Hosia 13:15 - Ika

¹⁵ Ọsụọn'a n'ọ masịgụọnị Izrẹlụ karị umunẹ ẹ, ufere ẹbamịn ọwụwa ẹnyanwụn lala alala, ufere Osolobuẹ k'e zihẹ, o k'a gha alị-ọkpọnkụn fehẹ, isi-mirin ẹ ile a tahị, mirin ẹ ile a la; o k'a zarị ihiẹn ile o butọ, ihiẹn ile rị mkpa.

Hosia 13:15 ပူးပေါင်းရင်းမြစ်များ

Jẹnẹsisi 41:23

Ya kẹ ọhịọ ẹsa kpọgụ nkụn, mẹ wiri-wiri, ufere gha ibe ọwụwa ẹnyanwụn sekpọgụ nọ mịpụhazị cheni wẹ.

Jẹnẹsisi 41:52

Ọ nọ gụn hụn ẹbọ Ifrem, gi ẹ sị, “Makẹni Osolobuẹ e mẹgụọ m ba ụba imẹ alị m nọ hụnjun ẹnya.”

Jẹnẹsisi 41:6

Ọhịọ ẹsa mẹ wiri-wiri, ufere ọwụwa ẹnyanwụn sekpọgụ, nọzị mịpụha cheni wẹ.

Jẹnẹsisi 48:19

Ya nẹdi ẹ nọ jụ, sị a, “Nwa m, a marịngụọ m; ya nwẹn k'a wụrụzịkwọ okẹn-ịhịan. Kanị, nwẹnẹ ẹ hụn nta k'a karị a, mụ ụmụ k'a wụrụ igunrun alị bu ọda.”

Jẹnẹsisi 49:22

“Josẹfụ wụ vaịnị rị a mị mkpụrụ, hụn rị ẹhụ isi-mirin; hụn wa ẹka ndị kụghafe mgbọn.

Jobu 18:16

Mkpọgụn a rị alị a kpọpụ nkụn, agalaba a rị elu e shinwụn.

Ẹbụ-ọma 1:4

Ndị eje-omumẹ anọkwọnị ẹrịra! Wẹ nọhụ kẹ ẹfịfịa ọka, hụn ufere e bupụ.

Ẹbụ-ọma 109:13

Ụmụ a ile wẹ nwụnhụnchanrịn; ẹfan wẹ y'a gụ agbọ lalanị gini d'a pụha!

Azaya 14:21

Kwademẹ ni ebe wẹ k'a nọ gbu ụmụ a ikẹnnyẹ makẹ njọ ndị nẹdi wẹ; elihikọzị wẹ d'e nwọnrin alị, tụnsọnmẹ obodo elu ụwa ile kẹ w'a tụn.

Azaya 17:13

Ọsụọkwọn'a ndị alị ichẹn-ichẹn rị a zụn ụzụn kẹ okẹn-mirin rị e huni, Osolobuẹ k'a jụgbọ wẹ hụ a gbate wẹ, nọkẹ ẹfịfịa ọkpọ-nkụn ufere bukọ elu òke, nọkẹ ukun-ẹfịfịa ufere bukọ.

Azaya 27:8

Y'e gigụọ agha lẹ ọchụpụ ị chụpụ a ye ẹ afụnfụn; y'a fụgụọ wẹ okẹn ufere i fụpụ wẹ, kẹ ufere ẹbamịn ọwụwa-ẹnyanwụn e mẹ.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Jerimaya 20:5

M k'e bu ihiẹn ile ndị obodoni wụ Jerusalẹm nwọn ye ndị-iṅẹnrẹn wẹ — m k'e bu ihiẹn ile wẹ rụnpụha imẹ obodoni lẹ ihiẹn ile rị mkpa wẹ butọ lẹ ihiẹn ile ndị-nze Juda butọ ye ndị-iṅẹnrẹn wẹ, a kwarị wẹ wẹ lashi Babilọnụ, ọ wụrụ ihiẹn wẹ nwọnhẹn imẹ agha.

