Hosia 13:2 - Ika

² Njọ-njọ kẹ wẹ rị nwan e mẹ e mẹwaye: e gi siliva a kpụrụ mmọn rịgbu enwẹn ẹ mma, ẹka-ọrụn ndị a kpụ ụzụn. Wẹ hụ a sị wẹ, “Chụnye ni ni mmọn ndịnị ẹjan! Susu ni ụmụ-efin ndịnị wẹ kpụ a kpụ ọnụ!”

Hosia 13:2 ပူးပေါင်းရင်းမြစ်များ

Ndị-nze Nke Ibuzọ 19:18

Kanị, m jẹnkọ d'e dọnmẹ madụ nnụ-uku ẹsa (7,000) imẹ ndị Izrẹlụ ndụn — ndị ile gbutulẹnini mmọn wụ Baalụ osekpu mọbụ susutu ẹ ọnụ.”

Ihiẹn Mẹni Nke Ẹbụọ 28:13

“Ewẹhẹkwọlẹ ni ndị hụ ụnụ nwụnlụa ebeni makẹ ikpe ghakwọ a ma ẹnyi ebe Osolobuẹ rị. Ụnụ chọ nị ụnụ wechezini njọ lẹ ikpe-ọmụma ẹnyi? Ikpe manị ẹnyi e higụọ; Osolobuẹ rị nwan e buni ẹnyi ndị Izrẹlụ Ẹbamịn ugu olulu.”

Ihiẹn Mẹni Nke Ẹbụọ 33:23

Kanị, o welụanị enwẹn ẹ alị ihun Osolobuẹ kẹ Manasẹ nẹdi ẹ dọn welụa enwẹn ẹ alị ikpanzụụn. Amọnụ emẹkẹnmẹkẹ ihiẹn ikpe gi ma a.

Ẹbụ-ọma 2:12

Gbuni ni nwa a osekpu, amamgbe iwe a bịa a, ụnụ a la ntikpọ ụzọ, makẹni o nwọnkwọ ikẹn bumẹ olulu idẹnmizi! Onyẹ hụn we enwẹn ẹ kwan'a kakwọ mma!

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 44:11

Ịya lẹ ndị nọ kẹ ya k'a fakwọ! Ndị omẹ-nka hụn a kpụ mmọn wụhụ ịhịan mmaka. Wẹ ile wẹ pụhachanrịn d'e kin nwan; wẹ k'e wetu wẹ alị — egun a tụgbu wẹ, ifẹnrẹn e mẹgbu wẹ.

Azaya 45:20

‘Gbakikomẹ ni bịa; ụnụ ile gha alị ichẹn-ichẹn gbapụha; ndị hụn e buhunmẹ mmọn wẹ pịn amarịn ihiẹn, ndị hụn a kpọku mmọn ghalẹni a zụọpụha ịhịan.

Azaya 46:6

Ndị hụn e hupụha goru rị imẹ ẹkpa-goru, a mapụha siliva; a kpọ wẹ ọkpụ-goru n'o gi ẹ kpụ mmọn — a kụnị wẹ mmọn hụ isi alị, fe ẹ.

Azaya 46:8

Nyanhankwọ nị ihiẹnni; bun'ẹ che obi, e ron'ẹ, ụnụ ndị nnupụ-isi.

Jerimaya 10:4

E gi wẹ siliva lẹ goru chọ a mma; e gi wẹ otutu-ụzụn wụ Hama dụ a ntu makẹ ọ gha a nyankwapụ.

Jerimaya 10:8

Wẹ ile enwọn uche, w'e zuzu e zuzu; mmọn nwọnlẹni-isi wẹ gi osisi pịn rị a kuzi wẹ.

Jerimaya 8:5

Kị haịn nwan ndịnị gi a kpahusọnmẹ? Kị haịn Jerusalẹm gi a latọsọnmẹ m? E kwọnkẹnmẹ ihiẹn rị e dufieni wẹ, jụ nị ekinhẹnkọ wẹ?

Hosia 10:1

Izrẹlụ Ẹbamịn-ugu wụ osisi vaịnị duni rị a mị mkpụrụ a. Kanị, wẹ gha a mịwaye mkpụrụ, wẹ hụ a tụnwaye ukpo mmọn! Alị wẹ gha a ghawaye ihun, wẹ hụ e zuyewaye ihiẹn-mmọn ka mma.

