Hosia 14:9 - Ika

⁹ Ndị marịn ihiẹn wẹ ghọta ihiẹn ndịnị; ndị nwọn nghọta wẹ marịn ihiẹn wẹ wụ. Makẹni ụzọ Osolobuẹ furu efuru, ndị kụrụ ọtọ a gha wẹ, kanị ndị e mẹfieni a kpọgburu, a dan.

Hosia 14:9 ပူးပေါင်းရင်းမြစ်များ

Jẹnẹsisi 18:25

Y'e mẹkọ ẹrịra! Onwọnni ogẹn y'e gi tikpọgbama ndị ezi-omumẹ lẹ ndị-njọ, nke wụnị ihiẹn mẹ ndị-njọ e mẹ ndị ezi-omumẹ. Onwọnni ogẹn yụ wụ Osolobuẹ e gi mẹ ẹ! Ọka-ikpe ụwa ile a hankọ eṅẹn rị mma?”

Jobu 17:9

K'osilẹrị, ndị ezi-omumẹ k'e kwọnkẹnmẹ hụn wẹ gi, ndị ẹka wẹ rị ọchan k'e zewaye.

Ẹbụ-ọma 107:43

Ndị marịn ihiẹn wẹ rokpọ ihiẹn ndịnị wẹ, wẹ lekpọ ihiẹn-ọsụsụọ Osolobuẹ.

Ẹbụ-ọma 119:128

Ya wụnị iwu i ile rịchanrịn mma ẹnya m, eje-obibi ile e ze m ize.

Ẹbụ-ọma 119:75

A marịnghọ m nị ezigbo eṅẹn kẹ y'a han, Osolobuẹ, nị y'e mẹgụọ kẹ onyẹ wẹ gi e dọn ẹnya ebe ị nọ ye m afụnfụn.

Ẹbụ-ọma 84:5

Ndị gi ikẹn i e bi e nwọnkẹ ngọzi, ndị hụn obi wẹ rị ụzọ Ụlọ ị ogẹn ile.

Ẹbụ-ọma 84:7

Wẹ k'a rị e nwọnwaye ikẹn, e we wẹ ru ihun Chuku imẹ Zayọnụ.

Itẹn 10:29

Ụzọ Osolobuẹ e chedọn ndị e dọnmẹ ẹka wẹ ọchan, e tikpọzịkwọ ndị e mẹ eje-ihiẹn.

Itẹn 16:21

Onyẹ uche rị ẹfọ kẹ w'a sị n'o nwọnghọ nghọta, oku rị mma a kwadọn nkuzi.

Itẹn 4:18

Kanị ụzọ onyẹ ezi-omumẹ nọ kẹ eki rị e fọnni, hụn e fọnwaye ofọnwaye-ofọnwaye d'e runi o fọnchanrịn.

Azaya 1:28

Kanị ntikpọ kẹ wẹ k'e tikpọ ndị nnupụ-isi lẹ ndị-njọ, ndị hụn gbakitọ Osolobuẹ azụụn k'a la iwi.

Azaya 17:8

Ebukọzị wẹ obi tụkwasị ihiẹn ẹka wẹ kpụ: kẹ ukpo-mmọn kẹ osisi ndị hụ wẹ zumẹni mmọn wụ Ashẹra kẹ ukpo nsẹnsi.

Azaya 26:7

Ụzọ onyẹ ezi-omumẹ e riẹn eriẹn; Euu Onyẹ Hụn Kụrụ Ọtọ, y'e mẹ ụzọ e riẹnni onyẹ ezi-omumẹ.

Jerimaya 29:12

“ ‘Ụnụ jẹnkọ d'a kpọku m, mẹ ekpere, rịọ m, a za m ụnụ.

Jerimaya 9:12

Onyẹ marịn ihiẹn ọhụnma n'ọ saẹka ghọta ihiẹnni? Onyẹ kẹ Osolobuẹ gwa oku n'ọ saẹka kọwa ihiẹnni? Kị wẹ tikpọnị nwan alịnị la iwi, hụn o gi nwan nọ kẹ alị ọkpọ-nkụn ịhịan ghalẹni a s'ẹka a gha?

Izikẹlụ 11:18

“Sị wẹ, nị ‘Wẹ k'a lụaha alị Izrẹlụ, wepụchanrịn nwan mmọn ndị hụ ile rụnị lẹ ihiẹn ile w'a sọ rịn'a.

Izikẹlụ 18:25

“Kanị ụnụ hụ a sị, ‘Osolobuẹ ara mẹ ihiẹn ọhụnma.’ Ụmụ Izrẹlụ, ụnụ sị m'a ra mẹ ihiẹn ọhụnma? Ẹlẹ ụnụ ghalẹni e mẹ ihiẹn ọhụnma?