Jerimaya 4:11

O ru ogẹn ahụn, wẹ k'a sị ndịnị lẹ Jerusalẹm: “Ufere rị a nụ ọkụn k'a ghasọnmẹ ebe jẹn elu imẹ atụ fehẹ ebe ndị nke m rị, kanị ẹlẹkwọ hụn k'a fụchannị wẹ ọka mọbụ mẹ wẹ nwunchan,

Jerimaya 4:12

kama, ufere hụn ka ọhụn ikẹn, hụn k'a gha ẹka m bịa rọ. M rị nwan a ma wẹ ikpe.”

Jerimaya 51:1

Osolobuẹ sị, “Lee ẹ, m zila ufere e tikpọnị d'e tikpọ alị Babilọnụ, n'o tikpọ ndị bi alị ndị iṅẹnrẹn m hụ.

Jerimaya 51:36

Osolobuẹ rị nwan a sị Jerusalẹm, “M jẹnkọ d'e kun'i ọnụ ị, mẹgwarịn'ị; m k'e mẹ ohimin ẹ tahị, mẹ isi-mirin ẹ tahị.

Izikẹlụ 17:10

Ọsụọn'a n'ọ gbọrịọlẹ, n'ọ rị mma? Ufere ọwụwa-ẹnyanwụn fe ẹ hụ, ẹlẹ o shinwụn, shinwụnchanrịn, nwụntọ ebe wẹ gbọye ẹ.’ ”

Izikẹlụ 19:12

Kanị, m nọ gi ọnụma huepụ a, tụ a ye alị. Ufere ọwụwa-ẹnyanwụn nọ sekpọ a, butuchanrịn mkpụrụ ọ mị. Ọkụn nọ ripụ agala a, agala a ndị nwẹn wụ ikẹn ẹ.

Daniẹlụ 11:8

O jẹnkọ d'e kpọnrinzikwọ mmọn wẹ, ihiẹn ile wẹ gi igwe rị ichẹn-ichẹn mẹmẹ w'e fe lẹ ihiẹn siliva lẹ goru rị mkpa, kpọnshi Ijiptu. O k'e yeni eze alị rị ẹbamịn-ugu hụ efe ahụa ole-lẹ-ole.

Hosia 10:1

Izrẹlụ Ẹbamịn-ugu wụ osisi vaịnị duni rị a mị mkpụrụ a. Kanị, wẹ gha a mịwaye mkpụrụ, wẹ hụ a tụnwaye ukpo mmọn! Alị wẹ gha a ghawaye ihun, wẹ hụ e zuyewaye ihiẹn-mmọn ka mma.

Hosia 2:3

Amamgbe m'a gba a ọtọ, e lee wẹ ọtọ a nọkẹ ụhụọhịn wẹ mụ a; e mẹ m'a gba okpokoro, gi ẹ họnrin alị ọkpọ-nkụn, gi ẹgụn mirin gbu ẹ!

Hosia 4:19

okẹn ufere k'e bu wẹ tuhu e kunrungụọlẹ wẹ; ifẹnrẹn mmọn ndị ahụn wẹ rị a rụa k'e mẹgbu wẹ.

Hosia 9:11

Ọghọ Ifrem k'e fepụ kẹ nnụnụ, amụkọ wẹ; ebukọ wẹ ẹfọ imẹ, atụkọ wẹ imẹ.

Jona 4:8

Anwụn a mụma, Chuku nọ zihẹ ufere rị a nụ ọkụn gha ẹbamịn ọwụwa-ẹnyanwụn bịa, ọ nọ feye Jona isi ọda-ọda, o d'a fọhị; ọ nọ chọma ọnwụn, a sị, “Ọnwụn te ka m mma.”

Nahum 2:9

Ndị rị e gbun'ẹ hụ a sị ibe wẹ, “Kwarị nị siliva! Kwarị nị goru! Ihiẹn rịn'a ara gụ kaka! Ihiẹn ile w'a chọ achọ jun ẹ!”

Ditrọnọmi 33:17

Ọghọ rị a ẹhụ nọkẹ okẹn-efin ibuzọ, okẹn-efin ibuzọ nnẹ-efin mụ; mpịn a wụ mpịn efin-ọfịa rị a lụ ọgụn. O k'e gi wẹ lụsọn alị ichẹn-ichẹn ọgụn, d'e rudẹ ndị rị ebe ụwa ru. Ọhụn wụ okeri ẹbozo Josẹfụ: kẹ nnụ-uku iri nnụ-uku iri Ifrem mụ kẹ nnụ-uku nnụ-uku Manasẹ mụ.”