Hosia 2:13 - Ika

¹³ M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Hosia 2:13 ပူးပေါင်းရင်းမြစ်များ

Ndị-nze Nke Ẹbụọ 1:2

Ahazia hụn wụ nwan eze ndị Izrẹlụ gha ngịgan wẹ gi ganye windo mmughẹ ẹ rị ibe elu dan, rụ ẹhụ, imẹ obodo Sameria. Ọ nọ han ụkọ, sị wẹ, “Jẹn ni d'a jụ Baalụ-Zẹbubu, hụn wụ mmọn ndị alị Ẹkrọnụ, kẹ ni m dịnhịn.”

Ndị-nze Nke Ẹbụọ 10:28

Ẹrịra kẹ Jehu dọn kụsịchanrịn ofufe Baalụ imẹ ndị Izrẹlụ ẹbamịn-ugu.

Ndị-nze Nke Ẹbụọ 21:3

Ọ tụnkinsọnmẹ ụlọ-mmọn ndị ahụn nẹdi ẹ wụ Hezikaya tikpọgụ; o tumẹzighọ ukpo mmọn Baalụ, zumẹ osisi wẹ gi a rụa Ashẹra kẹ Ehabụ wụ eze Izrẹlụ Ẹbamịn ugu dọn mẹ. Ọ kụsọnmẹni kẹ kokisẹ kẹ wẹ ile rị igwere isi-alị, e fe wẹ.

Jobu 8:13

Ẹrịra kẹ onyẹ ọwụlẹ zọ Chuku e jẹn; ẹrịra k'o kpuye onyẹ ghalẹni a tụ egun Osolobuẹ.

Ẹbụ-ọma 106:13

Kanị, a zọ wẹ ihiẹn o mẹ ozigbo; echerikọ wẹ nụ uche ẹ.

Ẹbụ-ọma 106:21

A zọ wẹ Chuku hụn a zụọpụhanị wẹ, onyẹ hụn mẹsọnmẹ okẹn ihiẹn imẹ alị Ijiptu;

Ẹbụ-ọma 78:11

A zọ wẹ ihiẹn ile ọ rụn lẹ ọrụn atụmẹnya ọ rụnghọsị wẹ.

Ọpụpụ 32:34

Jẹnmẹ nwan; duru wẹ shi ebẹhụ m ku; lee ẹ, mmọn-ozi m k'e burun'i ụzọ. K'osilẹrị, ogẹn ru m'e gi ye afụnfụn, m k'e yekwọ wẹ afụnfụn njọ wẹ.”

Azaya 17:10

Kị haịn? Makẹni y'a zọgụọ Chuku ahụn a zụọpụhanị ị; y'a nyanhannị Ọmụma hụ y'a gbaban imẹ ẹ. Ọ sụọkwọ ị nwan kụn ihiẹn-akụnkụn rịgbu enwẹn ẹ mma, kụndẹ vaịnị pụ ichẹn wẹ gha alị ọzọ wẹhẹ;

Azaya 65:7

Njọ ụnụ lẹ njọ ndị nẹdi ụnụ haịn m k'e gi mẹ ẹ.” Ya kẹ Osolobuẹ ku. “Makẹni ndị nẹdi ụnụ nkẹ a mụzịghọ nsẹnsi elu ugu, e fezighọ nị wẹ m isi elu òke; m k'a kụzu wẹ ụgwọ ihiẹn wẹ mẹ mbụ, kụ a ye wẹ ngadan.”

Jerimaya 11:13

ẹghẹẹ, Juda e nwọngụọ mmọn buhan ọda kẹ obodo ndị rị imẹ Juda, kanị o yekọnị wẹ ẹka ụhụọhịn hụ; ụnụ ndị Juda e tumẹringụọ ukpo-mmọn bu ọda kẹ ọgbara-ogbe rị imẹ Jerusalẹm han, a nọ wẹ a mụye nsẹnsi a rụa ihiẹn ifẹnrẹn ahụn wụ Baalụ.’

