Hosia 13:13 - Ika

¹³ Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Hosia 13:13 ပူးပေါင်းရင်းမြစ်များ

Ndị-nze Nke Ẹbụọ 19:3

Wẹ nọ sị Azaya, “Eze wụ Hezikaya sị: Tannị wụ ụhụọhịn nsọngbu, mkpari lẹ ịfa, rịkẹ ebe mmụ nọ rugụ ebe wẹ gha a mụpụha wẹ, kanị ndụn w'e gi kịn wẹ arịa.

Ẹbụ-ọma 48:6

Ẹhụ a mama wẹ nni, tụrụma wẹ, rịkẹ okpoho imẹ rị e mẹ.

Itẹn 22:3

Onyẹ nwọn uche a hụn eje-ihiẹn, a warị, kanị onyẹ nwọnlẹni ihiẹn ọ marịn a tọ e jẹn, eje-ihiẹn ahụn e kunrun ẹ.

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 26:17

Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Azaya 37:3

Wẹ nọ sị Azaya, “Eze wụ Hezikaya sị, ‘Ogẹn nsọngbu lẹ mkpari lẹ ụya a bịagụọnị ẹnyi nwan. Ọ nọ kẹ ebe nwa nọ kpuyechanrịn isi n'ọ pụha — kanị nnẹ ẹ ahụnnị ndụn kịnpụha a!

Azaya 66:9

Osolobuẹ sị, “M'e mẹ ọmụmụ e rugụ ịhịan anịnị m'a mụ a? M'e mẹ ọmụmụ e ru ịhịan a kpọkin m ebe nwa gha a pụha? Ya kẹ Osolobuẹ ku.

Jerimaya 13:21

K'i k'e ku ogẹn Osolobuẹ k'e bu i che okpuru ndị ị rị a han ọwụ? Ọ tụrụkọ ị nọkẹ ebe imẹ rị e mẹ okpoho?

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 30:6

D'a jụkwọ nị omẹni okẹnnyẹ a mụ nwa! Omẹni okẹnnyẹ ara mụ nwa, kị haịn nwan m gi a hụn ikẹnnyẹ ile ndụn rị kẹ wẹ gi ẹka kwọndọn ẹfọ lekẹ okpoho imẹ rị e mẹ? Kị haịn ihun onyẹ ọwụlẹ gi e nwun ṅanhịan kẹ ndị ẹdeke gụ ẹhụ?

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 49:24

Ndụn a gụchanrịn ndị Damaskọsụ, a gbakin wẹ azụụn. Egun, uhue lẹ ụfụ k'e kwọndọn wẹ kẹ okpoho imẹ ri e mẹ.

Hosia 5:4

“Ihiẹn wẹ rị e mẹ anịzịnị wẹ kinhẹn ebe Osolobuẹ rị makẹni mmọn ịgbaraja rị imẹ wẹ lẹni amarịn wẹ Osolobuẹ.

Jọnụ 16:21

“Imẹ gha e mẹ okpoho, ọ tụrụ a atụrụ makẹni ọmụmụ e rugụọ a; kanị ọ mụgụ, ọ nyanhankọzị afụnfụn hụ makẹni ọ rị a ghọghọ n'ọ mụgụọ nwa.

Jọnụ 5:4

Makẹni, mmọn-ozi Di-nwọnni-ẹnyi a bịa mbụ-lẹ-ẹbụọ d'e mẹhunmẹ mirin hụ. O mẹhunmẹgụ a, onyẹ bu ụzọ banye a dịnhịn emu ọwụlẹ rị a kụn'a.

Ọrụn Ndị-ozi 24:25

K'o dọn rị e ku oku ezi-omumẹ lẹ ikwọndọn-enwẹn ịhịan lẹ Okinkin-ikpe lalanị, egun nọ tụma Fẹlisi. Ọ nọ sị, “I k'e jẹnmẹgụ, m k'a chọ efe kpọzị ị.”

Ndị Kọrẹntị Nke Ẹbụọ 6:2

Makẹni Osolobuẹ sị, “K'o ru ogẹn furuni, e gọnghọ m ụnụ ntịn; k'o ru ụhụọhịn nzụọpụha, m yeni ụnụ ẹka.” Lee n'ẹ, kikẹnni wụ ogẹn hụ furuni! Lee n'ẹ, tannị wụ ụhụọhịn nzụọpụha!

Ditrọnọmi 32:6

Ẹnịna kẹ ụnụ gi a kụ Osolobuẹ ụgwọ, ndị nzuzuni marịnlẹni ihiẹn?! Ẹlẹ ịya wụ Nẹdi ụnụ, Onyẹ hụn ke ụnụ, mẹmẹ ụnụ, kpụ ụnụ?

Ndị Tẹsalonika Ibuzọ 5:3

Ogẹn ahụn wẹ k'e gi rị a sị, “Udọn a rịgụọ! Nsọngbu arịzị a!” ya kẹ ntikpọ k'e gi kunrun wẹ idẹnmizi, nọkẹ ebe imẹ nọ mẹmẹhụ okpoho! Awanahịnkọ wẹ!