Hosia 13:16 - Ika

¹⁶ Ndị Sameria k'a tarịrị afụnfụn njọ a hụn wẹ gi nupụ isi okpuru Chuku wẹ; wẹ k'e gi ọpịa-agha gbu wẹ; wẹ k'e gi ụmụẹka wẹ fịan alị, bụọ ikpoho wẹ rị imẹ ẹfọ.”

Hosia 13:16 ပူးပေါင်းရင်းမြစ်များ

Ndị-nze Nke Ẹbụọ 15:16

Ogẹn hụ kẹ Menahẹm gi gha Tẹza ọ rị maye obodo Tifsa lẹ ndị ile nọkunmẹn'ẹ, makẹni ekweni wẹ kpọpụ ọnụ-mgbọn wẹ we enwẹn wẹ ye ẹ. Ọ nọ nwan gbuchanrịn ndị obodo hụ, bụọdẹ ikpoho ile rị imẹ rịn'a.

Ndị-nze Nke Ẹbụọ 17:18

Ya kẹ Osolobuẹ nọ gi iwe ahụn ndị Izrẹlụ Ẹbamịn ugu kpasu ẹ wepụ wẹ ihun ẹ. Ebọn Juda sụọ nọ họdụ.

Ndị-nze Nke Ẹbụọ 17:5

Eze Asiria lẹ itu ẹ nọ rujun alị hụ ile, bịa d'a lụsọn Sameria agha, kehunmẹ ẹ — ọrọgbọ ahụa ẹtọ.

Ndị-nze Nke Ẹbụọ 17:6

Hụn mẹ ẹ ahụa itenẹi Hoshia kịma, eze Asiria nọ saẹka mẹri Sameria, ọ ban a ẹka; ọ nọ kpụnrụn ndị Izrẹlụ Ẹbamịn ugu shi Asiria. Ọ nọ mẹ wẹ birisọnmẹ imẹ Hala lẹ Gozanị rị ẹhụ Iyi Habọ lẹzi obodo ndị ọzọ rị alị ndị Mẹdịa.

Ndị-nze Nke Ẹbụọ 8:12

Ya Hazaẹlụ nọ sị a, “Diọkpa, kị ị rị a kwannị?” Ya Ẹlaịsha nọ sị a, “Makẹni a marịngụọ m eje-ihiẹn ile i jẹnkọ d'e mẹ ndị Izrẹlụ: i jẹnkọ d'e gi ọkụn dụnpụchanrịn ebe ile zeni wẹ tụn w'a gbaban ogẹn agha, gi ọpịa-agha gbuchanrịn ikorọbịa wẹ; gi ụmụ wẹ fịan alị, wasọnmẹ ikpoho wẹ rị-imẹ ẹfọ.”

Azaya 13:16

Wẹ k'a nọ idẹnya wẹ e gi ụmụ-ndu wẹ a fịan ọmụma, a fịangbu wẹ; wẹ k'e buru ihiẹn rịsọnmẹ iwe wẹ, kwọndọn inyẹnmẹ wẹ e mẹ mgba wẹ.”

Azaya 17:3

Obodo uku wẹ tụnhunmẹ mgbọn arịkọzị Ifrem wụ Izrẹlụ Ẹbamịn-ugu; Damaskọsụ alị Aram enwọnkọzị eze. Ndị Aram k'a họdụnị k'a nọhụ kẹ ndị Izrẹlụ Ẹbamịn-ugu họdụnị ọghọ wẹ lagụ.” Ịya kẹ Osolobuẹ ihiẹn ile rị okpuru ẹ ku.

Azaya 8:4

Nwatanị gini d'a s'ẹka hịma ‘Baba!’ mọbụ ‘Nnẹ!’ eze Asiria e burugụọ akụ-lẹ-ụba Damaskọsụ lẹ ihiẹn hụn alị Sameria gbu ndị ọzọ kwarị.”

Hosia 10:2

Obi wẹ arị mma; wẹ jẹnkọ nwan d'a ta afụnfụn njọ wẹ! Osolobuẹ k'e tikpọchanrịn ukpo-mmọn wẹ, tikpọchanrịn ihiẹn wẹ zumẹni mmọn!

Hosia 11:6

Agha k'a bịa obodo wẹ rị ichẹn-ichẹn, tikpọsọnmẹ ọnụ-mgbọn obodo ndị ahụn. Agha k'e bu wẹ ri makẹ eje-iroro wẹ rị a tụ.

Hosia 7:14

W'a ra gi obi wẹ kpọku m ụya kẹ w'a kwan elu bẹdi wẹ; w'e bekikadẹ enwẹn wẹ, nị wẹ rị a rịọ mmọn ọka lẹ manya; E nupụọlẹ wẹ isi okpuru m!

Emọsụ 1:13

Osolobuẹ sị: “Makẹ njọ ẹtọ ndị Amọnụ mẹ, njọ ẹnọ dẹ, erohutọkọ m, m k'e yerịrị wẹ afụnfụn makẹni wẹ bụọ ikpoho Gilẹdị rị imẹ, kẹni wẹ weri alị wẹ cheni nke wẹ.

Emọsụ 3:9

D'a gwa nị wẹ ya ebe ile rị mkpa imẹ Ash'dọdụ alị Filistia; gwazịkwọnị wẹ ya ebe ile rị mkpa imẹ Ijiptu: sị nị wẹ, “Gbakikomẹ ni elu Ugu Sameria, nị ụnụ hụn okẹn isusu rị imẹ ẹ, hụnzị mmẹgbu rị imẹ ẹ!”

Emọsụ 9:1

M hụn Osolobuẹ ebe o wuzo ẹhụ ukpo nchụn-ẹjan. Ọ nọ sị, “Gi ihiẹn fịansọnmẹ isi-adansụn ndị rị ihun Ụlọ-nsọ, d'e ru ni ọnụmụzọ e mẹhunmẹ. Mẹ wẹ dankpọsọnmẹ isi ndị alịnị ile; e gi m ọpịa-agha gbu ndị họdụnị; onwọnni onyẹ m k'a nị gbapụ, onwọnni onyẹ m k'a nị wanahịn.

Maịka 1:4

Ugu ichẹn-ichẹn jẹnkọ d'a rịnranpụtọ okpuru ụkụ a, ọdanmgbugbu ichẹn-ichẹn e tiwa, rịkẹ ebe ọkụn nọ rịnranpụ ofugbọn, nọkẹ ebe mirin rị e hutu mkpọtu òke.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Nahum 3:10

Kanị, emẹrikwọ wẹ ndị Tẹbẹsi kpụnrụn; e gizidẹ wẹ ụmụẹka wẹ a fịan ọmụma ndị rị ọkpụzọ wẹ ile, a fịangbu wẹ. A tụzịghọ wẹ mkpọ keri ndị w'a gbaye imẹ wẹ, kẹn okẹn-ịhịan ndị rịn'a ẹgbụn.