Jerimaya 18:15

Kanị ndị nke m a zọgụọ m; wẹ hụ a mụyeni mmọn nwọnlẹni-isi nsẹnsi. O mẹgụọ wẹ kpọgburusọnmẹ, latọsọnmẹ ụzọ mbụ-mbụ hụ rị mma; o mẹ wẹ ghasọnmẹ ụzọ-ọfịa lẹ ụzọ rịlẹni mma.

Jerimaya 2:32

Nị nwagbọọ zọ yiri ejije ẹ? Nị okpoho rị a gba ẹkụkwọ zọ yiri ihiẹn-mma a? Bụ ndị nke m a zọgụọ m — zọgele m.

Jerimaya 23:2

Lee nwan ihiẹn Osolobuẹ hụn wụ Chuku Izrẹlụ ku banyeni ndị rị e du ndị nke m: “Makẹni ụnụ a chụzịzagụọ ndị nke m, chụpụ wẹ — hụn nkẹ ụnụ e gi lepụ wẹ ẹnya, m k'e ye ụnụ afụnfụn eje-ihiẹn ụnụ mẹ. Mmẹ wụ Osolobuẹ e kugụọ a!

Jerimaya 7:34

M k'e mẹ wẹ anụzịlẹ olu ndị rị e nwọn ịghọghọ lẹ anwịnrịn lẹ ndị rị a gba ẹkụkwọ imẹ obodo ile rị alị Juda lẹ ọgbara-ogbe ile rị obodo Jerusalẹm, makẹni alịnị k'a gba okpokoro.

Jerimaya 7:9

“Ụnụ hụ e zun ohin, e gbu ịhịan, a na ibe ụnụ nwunyẹ — a zọ ụkụ e ye ọfịa, e kun ẹfan m bụ ntụ kẹ ụnụ rị a tụ, a mụyeni Baalụ nsẹnsi, e sọn mmọn-lẹ-iyi ụnụ marịnlẹni mbụ.

Ẹkwan 1:4

Ụzọ ile wẹ gha e jẹn Zayọnụ rịdẹ a kwan, makẹni onwọnni onyẹ a ghazị wẹ a bịa mmẹmmẹ nsọ. Ọnụ-mgbọn ẹ ile a gba okpokoro, ndị nchụn-ẹjan rịn'a hụ a sụn udẹn, ịgbagba rịn'a hụ a kwan, okẹn ụya kẹ Zayọnụ rị e ri.

Ẹkwan 5:14

Ndị-ichẹn arịzị ọgwa ọnụ-mgbọn obodo; ikorọbịa a kụbehigụọ egu wẹ.

Izikẹlụ 16:12

yimẹ i ọla-imi lẹ ihiẹn-ntịn; e kpumẹ m'i okpu lekẹ eze.

Izikẹlụ 16:17

Y'a nọzịghọ ihiẹn-mma ị hụn m gi goru m lẹ siliva m mẹmẹ ye i, weri, gi wẹ kpụrụsọnmẹ mmọn nọsọnmẹ kẹ ikẹnnyẹ, gi wẹ gbasọnmẹ ịgbaraja hụ ị rị a gba.

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Izikẹlụ 23:35

“Osolobuẹ Nwọn Ihiẹn ile sị nwan: Ebe o mẹni y'a zọgụọ m, nu m ye nkọ, ị k'a tarịrị afụnfụn eje-ughẹrẹ i lẹ ịgbaraja ị.”

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 13:1

Ogẹn mbụ, ndị Ifrem kumẹ oku, ẹhụ a mama ndị ọzọ ile nni; wẹ te a gbaye wẹ ọda-ọda imẹ alị Izrẹlụ. Kanị wẹ nọ gi ife Baalụ mẹ njọ, wẹ nọ nwụnhụn.

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Hosia 2:7

O k'a gbasọn ndị ya lẹ wẹ rị a sụọ, kanị o kunrunkọ wẹ; ọ k'a chọ wẹ, kanị ọ hụnkọ wẹ; ẹnya e fọn ẹ, ọ sị, ‘M k'a laburu di m ibuzọ m — nị ogẹn ahụn mmẹ lẹ ịya kẹ ihiẹn ka mma.’

Hosia 4:13

Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Hosia 4:6

Amarịn rị e gbu ndị nke m. Ebe ụnụ sị ụnụ amarịnkọ ihiẹn wẹ sị ụnụ marịn, mmẹ nwẹn a chụgụọzị ụnụ ndị nchụn-ẹjan m! Ebe ụnụ gbakitọ Iwu Chuku ụnụ azụụn, mmẹ nwẹn k'a gbakitọ ụmụ ụnụ azụụn!

Hosia 8:14

Izrẹlụ Ẹbamịn-ugu a zọgụọ Onyẹ keni wẹ, rụnsọnmẹ okẹn ụlọ: Juda hụ a tụnhunmẹ obodo-obodo mgbọn. M jẹnkọ nwan d'e zi ọkụn ye obodo ndị ahụn, ọkụn a dụnpụ okẹn ụlọ ndị ahụn.”

Hosia 9:7

Ogẹn afụnfụn e rugụọ! Ogẹn wẹ gi a kụ ụgwọ-ọrụn a bịagụọ!! Ndị Izrẹlụ, marịnkwọ nị! Onyẹ-amụma wụ onyẹ-nzuzu, ẹnya ụnụ, Onyẹ Mmọn nsọ rị a kị wụ onyẹ-ẹra ẹnya ụnụ, makẹni njọ ụnụ e hikẹ, makẹni okẹn iwe rị ụnụ ẹfọ.

Emọsụ 8:10

M k'a napụ ụnụ oriri ụnụ, ye ụnụ ẹkwan, napụ m ụnụ ẹbụ, ye ụnụ ịkwan-ụya. M k'e mẹ ụnụ ile yirisọnmẹ ẹkwa-achọ, mẹ ụnụ ile kpụnpụ ntutu. M k'e mẹ ẹ n'ọ rịkẹ ebe wẹ rị a kwan akpụ nwa-okẹnnyẹ ohu; eje-ogẹn e lu ilu k'o k'a wụ!”

Ditrọnọmi 32:18

Ụnụ a la Ọmụma ahụn tọ — Ọmụma ahụn hụn mẹni ụnụ kẹ nẹdi; ụnụ a zọ Chuku, Onyẹ hụn mụnị ụnụ.

Ditrọnọmi 6:12

kpachanpụkwọ nị ẹnya makẹ ụnụ gha a zọ Osolobuẹ hụn gha alị Ijiptu, alị ahụn ụnụ nọ wụ igbọn, wepụha ụnụ.

Ndị Han Eṅẹn 10:6

Omẹgụ, ndị Izrẹlụ nọzị mẹ eje-ihiẹn ẹnya Osolobuẹ, femẹ mmọn Baalụ lẹ mmọn Ash'ta lẹ mmọn-lẹ-iyi ndị Aram, ndị Sidọnụ, ndị Mụabụ, ndị Amọnụ lẹ ndị Filistia. Makẹni wẹ gbakitọ Osolobuẹ azụụn, efezini wẹ ẹ,

Ndị Han Eṅẹn 3:7

Ndị Izrẹlụ mẹ ihiẹn rịlẹni mma ẹnya Osolobuẹ, wẹ zọ Osolobuẹ wụ Chuku wẹ, femẹ Baalụ lẹ Ashẹra.

Samuẹlụ Nke Ibuzọ 12:9

“Kanị, o mẹgụ, wẹ nọ zọ Osolobuẹ wụ Chuku wẹ, ya ọ nọ we wẹ ye Sisẹra, ọkị-agha Hazọ; o wezighọ wẹ ye ndị Filistia lẹ eze ndị Mụabụ, hụn ndịnị ile gi lụsọn wẹ agha ogẹn rị ichẹn-ichẹn.