; ị sị, ‘Efekọ m'ị!’ Eziẹ-eziẹ, y'a nọ elu òke ọwụlẹ jẹn elu lẹ okpuru osisi ọwụlẹ duni e we enwẹn ụnụ a kwanị mmọn lẹ iyi — kẹ ịgbaraja dọn e mẹ ịhịan.

Jerimaya 6:8

Ịyụ wụ Jerusalẹm, nụkwọ nwan, amamgbe m'a la ị tọ, mẹ alị ị họnrin atụ — alị nwọnlẹni onyẹ bin'ẹ.”

Izikẹlụ 16:35

“ ‘Yụ wụ ịgbaraja, gọn nwan ntịn ihiẹn Osolobuẹ rị e ku!

Izikẹlụ 16:39

E we m'i ye ndị yụ lẹ wẹ gba a sụọ, e tikpọ wẹ ụlọ-mmọn ị lẹ ebe ile ị nọ a rụa mmọn; a gbụnarịn wẹ i ẹkwa ị, kpọnrin ihiẹn-mma ị ndị ahụn ma mma, hatu yụ lẹ ọtọ.

Izikẹlụ 16:4

“ ‘O mẹ nke ọmụmụ ị — ụhụọhịn wẹ mụ ị, ebeni wẹ i otumẹ, egini wẹ mirin wụ ị, eteni wẹ i nnu kẹ w'e te nwa-ọhụn, afụmanị wẹ i ẹkwa.

Hosia 1:2

Isi ibuzọ Osolobuẹ gi kumẹ oku ghahanị Hosia, ọ sị Hosia, “Jẹn d'a lụrụ ịgbaraja; o k'a gha ogbe mụhann'ị ụmụ. M k'e gi ẹ ghọsị nị ẹrịra kẹ ndị alịnị dọn wụrụ ịgbaraja ebe wẹ nọ latọ mmẹ wụ Osolobuẹ d'e femẹ mmọn.”

Hosia 2:2

“Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Hosia 2:8

Izrẹlụ e gin'ẹ dọn nị mmẹ y'ẹ ọka, lẹ manya-ọhụn lẹ ofigbọn-olivu yezi ẹ goru lẹ siliva ahụn o gi rụa Baalụ.

Hosia 3:1

Osolobuẹ sị m, “D'a ghọsịzị nwunyẹ i ihiẹn-ọsụsụọ, ọsụọn'a nị ya lẹ onyẹ ọzọ rị a sụọ, lẹni ọ zọ ụkụ e ye ọfịa, nị ẹrịra kẹ Osolobuẹ e nwọnsọnmẹ ihiẹn-ọsụsụọ ndị Izrẹlụ, ọsụọn'a nị w'e fesọnmẹ mmọn lẹni ihiẹn-oriri ahụn wẹ gi a kwa ese a sụọ wẹ asụọ.”

Hosia 4:5

Ọhanfie ọhanfie kẹ ụnụ a hanfiesọnmẹ ụkụ kẹ efinaị kẹ uhinhin; ndị-amụma hụzị e sọn ụnụ a hanfie; m sikọ nwan d'e tikpọ nnẹ ụnụ wụ alị Izrẹlụ.

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Hosia 9:10

Osolobuẹ sị, “Kẹ m bu ụzọ hụn Izrẹlụ, ọ nọ kẹ ogbe vaịnị ịhịan hụn alị mirin rịlẹni; kẹ m bu ụzọ hụn ndị nẹdi ụnụ, ọ sụọghọ m kẹ mkpụrụ-osisi figi ibuzọ channị. Kanị e femẹ wẹ Baalụ-Pioru, we enwẹn wẹ kwanị ihiẹn ifẹnrẹn hụ, wẹ lẹ enwẹn wẹ nọ họnrin ihiẹn rụnị nọkẹ ihiẹn ahụn sụọnị wẹ!

Emọsụ 8:13

O ru ogẹn ahụn, ịgbagba magbu enwẹn wẹ mma lẹ ikorọbịa sikọ d'a sọhị yeni ẹgụn-mirin;

Ndị Han Eṅẹn 16:23

Omẹgụ, ndị-isi Filistia nọ zu nị wẹ d'a chụnyeni mmọn wẹ wụ Dagọnụ ẹjan hi ogbe lẹni wẹ ri oriri makẹni wẹ rị a sị, “Mmọn ẹnyi e wegụọ eṅẹnrẹn ẹnyi wụ Samsịn ye ẹnyi mẹri.”