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Daniẹlụ 12:10

Ndị bu ọda jẹnkọ d'a chanchan enwẹn wẹ, a wụrụ wẹ ndị nwọnlẹni nkọrịanị, a chanchan wẹ wẹ kẹ w'a chanchan goru, kanị ndị eje-ịhịan k'e mẹsọnmẹ eje-ihiẹn. Onwọnni onyẹ e mẹ eje-ihiẹn k'a ghọtanị, kanị ndị marịn ihiẹn k'a ghọta.

Zẹfanaya 3:5

Kanị Osolobuẹ egbehutọnị, kaka! Onyẹ ezi-omumẹ ọ wụ imẹ obodo ahụn k'ọ wụkwọ tan; ara mẹgbu ịhịan: ọ hụ a han eṅẹn ụhụọhịn ile, ara gberi ụhụọhịn. Kanị ifẹnrẹn arị emẹ ndị njọ.

Zẹkaraya 10:6

M k'e mẹ ndị alị Juda zekẹnmẹ; m k'a gbapụha ebọn Josẹfụ. M k'e mẹzi n'ọ rịnị wẹ mma makẹni omikẹn wẹ rị e mẹ m, a nọzị wẹ kẹ sị ajụtọnị m wẹ mbụ! O k'a rị ẹrịra makẹni mmẹ wụ Osolobuẹ wụ Chuku wẹ; m k'a za wẹ.

Matiu 11:19

Mmẹ Nwa nke Ịhịan a bịa, m hụ e ri, a ra, wẹ sị, ‘Lee onyẹ okẹn ihiẹn-oriri, onyẹ-manya, ọwụ ndị ụgwọ-isi lẹ ndị ọzọ wẹ gi njọ marịn.’ Kanị, ihiẹn amamihiẹn rụn kẹ wẹ gi a marịn amamihiẹn.”

Luku 2:34

Simiọnụ nọ gọzi wẹ; ya k'ọ nọ sị nnẹ ẹ wụ Meri, “Gọn ntịn, wẹ tumẹ nwatanị n'ọ wụrụ onyẹ wẹ sikọ d'e gi budan ndị bu ọda imẹ Izrẹlụ, bushi ndị bu ọda elu, lẹzi n'ọ wụrụ ahịma wẹ k'a jụ;

Luku 7:23

Ngọzi wụ nke onyẹ hụn gilẹni ihiẹn ọ hụn m ẹhụ nwọnmẹ obi-ẹbụọ!”

Jọnụ 15:24

Omẹni ete rụnnị m ihiẹn wẹ rụntulẹni imẹ igunrun wẹ, ikpe eke ma wẹ; kanị, a hụnchanrịngụọ wẹ nwan ọrụn-atụmẹnya ndị m rụn — bụ ize mmẹ lẹ Nẹdi m hụ e ze wẹ.

Jọnụ 18:37

Ya Paịleti nọ jụ a, “Eze k'ị wụ nwan?” Jizọsị nọ sị a, “Ọ ghagụọ ọnụ ị pụha ni m wụ eze. M bịa d'a shịanị ezioku ẹri: ufiri ẹ kẹ wẹ gi mụ m; ịya haịn m gi bịa imẹ ụwa. Onyẹ wụ nke ezioku e gọn ntịn oku m.”

Jọnụ 8:47

Onyẹ wụ nke Osolobuẹ e gi oku Osolobuẹ e dọn. Ụnụ ẹlẹ nke Osolobuẹ haịn ụnụ gilẹni e gi oku Osolobuẹ e dọn.”

Jọnụ 9:39

Jesu nọ sị, “M bịa ụwanị d'a han eṅẹn, kẹni ndị ẹnya-ishi leghama ụzọ, ndị e legha ụzọ a wụrụ ẹnya-ishi.”

Ọrụn Ndị-ozi 13:10

sị a, “Onyẹ hụn ẹro lẹ eje-ihiẹn ile jun imẹ ẹ! Nwa Ekwensụ! Eṅẹnrẹn ihiẹn ile rị ọchan! Y'a fịbehikọ ezioku Di-nwọnni-ẹnyi?!

Ndị Rom 7:12

Ya wụ, Iwu lẹ enwẹn ẹ rị nsọ; ihiẹn hụ Iwu ku rịzị nsọ, ihiẹn Osolobuẹ chọ rọ, ihiẹn rị mma rọ.

Ditrọnọmi 32:4

Ịya wụ Ọmụma; ọrụn a zuchanrịn oke, ụzọ a ile zin ezin. Chuku furu wẹ gi e dọn ẹnya k'ọ wụ, hụn ghalẹni e mẹfie; Onyẹ rị mma lẹ Onyẹ kụrụ ọtọ k'ọ wụ.

Rẹvẹleshọnụ 15:3

Wẹ hụ a bụ ẹbụ odibo Osolobuẹ wụ Mozizi lẹ ẹbụ Nwa-ebulu hụ: “Euu Chuku-nwọnni ẹnyi hụn nwọn ikẹn ile! Y'e mẹkẹ okẹn ihiẹn lẹ ihiẹn a tụ ẹnya! Euu, Eze alị ile! Ezioku lẹ ẹka furuni k'i gi e mẹ ihiẹn i.