Hosia 2:23 - Ika

²³ “M k'a kụnye Izrẹlụ alịnị kẹ ihiẹn m, e mẹni m ‘Omikẹn-arịa’ omikẹn ọsụọn'a nị m kpọ a ‘Omikẹn-arịa’; m k'a sị ndị nwẹn w'a kpọ ‘Ẹlẹ wẹ ndị nke m,’ ‘ndị nke m kẹ ụnụ wụ,’ a sị wẹ m, ‘Ịyụ wụ Chuku ẹnyi.’ ”

Hosia 2:23 ပူးပေါင်းရင်းမြစ်များ

Ẹbụ-ọma 118:28

Ịyụ wụ Chuku m, m k'a kpanmịn ị; Chuku m, m k'a ja ị mma.

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 68:31

Alị Ijiptu k'e zi ndị ụkọ wẹhẹni i igwee-bronzu nwẹnẹ goru; alị Ẹtiopịa k'a hụhụ wẹhẹzikwọ oyiye wẹ d'a gbaye Chuku.

Ẹbụ-ọma 72:16

Ọka ya jun alịnị, ya jun elu ugu ndị rịn'a e finfin, ya mẹ ihiẹn kẹ alị Lẹbanọnụ. Ịhịan wẹ jun imẹ obodo ichẹn-ichẹn rị alịnị kẹ irurue jun imẹ ogige.

Ẹbụ Solomọnụ 2:16

Nke-m wụ nke m, mmẹ nwẹn wụ nke ẹ; ọ rị ebẹhụ wẹ kun lili jun a ghahunmẹ.

Azaya 44:5

Ogẹn hụ, onyẹ ohu k'a sị, ‘M wụ nke Osolobuẹ’, onyẹ ọzọ a kpọ enwẹn ẹ ‘Jekọpụ’; onyẹ ọzọ k'e de ‘Nke Osolobuẹ’ ye enwẹn ẹ ẹka, zama Izrẹlụ.”

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 30:22

Ụnụ k'a wụrụ ndị nke m nke-esi, mmẹ nwẹn a wụrụ Chuku ụnụ.”

Jerimaya 31:27

Osolobuẹ sị, “Ezioku, ogẹn lala hụn m k'e gi kụn mmụ ye imẹ Izrẹlụ Ẹbamịn-ugu lẹ imẹ Juda nọkẹ mkpụrụ wẹ kụnye imẹ ugbo — kẹ ịhịan kẹ anụ-ụlọ jẹnkọ d'a mụba.

Jerimaya 32:38

Wẹ k'a wụ ndị nke m, mmẹ nwẹn a wụrụ Chuku wẹ.

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Izikẹlụ 36:29

“M k'a zụọpụha ụnụ imẹ ụrụ ile ụnụ rụ. M k'a sị ọka ụnụ k'e ri ya jun, m'ẹ barahị; ewẹhẹkọnị m ụnụ ụnwụn.

Hosia 1:6

Omẹgụ, Goma nọ tụrụzị imẹ, mụ okpoho. Osolobuẹ nọ sị Hosia, “Gụn a ‘Lo-Ruhama’ hụn wụ ‘Omikẹn-arịa,’ makẹni ẹlẹ m k'e mẹzi omikẹn ndị Izrẹlụ Ẹbamịn-ugu gbagharị wẹ.

Hosia 8:2

Izrẹlụ Ẹbamịn-ugu hụ a hị m, a sị, ‘Osolobuẹ ẹnyi, ẹnyi wụ ndị nke i!’

Zẹkaraya 10:9

Ọsụọn'a nị m fe wẹ ye alị ndị ọzọ, wẹ k'a nọzịkwọ alị ndị hụ teni nyanhan m; wẹ k'a rị ndụn, wẹ lẹ ụmụ wẹ, lụahazị ebeni.

Zẹkaraya 13:9

m k'e mẹ ụzọ ohu hụ họdụnị gha imẹ ọkụn, gi ẹ chanchan wẹ kẹ w'a chanchan siliva; gi ẹ lele wẹ kẹ wẹ e lele goru. Wẹ k'a kpọku ẹfan m, a za m wẹ; m k'a sị, ‘Wẹ wụ ndị nke m’, a sị wẹ, ‘Osolobuẹ wụ Chuku ẹnyi.’ ”

Zẹkaraya 14:16

Omẹgụ, ndị wẹ gbuhọdụ imẹ alị ile lụsọn Jerusalẹm agha e jẹnmẹ Jerusalẹm ahụa-ahụa d'e fe Eze, Osolobuẹ ihiẹn ile rị okpuru ẹ, lẹni wẹ d'e mẹ mmẹmmẹ Ibi-imẹ-ọdụ.

Zẹkaraya 14:9

Osolobuẹ k'a wụrụ eze ụwa ile. Osolobuẹ sụọ kẹ wẹ k'a gha e fe ogẹn ahụn, ẹfan Osolobuẹ sụọ kẹ wẹ k'a gha a kpọku.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ndị Rom 3:29

Chuku wụdẹ Chuku ndị Ju sụọ ra? Ẹlẹzi ya ke ndị wụlẹni ndị Ju? Ẹghẹẹ, ịya wụzị Chuku hụn ke ndị wụlẹni ndị Ju,

Jemisi 1:1

Mmẹ wụ Jemisi de ẹkụkwọ-ozini. M wụ igbọn Osolobuẹ lẹ Di-nwọnni-ẹnyi wụ Jesu Kristi. M rị e dejẹnni ụmụ ebọn mmẹbụọ alị Izrẹlụ rị alị ndị ọzọ; e kele m ụnụ!