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 11:2

Kẹ m dọn rị a kpọ wẹ, kẹ wẹ dọn rị a gbanị m ọsọ; a tọ wẹ a chụnyeni Baalụ ndị ahụn ẹjan, a mụnị mmọn ichẹn-ichẹn nsẹnsi.

Hosia 11:6

Agha k'a bịa obodo wẹ rị ichẹn-ichẹn, tikpọsọnmẹ ọnụ-mgbọn obodo ndị ahụn. Agha k'e bu wẹ ri makẹ eje-iroro wẹ rị a tụ.

Hosia 14:3

Ndị Asiria azụọpụhakọ ẹnyi; ẹnyi e gikọ ẹshin-agha dọn ẹnya. Ẹnyi akpọkọzị mmọn ẹka ẹnyi kpụ ‘Chuku ẹnyi’. Euu Osolobuẹ, ẹka ị kẹ ndị nwọnlẹni nẹdi lẹ nnẹ nọ a hụn omikẹn!”

Hosia 2:8

Izrẹlụ e gin'ẹ dọn nị mmẹ y'ẹ ọka, lẹ manya-ọhụn lẹ ofigbọn-olivu yezi ẹ goru lẹ siliva ahụn o gi rụa Baalụ.

Hosia 4:17

Ifrem wụ Izrẹlụ Ẹbamịn-ugu, e wegụọ enwẹn wẹ kwanị mmọn-lẹ-iyi, lakwọ nị wẹ tọ.

Hosia 8:4

E tumẹsọnmẹ wẹ ndị-nze, ajụnị wẹ m ọnụ; e tumẹsọnmẹ wẹ ndị-isi, amarịndẹ m. E gi wẹ goru lẹ siliva wẹ kpụrụ mmọn kpụgbu enwẹn wẹ.

Hosia 8:5

Ẹka m arị nwa-efin goru ndị hụ ụnụ kpụ, ụnụ ndị obodo Sameria! Olulu ndị Sameria rị e bu m! Nanị wẹ k'e biehan d'e dọnmẹmẹ ẹka wẹ ọchan?

Hosia 8:6

Mmọn wẹ kpụ imẹ Izrẹlụ kẹ nwa-efin Sameria wụhụ ẹlẹ Chuku, kaka! Ọkpụ-ụzụn kpụ a! Wẹ k'a kụkpọchanrịn nwa-efin Sameria!

Ọgụngụn 32:14

“Lee nwan ụnụ, agbọ ndị-njọ! Ụnụ a nọkingụọ ẹnya ndị nẹdi ụnụ, e mẹ ihiẹn ize Izrẹlụ e gi zekarịdẹ Osolobuẹ k'o zehan a mbụ!

Ndị Rom 11:4

Kanị, kị Osolobuẹ za a? Osolobuẹ sị a, “E butọgụọnị m enwẹn m mmadụ nnụ-uku ẹsa (7,000) hụn gbutulẹnini mmọn hụ wụ Baalụ osekpu.”

Ndị Rom 2:5

Kanị, ebe ị nọ a kpọkin obi i, a jụ nị y'e rogharịkọ, ị rị e kpọn afụnfụn e cheni afụnfụn hụn wẹ jẹnkọ d'e ye i Ụhụọhịn iwe-lẹ-ọnụma, ụhụọhịn ahụn Osolobuẹ k'e gi han eṅẹn ahụn zinrinni.

Timoti Nke Ẹbụọ 3:13

Kanị ndị eje-ịhịan lẹ ndị ndufie jẹnkọ d'a gha a jọwaye njọ; e dufie ndị ọzọ, ndị ọzọ hụ e dufie wẹ.

Samuẹlụ Nke Ibuzọ 10:1

Samuẹlụ nọ weri mkpu udẹn-ntumẹ, hu ẹ kpu Sọlụ isi, dide ẹ, sị a, “Osolobuẹ e tumẹgụọ ị onyẹ ndu ndị nke ẹ wụ ndị Izrẹlụ haịn!