Hosia 14:3 - Ika

³ Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 14:3 ပူးပေါင်းရင်းမြစ်များ

Ihiẹn Mẹni Nke Ẹbụọ 16:7

Ogẹn ahụn kẹ Hanani hụn a hụn ọhụn nọ bịa d'e kunrun Asa wụ eze Juda, sị a, “Makẹni i hatu Osolobuẹ wụ Chuku i, gi eze Aram dọn ẹnya, eze Aram a wanahịngụọ ị.

Ẹbụ-ọma 10:14

Kanị yụ wụ Osolobuẹ hụ a hụnkwọ kẹ nsọngbu kẹ ẹkwan — n'i mẹgwarị. Onyẹ wẹ rị a bịangbu sikọ d'e bu enwẹn ẹ che i ẹka; ịyụ e yeni ndị nwọnlẹni nẹdi ẹka.

Ẹbụ-ọma 146:3

Egikwọlẹ okẹn-ịhịan dọn ẹnya; egilẹ ịhịan mmaka ghalẹni a saẹka a zụọpụha dọn ẹnya.

Ẹbụ-ọma 146:9

Osolobuẹ e che abịamabịa nche, o yeni ndị nwọnlẹni nẹdi lẹ ikpoho di wẹ nwụn ẹka; kanị, o mẹ ndị-ejẹ uke.

Ẹbụ-ọma 33:17

ẹlẹni ịhịan gi ẹshin-agha k'o gi e mẹri agha — kẹ ẹshin-agha e nwọnlẹ akwanran, ọ sakọ ẹka ye i mmẹri.

Ẹbụ-ọma 68:5

Nẹdi ndị nwọnlẹni nẹdi k'ọ wụ, onyẹ hụn e kinni ikpoho di wẹ nwụn ọnụ wẹ: ịya kẹ Chuku hụn bi ebẹhụ rị nsọ wụ!

Azaya 1:29

Ifẹnrẹn k'e mẹ ụnụ makẹ osisi ndị hụ ụnụ a rụa, hụn a sụọ ụnụ ụsụọ; ụnụ k'a fa makẹ ugbo-nta ndị hụ ụnụ nọ a rụa mmọn hụn ụnụ sị nị ịya ka ụnụ mma.

Azaya 2:20

Ụhụọhịn ahụn, ịhịan k'a matuhu goru lẹ mmọn siliva ndị ahụn wẹ kpụ w'a rụa, tụ wẹ yeni oke lẹ ụsụ.

Azaya 27:9

Ọnwan kẹ Osolobuẹ k'e gi wepụ ikpe ma ebọn Jekọpụ. Ọnwan k'o gi ghọsịchanrịn n'o wepụgụọ njọ a: o k'e tikpọchanrịn ukpo ọmụma wẹ nọ a kwa ese, gweriẹn ọmụma rịn'a lekẹ nzụn mmaka. Ahụnkọzị wẹ osisi wẹ zumẹni mmọn Ashẹra mọbụ ukpo nsẹnsi.

Azaya 30:16

Ebe ụnụ sị, ‘Ẹshin kẹ ẹnyi k'e gi gba ọsọ, wanahịn!’ Ọsọ hụ kẹ ụnụ jẹnkọ nwan d'a gba! Ebe ụnụ sị, ‘Ẹshin ma gba ọsọ kẹ ẹnyi k'e gi gbapụ.’ Ndị chụkọnị ụnụ k'a gbakarị ụnụ!

Azaya 30:2

Wẹ rị e jẹn Ijiptu bụ ajụnị wẹ m uche m; a chọjẹn Fẹro wụ eze Ijiptu n'o chemẹ wẹ, e jẹn d'a rịọ alị Ijiptu n'o kpumẹ wẹ igungun.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 31:3

Ịhịan mmaka kẹ ndị Ijiptu ụnụ gi dọn ẹnya wụ, ẹlẹ wẹ Chuku; ẹhụ mmaka kẹ ẹshin wẹ ndị ahụn nwọn, ẹlẹ wẹ mmọn! Osolobuẹ tịnpụhụ ẹka mẹ wẹ ihiẹn, onyẹ bịa d'e ye ẹka a kpọgburu, onyẹ wẹ rị e yeni ẹka a dan, wẹ ẹbụbụọ a dangungwọn, nwụnhụn.

