Hosia 12:8 - Ika

⁸ Ifrem sị enwẹn ẹ, ‘Ẹhẹn, e higụọ m ọdanfịn! Ẹka m e mẹgụọnị m. Onwọnni ebe m nọ kpa eje-egho.’

Hosia 12:8 ပူးပေါင်းရင်းမြစ်များ

Ẹbụ-ọma 49:6

Wẹ rị e gi akụ-lẹ-ụba wẹ e dọn ẹnya, a nyan isi n'e nwọnkẹ wẹ ihiẹn.

Ẹbụ-ọma 52:7

“Lee dikẹn nwẹn jụ n'o gbọnkọnị Chuku, kama, o gi akụ-lẹ-ụba a dọn ẹnya, gi ẹ zekẹnmẹ e tikpọ ndị ọzọ!”

Ẹbụ-ọma 62:10

Egilẹ mmẹgbu dọn ẹnya; egilẹ ihiẹn wẹ zu dọn ẹnya, makẹni o k'e kpuye i, akụ-lẹ-ụba bawaye, egikwọl'a dọn ẹnya.

Itẹn 11:1

Igi mkpu rịlẹni mma zụ afịa wụ arụ ẹnya Osolobuẹ kanị ezigbo mkpu a sụọ a ụsụọ.

Itẹn 30:12

O nwọnghọ ndị hụn e ro ni wẹ rị ọchan bụ wẹ e ke sụpụ wẹ nsịn hụn ru wẹ unyin.

Itẹn 30:20

“Lee kẹ okpoho hụn a zọ ụkụ e ye ọfịa e mẹ: o ri, o finchanpụ ọnụ, ọ sị, ‘Onwọnni eje-ihiẹn m mẹ!’

Jerimaya 2:23

K'ị rị a sịnị, ‘Arụnị m; esọnkwọnị m mmọn wụ Baalụ’? Ledẹ agụngụn ị gụn imẹ ọdanmgbugbu; rodẹ ihiẹn i mẹ; onyẹnnyẹ anyịnyan-mkpukpuke ghalẹni a saẹka a nọdị ụzọ ohu k'ị wụ, a gbashi azụụnnị lẹ azụụnnị;

Jerimaya 2:35

ụnụ hụkwọ a sị, ‘Onwọnni eje-ihiẹn ẹnyi mẹ; Osolobuẹ arị e weni ẹnyi iwe.’ Kanị, m jẹnkọ d'e ye ụnụ afụnfụn makẹni ụnụ sị, ‘Ẹnyi emẹni njọ.’

Jerimaya 5:27

Kẹ nnụnụ wẹ nwụn dọn e jun ọga-nnụnụ, ẹrịra kẹ ihiẹn wẹ tụnarịn ịhịan dọn jun iwe wẹ; ya kẹ wẹ gi hi ọdanfịn, wụrụ okẹn-ịhịan,

Izikẹlụ 28:5

Y'e gigụọdẹ ẹnya afịa ị marịn hikẹnmẹ ọdanfịn, gi akụ-lẹ-ụba ị hụ pachemẹ.

Hosia 13:6

E ye m wẹ ihiẹn-oriri, ẹfọ e jun wẹ; ẹfọ e jungụ wẹ, wẹ nọ pachemẹ, zọ m.

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 4:8

Wẹ rị e gi njọ ndịnị e rijun ẹfọ, ọ sụọ wẹ nị ndịnị rị e mẹ njọ.

Emọsụ 8:5

a sị, “Mmẹmmẹ Ifọn gi pụ ya mẹdẹ nwan n'ọ gụ, nị ẹnyi hụn ụzọ re ọka ẹnyi! Ụhụọhịn Ezumikẹn ya mẹdẹ nwan n'ọ gụ, nị ẹnyi d'e remẹzi ọka! Ẹnyi k'e bebelụa mkpu ẹnyi, bushi ọnụ a elu, gidẹ eje-mkpu zụ afịa-mmẹgbu;

Habakọkụ 1:16

Ya haịn o gi a chụnyeni ọga a ẹjan, e ye ụkpalị a oyiye nị uwