Hosia 2:12 - Ika

¹² M k'e wiwipụ vaịnị lẹ figi wẹ kụn, hụn wẹ rị a sị nị ya kẹ ndị wẹ gbasọn gi kụ wẹ ụgwọ. M k'e gi alị vaịnị lẹ figi ndị ahụn ile họnrin ẹgboko, anụ-ọfịa e bu wẹ ile ri.

Hosia 2:12 ပူးပေါင်းရင်းမြစ်များ

Ẹbụ-ọma 80:12

K'i tikpọnị nwan mgbọn i tụnhunmẹ vaịnị hụ ị kụn, hụn ndị ile ghafekọnị gi nwan rị a ghọrị a?

Azaya 29:17

O biekọdẹ nwan ẹgboko Lẹbanọnụ e họnrin alị w'a rụn ugbo, alị wẹ a rụn ugbo a nọ kẹ ẹgboko?

Azaya 5:5

Nị m gwa nwan ụnụ ihiẹn m k'e mẹ alị vaịnị m: m k'e wepụ ihiẹn m gi gbọnhunmẹ ẹ, e wiwi w'ẹ; e tikpọpụ m mgbọn ẹ, a zọtịta w'a.

Azaya 7:23

Ogẹn hụ, ogun-lẹ-ọkịnkan sụọ kẹ wẹ jẹnkọ d'a hụn ebe ile wẹ te nọ a hụn isi vaịnị nnụ-uku w'e re akpụrụ siliva nnụ-uku.

Jerimaya 13:26

M jẹnkọ d'e kpushi ẹbulukun i elu, a hụn wẹ ọtọ ị,

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Jerimaya 8:13

Osolobuẹ sị, “M k'a napụ wẹ ihiẹn-ugbo wẹ: mkpụrụ arịkọ elu vaịnị wẹ; mkpụrụ arịkọ elu osisi figi wẹ; ẹhụhụọ ile rịn'a k'e shinwụn. Wẹ k'a napụ wẹ ihiẹn m ye wẹ.”

Hosia 13:8

M k'a maye wẹ kẹ eje-anụ wẹ napụ ụmụ a, e bu m wẹ ri kẹ ẹwọrọ; a dọkịka m wẹ kẹ eje-anụ.

Hosia 2:5

Nnẹ wẹ a gbaọlẹ ịgbaraja; nnẹ mụnị wẹ e mẹọlẹ ihiẹn ifẹnrẹn — o gi sị enwẹn ẹ, ‘M k'a gbasọnmẹ ndị mmẹ lẹ wẹ rị a sụọ, uwẹ e ye m ihiẹn m'e ri lẹ mirin m'a ra lẹ oruru lẹ ẹṅẹnrẹn-anụ m gi a kpa ẹwuru; uwẹ e ye m ofigbọn lẹ udẹn, e ye m manya m'a ra.

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Hosia 9:1

Aghọghọzịlẹ ni, ndị rị Izrẹlụ! Eweshizilẹ ni isi elu kẹ alị ndị ọzọ! Ụnụ a latọgụọ Chuku ụnụ rịkẹ ebe okpoho nọ zọ ụkụ ye ọfịa! egho ụnụ rị a kpa ebe ụnụ rị a kpa ogbe hụ a sụọ ụnụ!

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.