Azaya 36:8

“Nị ẹnyi gi ẹfan di-nwọnni-m wụ eze Asiria hụn m rị a nọkin ẹnya ku: nị m ye ụnụ ẹshin-agha nnụ-isẹn (2,000) kikẹnni, omẹni ụnụ te k'a hụndẹ ndị-agha nnụ-isẹn imẹ ụnụ buche elu wẹ?!

Jerimaya 49:11

Latọ nị oku ụmụ ụnụ ụnụ k'a nwụnnahịn, m k'e dọnmẹ wẹ; inyẹnmẹ ụnụ ụnụ jẹnkọ d'a nwụnnahịn, wẹ gimẹ m nwan dọn ẹnya.”

Izikẹlụ 36:25

E fekpu m ụnụ mirin nwunni, gi ẹ fepụ ụnụ ụrụ ile ụnụ rụ lẹ mmọn ile ụnụ fe.

Izikẹlụ 37:23

Egikọzị wẹ mmọn lẹ ụrụ lẹ mmẹfie mẹrụ enwẹn wẹ, makẹni m k'a zụọpụhachanrịn wẹ ebe ile wẹ nọ dankin azụụn, ebe ile wẹ nọ mẹ njọ, e fepụ m wẹ ẹhụ. A wụrụ wẹ ndị nke m, a wụrụ m Chuku wẹ.

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 13:2

Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 14:8

“Ụnụ ndị Ifrem Izrẹlụ Ẹbamịn ugu, kị ụnụ gidẹ mmọn e mẹ? Mmẹ wụ onyẹ hụn a za ụnụ ekpere, e lepụ ụnụ ẹnya — ẹlẹ mmọn ndị ahụn. M rịhụ kẹ saịprẹsị ghalẹni a gbụ ẹkụkwọ, mmẹ kẹ wẹ gha a mị mkpụrụ.”

Hosia 2:17

M k'e wepụ ẹfan Baalụ ndị ahụn ọnụ wẹ, akpọkọzị wẹ ẹfan wẹ.

Hosia 4:12

Wẹ rị a jụ ibe-osisi uche ẹ! Mkp'osisi rị nwan a ghọsị wẹ ụzọ! Makẹni mmọn hụn e nu ịgbaraja e dufiegụọ wẹ, a latọgụọ wẹ Chuku wẹ.

Hosia 5:13

Ndị Ifrem a hụn emu rị a kụ alị wẹ. Ndị Juda a hụngụọzị nị alị wẹ a rụgụọ ẹhụ. Ndị Ifrem e buru alị Asiria d'a rịọ eze-uku Asiria n'o d'e yeni wẹ ẹka! Kanị, ọ sakọ ẹka gwọ ụnụ ọrịa; ọ sakọ ẹka changbu ebe ụnụ rụ ẹhụ.

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 8:6

Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Jona 2:10

Ya kẹ Osolobuẹ nọ gwa azụn hụ oku, ọ nọ gbọpụha Jona ye mkpẹnrẹn mirin.

Zẹkaraya 13:2

Osolobuẹ ihiẹn ile rị okpuru ẹ sị: “O ru ogẹn ahụn, m k'e wepụchanrịn ẹfan mmọn imẹ alị Izrẹlụ, nke wụnị anyanhankọzịdẹ wẹ wẹ; m k'e wepụzịkwọ ndị-amụma ntụ lẹ mmọn eje-obibi alịnị,

Jọnụ 14:18

Ẹlẹ m k'a latọ ụnụ kẹ ndị nwọnlẹni nnẹ lẹ nẹdi; m sikọ d'a bịa d'e kunrun ụnụ.

Ditrọnọmi 17:16

Hụn e sọnn'ẹ, eze hụ enwọnkwọlẹ ẹshin ọda-ọda mọbụ mẹ ndị alị ụnụ kinzi alị Ijiptu d'a chọma ẹshin, makẹni Osolobuẹ a sịgụọ ụnụ, “Ekinkwọlẹ ni ụzọ ahụn;”