Hosia 13:14 - Ika

¹⁴ Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Hosia 13:14 ပူးပေါင်းရင်းမြစ်များ

Jobu 33:24

n'o mẹn'ẹ ọhụnma, sị, ‘Chuku, dodo anịl'a la mmọn, n'a hụngụọ m ihiẹn wẹ e gi gbarị a’ —

Jobu 41:22

Akwanran olu Lẹvịatanị e zekẹ; ọ pụha, ndụn a gụ onyẹ ọwụlẹ.

Ẹbụ-ọma 16:10

makẹni y'a lakọ m tọ alị-mmọn, y'a nịkọ onyẹ nsọ ị hụn Mgbugbu hụ.

Ẹbụ-ọma 30:3

Euu Osolobuẹ, ị nọ wepụha m imẹ ili, y'a nịnị m la imẹ mgbugbu hụ.

Ẹbụ-ọma 49:15

Kanị Osolobuẹ k'a gbarị m ẹka ọnwụn; n'o werighọ m. Sẹla

Ẹbụ-ọma 49:16

Atụlẹ nwan egun makẹni ịhịan hi ọdanfịn, atụlẹ egun ni ihiẹn rị iwe ẹ a bawaye,

Ẹbụ-ọma 71:20

Y'e mẹgụọ ẹnyi hụn nsọngbu lẹ afụnfụn, kanị y'e mẹgụọ ndụn banzị m; i k'a gha imẹ-imẹ alị wepụhazị m.

Ẹbụ-ọma 86:13

Makẹni y'a ghọsịọlẹ m ihiẹn-ọsụsụọ ọda-ọda! Y'a zụọpụhagụọ m alị-mmọn migbu enwẹn ẹ.

Azaya 25:8

o k'e luepụ ọnwụn, ọnwụn arịkọzị. Osolobuẹ ihiẹn ile rị okpuru ẹ jẹnkọ d'e finchanpụ ịhịan ile ẹnya-mirin; o k'e wepụ ndị nke ẹ ifẹnrẹn ẹnya elu-ụwa ile. Ya kẹ Osolobuẹ ku.

Azaya 26:19

Kanị, ndị nke i nwụnnị jẹnkọ d'a rịzị ndụn; ozun wẹ k'e lihi. Ụnụ ndị rị nwan imẹ alị, tẹnhin ni yimẹ oro ịghọghọ! Igirigi lalanịnị ụnụ rị kẹ igirigi ụtụntụn, alị k'e gi ẹ mụpụha ndị nwụnnị rịn'a.

Jerimaya 15:6

Osolobuẹ sị, ‘Y'a jụgụọ m; ọdanpụ-ọdanpụ kẹ y'a danpụsọnmẹ. M jẹnkọ nwan d'e mẹshi i ikẹn, tikpọ ị; ẹlẹ m k'e mẹzi omikẹn i.

Jerimaya 20:16

Onyẹ hụ ya rị kẹ obodo ndị ahụn, obodo ndị Osolobuẹ tikpọ, o mẹni omikẹn wẹ. Ya nụsọnmẹ ẹkwan-ụya ụtụntụn, nụsọnmẹ oro-agha efinaị,

Jerimaya 31:35

Lee ihiẹn Osolobuẹ ku — Osolobuẹ hụn tumẹ anwụn n'ọ hụn ụzọ e ti efinnaị, sị ifọn lẹ kokisẹ ichẹn-ichẹn e ti imẹ uhinhin, Osolobuẹ hụn e mẹhunmẹ ohimin, mirin ẹ a kpọma ẹbiri; Osolobuẹ hụn Ẹfan a wụ “Osolobuẹ ihiẹn ile rị okpuru ẹ,” ọ sị:

Izikẹlụ 37:9

Ya kẹ Osolobuẹ nọ sị m, “Bu amụma gwa ufere oku; nwa-ịhịan, bu amụma, sị ufere, ‘Osolobuẹ Nwọn Ihiẹn Ile sị: Ufere, gha ẹbamịn ẹnọ fehẹ n'i ban imẹ ozun ndịnị nị wẹ hụn ụzọ rị ndụn!’ ”

Hosia 6:2

Akpọhịn ẹbụọ ghafegụ, o mẹzi ndụn ban ẹnyi; ẹghẹẹ, hụn mẹ ẹ akpọhịn ẹtọ, o welizi ẹnyi, kẹni ẹnyi bisọnmẹn'ẹ.

