Hosia 14:2 - Ika

² Gi ni arịrịọ jẹn d'e kunrun Osolobuẹ, sị n'a: “Dodo, gbagharị ẹnyi njọ ẹnyi, y'a nabanhan arịrịọ ẹnyi. Ẹnyi k'e gi ọnụ ẹnyi ye i oyiye, oyiye ọjịja-mma.

Hosia 14:2 ပူးပေါင်းရင်းမြစ်များ

Samuẹlụ Nke Ẹbụọ 12:13

Ya Defidi nọ sị Natanị, “E mẹọlẹ m Osolobuẹ njọ.” Natanị nọ sị, “Ẹghẹẹ, kanị Osolobuẹ a gbagharịgụọ ị njọ, isi i atọk'a.

Samuẹlụ Nke Ẹbụọ 24:10

Defidi a gụngụ ndị-agha, obi nọ gbumẹ ẹ mgbu ọda-ọda, ọ nọ sị Osolobuẹ, “Okẹn njọ kẹ m mẹ ihiẹnni. Dodo Osolobuẹ, m rị nwan a rịọ ị, gbagharị odibo i. E mẹgụọ m ẹregede ihiẹn-nzuzu.”

Jobu 7:21

Kị haịn i gilẹni a gbagharị m mmẹfie m ile, kị haịn i gilẹni gi njọ ndị m mẹ hụnma? O biekọkwọ a lashi m imẹ ẹjan d'e dinẹ; ị k'a chọ m, kanị, arịkọzị m'a.”

Ẹbụ-ọma 119:108

Dodo Osolobuẹ, narịn oyiye ịja-mma gha m ọnụ pụha; y'a kuzi m uhi i.

Ẹbụ-ọma 50:14

Chụnyeni Chuku ẹjan-ekele, y'e mẹzuni Onyẹ Kachanrịnnị nkwa hụn i kwe ẹ;

Ẹbụ-ọma 51:16

Makẹni ẹlẹ ẹjan kẹ ị chọkọ, nkẹ m'a chụnyeni i ẹjan; ẹjan wẹ dụn ọkụn ara sụọ ị.

Ẹbụ-ọma 51:17

Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!

Azaya 44:22

E finchanpụgụọ m mmẹfie ụnụ ile rịkẹ igwere gitọnị, zapụ njọ ụnụ lekẹ igirigi ụtụntụn. Kinhẹn ni nwan d'e kunrun m, n'a gbarịgụọ m ụnụ.

Azaya 6:7

Ọ nọ gi ikeke-ọkụn hụ mẹtụ m ọnụ, sị, “Ọnwan e mẹtụgụọ ị nwan ụgb'ọnụ: e wepụgụọ wẹ njọ ị; a gbagharịgụọ wẹ njọ ị.”

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Hosia 12:7

Osolobuẹ sị, “Onyẹ e gi eje mkpu a zụn afịa kẹ Ifrem wụ, onyẹ mmẹgbu a sụọ.

Hosia 5:5

Mpache Izrẹlụ hụ a shịagbu ẹ ẹri; ndị Izrẹlụ, ndị Ifrem, hụ a hanfie ụkụ yeni njọ; ndị Juda hụ e sọn wẹ a hanfie ụkụ.

Hosia 6:6

M chọ nị ihiẹn m sụọferi ụnụ, ẹlẹ ịchụn-ẹjan kẹ m chọ; ịmarịn-Osolobuẹ kẹ m chọ karị ịchụn-ẹjan w'a kpọ ọkụn.

Juwẹlụ 2:17

Ndị nchụn-ẹjan, ndị ọrụn Osolobuẹ, wẹ kwanma ẹkwan ẹgbata ukpo nchụn-ẹjan lẹ ẹtu-ụlọ Ụnọ-NSỌ! Wẹ sị Osolobuẹ, “Osolobuẹ dodo, mẹ omikẹn ndị nke i! Emẹkwọlẹ ndị nke i wụrụ ihiẹn ẹmụ, ihiẹn ndị alị ọzọ e legberi! Amamgbe alị ndị ọzọ a jụma, ‘Elebe kẹ Chuku wẹ rị?’ ”

Jona 2:9

Kanị mmẹ nwẹn k'e gi ẹbụ okele bịa d'a chụnyen'i ẹjan; m k'e mẹ ihiẹn m kwe i nkwa a. Ẹka ị Osolobuẹ sụọ kẹ nzụọpụha gha a bịa!!”

Zẹkaraya 3:4

Mmọn-ozi ahụn nọ sị ndị turu ihun ẹ, “Gbụpụ n'a ẹkwa ndị hụ ru unyin.” Ọ sị Joshụa, “Lee ẹ, e wepụgụọ m njọ ị; m jẹnkọ nwan d'e yimẹ i ẹwuru rị mma.”

Matiu 7:11

O mẹ nwan nị ụnụ ndị njọ ma ye ụmụ ụnụ ezigbo ihiẹn, Nẹdi ụnụ rị elu-igwee e yekọ ndị rị a rịọ a ihiẹn ezigbo ihiẹn karị?

Luku 11:13

O mẹ nwan nị ụnụ ndị-njọ ma ye ụmụ ụnụ ihiẹn rị mma, nanị Nẹdi ahụn rị elu-igwee k'e yehan ndị rịọ a Mmọn-nsọ? O yekarịkọ ụnụ?”

Luku 18:13

“Kanị, onyẹ ụgwọ-isi nọ wuzo ebe teni; ọ sadẹni ẹka bu ihun zinmẹ elu-igwee, kama, ọ hụ a fịan ẹka obi, a sị, ‘Osolobuẹ, dodo mẹ omikẹn m, onyẹ njọ kẹ m wụ!’

Jọnụ 1:29

Eki e fọn, Jọnụ nọ hụn Jizọsị k'ọ lala, Jọnụ nọ sị, “Lee n'ẹ! Ọnwan wụ Nwa-ebulu Osolobuẹ hụn e wepụ njọ ụwa!

Ndị Rom 11:27

Ọ sịzị “Ọnwan wụ nkwerigbama hụn k'a rị ẹgbata mmẹ lẹ wẹ: nị m k'e wepụ njọ wẹ.”

Timoti Nke Ẹbụọ 1:9

Makẹni, Osolobuẹ wụ onyẹ zụọpụhanị ẹnyi, kpọ ẹnyi oku rị nsọ. Ẹlẹ ọrụn-ọma ẹnyi rụn haịn o gi kpọ ẹnyi, kanị uche ẹ lẹ ẹfọma a haịn. O mẹgụọnị ẹnyi ẹfọmanị imẹ Kraịstị wụ Jizọsị nị ụwa d'e bidọn,

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 13:15

Nị ẹnyi ghama nị nwan ẹka Kraịstị a chụnyeni Osolobuẹ ẹjan hụn wụ ọjịja-mma, hụn wụ mkpụrụ ọ rị ghọrị ọnụ ndị rị a kpọku ẹfan a.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 3:5

Ụnụ a marịnghọ nị Kraịstị bịa d'e wepụ njọ; ụnụ a marịnzịghọ nị njọ arị imẹ ẹ.