Hosia 14:5 - Ika

⁵ M k'a rị kẹ igirigi ebe ndị Izrẹlụ rị, e sue wẹ, e gbuke kẹ obobo; wẹ k'a gba mkpọgụn kẹ osisi rị ẹgboko alị Lẹbanọnụ.

Hosia 14:5 ပူးပေါင်းရင်းမြစ်များ

Samuẹlụ Nke Ẹbụọ 23:4

ọ nọ kẹ ukpẹ ụtụntụn, ebe anwụn nọ a wa, ebe igwere nọ mẹ zaị; ọ nọzị kẹ eki fọnpụnị kẹ mirin zuegụ hụn ẹfịfịa gi e pupụha alị.

Ndị-nze Nke Ẹbụọ 19:30

Ndị họdụnị imẹ ikpụlọ Juda k'a gbazị mkpọgụn ye alị, mị mkpụrụ ibe elu.

Jobu 29:19

‘Mkpọgụn m k'e kunrun mirin, igirigi k'a gha e zinye aganaba m kẹ uhinhin han.’

Ẹbụ-ọma 133:3

Ọ nọ kẹ ebe igirigi hụn ziẹntọ Ugu Hẹmọnụ rị e ziẹnye Ugu Zayọnụ, ebẹhụ Osolobuẹ sị ngọzi ẹ k'a rị, ngọzi hụn wụ ndụn itẹbitẹ.

Ẹbụ-ọma 72:16

Ọka ya jun alịnị, ya jun elu ugu ndị rịn'a e finfin, ya mẹ ihiẹn kẹ alị Lẹbanọnụ. Ịhịan wẹ jun imẹ obodo ichẹn-ichẹn rị alịnị kẹ irurue jun imẹ ogige.

Ẹbụ-ọma 72:6

Ya rị kẹ mirin rị e zueye ihiẹn-ugbo; ya rị kẹ mbụmbụ mirin rị a bụye alị.

Ẹbụ-ọma 80:9

Ị nọ rụnfọn ẹ, ọ gbọrị, shịagbarị alịnị ile.

Ẹbụ-ọma 92:12

Ndị ezi-omumẹ k'e sue kẹ nkụ; wẹ k'e sue kẹ okẹn-osisi sida rị alị Lẹbanọnụ.

Ẹbụ-ọma 92:13

Osisi wẹ kụnye iwe Osolobuẹ kẹ wẹ wụ, osisi rị ezi-ọgwa Chuku e sue ọhụnma-ọhụnma.

Itẹn 19:12

Olulu eze nọ kẹ ebe ẹwọrọ rị e dẹn, kanị ọhụnma a nọ kẹ igirigi ziẹnye elu irurue.

Ẹbụ Solomọnụ 2:16

Nke-m wụ nke m, mmẹ nwẹn wụ nke ẹ; ọ rị ebẹhụ wẹ kun lili jun a ghahunmẹ.

Ẹbụ Solomọnụ 4:5

Ẹran ị ẹbụbụọ nọ kẹ mmụ ele ẹbụọ, ele wẹ mụ ejimẹ, hụn a ghahunmẹ ebẹhụ wẹ kụn lili jun.

Azaya 12:1

O ru ogẹn ahụn, ị k'a sị: “Euu Osolobuẹ, m k'a ja ị mma! Ezioku, i te rị e buni m olulu, kanị olulu i a rọgụọ nwan; y'a rọkọgụọ m obi.

Azaya 18:4

Ọnwan wụ ihiẹn Osolobuẹ gwa m: “M k'a gha ebe m rị e tu udọn e lee wẹ, nọkẹ uwowo ya lẹ anwụn a wị; nọkẹ igirigi a rị imẹ-elu ya lẹ uwowo a wị ogẹn anwụn w'a ghọ ihiẹn-ugbo.”

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Azaya 27:6

O ru ihun, ebọn Jekọpụ jẹnkọ d'a gba mkpọgụn; Izrẹlụ jẹnkọ d'a kpụkpụma, mị obobo, mị mkpụrụ jun ụwa ile.

Azaya 35:2

O k'a mị obobo ọda-ọda, a ghọghọ, a bụ ẹbụ, e nwọn anwịnrịn; o k'a wụrụ ẹgboko hụn nwọn ọghọ kẹ nke Lẹbanọnụ; ụzọ ile k'a wụ ẹhụhụọ-oyiyi ẹhụhụọ-oyiyi lekẹ Ugu Kamẹlụ lẹ alị-aradan Sharọnụ. Ịhịan k'a hụn ọghọ Osolobuẹ, ịhịan k'a hụn ikpẹn Chuku ẹnyi.

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 45:8

“Elu-igwere, ihiẹn furuni ya gha imẹ i zuetu! Ya gha orukpu-igwere zue kẹ mirin! Alị ya shịapụzịkwọ ọnụ ra a — nzụọpụha ya gi ẹ pupụha, ezi-omumẹ ya gizikwọ a suepụha. Mmẹ wụ Osolobuẹ e mẹgụ a rị ẹrịra.

Azaya 57:18

A hụngụọ m eje-agụngụn a, kanị m sikọ d'a zụọ a emu; m k'e du ẹ, mẹzi ẹhụ fu ẹ,

Azaya 57:19

gi ẹ mẹ ndị rị a kwan ụya ghọghọma. Ya rịnị wẹ mma-o! Ya rịnị wẹ mma-o! Kẹ ndị rị nsue kẹ ndị rị ebe teni! M jẹnkọ d'a zụọ wẹ emu.” Ịya kẹ Osolobuẹ ku.

Jerimaya 3:22

Ụnụ ndị danpụgụnị, kinhẹn ni; m k'a zụọ ụnụ emu ịdankin-azụụn. “Ẹghẹẹ, ẹnyi k'e kinhẹn, makẹni ịyụ wụ Osolobuẹ Chuku ẹnyi.

Jerimaya 32:41

O k'a gha a sụọ m nị m'e mẹ wẹ mma; m k'e gi obi m ile lẹ ihiẹn ile rị imẹ m kụn wẹ ye alịnị nọkẹ ihiẹn-ugbo.’ ”

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Matiu 6:28

O mẹ nke ẹkwa, kị ụnụ rị e hueni uhue ẹ? Lekpọ nị kẹ obobo rị ọfịa dọn e sue: w'a ra rụn ọrụn, w'a ra kpa ẹkwa;

Luku 12:27

“Lekpọ ni kẹ obobo rị ọfịa dọn e sue: w'a ra lụkpọ mọbụ kpa ẹkwa — kanị, m rị a gwa ụnụ ezioku, kẹ Solomọnụ e nwọnhanlẹ ikpẹn, onwọnni ekikẹn o kẹn mahan mma kẹ hụn ọwụlẹ imẹ obobo ndịnị.

Ndị Ẹfẹsọsụ 3:17

M rịzị a rịọ a nị ụnụ wụrụ ndị Kraịstị birichanrịn imẹ obi wẹ makẹni ụnụ hụ e gi oku ẹ e dọn; ụnụ a nọ imẹ ihiẹn-ọsụsụọ gba mkpọgụn, gi ẹ turu ọhụnma —

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.