Hosia 7:10

Mpache Izrẹlụ rị ihun wẹ a shịagbu wẹ ẹri, kanị ekinhẹnkwọnị wẹ nwan buru Osolobuẹ, Chuku wẹ; egikwọnị w'a chọma ihun ẹ.

Malakaị 3:6

“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ndị Rom 11:15

Makẹni, omẹni ọjụjụ Osolobuẹ jụ wẹ ye ụwa oghere wẹ lẹ Osolobuẹ gi dọn, kị ịnabanhannị wẹ k'e wẹhẹ nwan? Ẹlẹ ịgha ọnwụn lihi?!

Ndị Rom 11:29

Makẹni Osolobuẹ ara napụ ịhịan ihiẹn o ye ẹ mọbụ kpọgụ ịhịan oku jụ a.

Ndị Kọrẹntị Nke Ẹbụọ 5:4

Makẹni, hụnnị ẹnyi rịkwọ imẹ ẹhụnị, imẹ ọdụnị, ẹnyi hụ a sụn udẹn makẹni ibu rị a nyịn ẹnyi. Ẹlẹni ẹnyi chọ nị ẹnyi gba ọtọ, kama, ẹnyi chọ nị wẹ yimẹzi ẹnyi hụn-ẹbọ ahụn, kẹni ndụn luepụ hụn a nwụnhụnnị, weri ọnọdị a.

Ndị Filipi 3:21

O k'e nwọnhutọ ẹhụ ẹnyi ndịnị ụya e ri, a nọ wẹ kẹ ẹhụ a ọghọ jun; ikẹn ẹ ahụn o gi a saẹka e bu ihiẹn ile e che okpuru ẹ k'o sikọ d'e gi mẹ ẹ.

Ndị Tẹsalonika Ibuzọ 4:14

Makẹni, kẹ ẹnyi dọn kweri nị Jesu nwụnhụn, lihizi, ẹrịra kẹ ẹnyi dọnzi kweri nị Osolobuẹ k'e gi Jesu wekinhẹn ndị hụn kwerinin'ẹ hụn rị ụran.

Jemisi 1:17

Makẹni, ihiẹn ile rị mma zu oke wẹ e ye gha elu-igwee bịa — ọ gha ẹka Nẹdi hụn e ye ukpẹ ile a bịa, Nẹdi hụn ghalẹni e kuhutọ ọnụ mọbụ e yebe ukpẹ yemẹ ishi.

Rẹvẹleshọnụ 20:13

Ohimin nọ wepụha ndị nwụnhụnnị rị imẹ ẹ, Ọnwụn lẹ Alị-mmọn nọ wepụhazị ndị nwụnhụnnị rị imẹ wẹ. Wẹ nọ gi ihiẹn onyẹ-onyẹ mẹ kin ẹ ikpe.

Rẹvẹleshọnụ 21:4

O k'e finchanpụchanrịn wẹ ẹnya-mirin. Ọnwụn arịkọzị, ẹnya-mirin lẹ ẹkwan lẹ ụfụ arịkọzị, makẹni ihiẹn akan a ghafegụọ.”

Rẹvẹleshọnụ 6:8

E lee m ẹnya, e lee ẹshin e nwun ṅanhịan kẹ mkp'ẹhụhụọ rịlẹni mma! Ẹfan onyẹ rị e nyinn'ẹ wụ Ọnwụn; Alị-mmọn sọnkọ a. Wẹ nọ ye wẹ ikẹn gi ọpịa-agha lẹ ụnwụn lẹ emu lẹ eje-anụ ndị rị elu ụwa gbupụ ụzọ ohu imẹ ụzọ ẹnọ imẹ ndị rị elu-ụwa.

Samuẹlụ Nke Ibuzọ 15:29

Ọghọ Izrẹlụ wụ Osolobuẹ ara tụ ntụ, o rohutọkọ — makẹni ẹlẹ ịhịan hụn o gi rohutọ!”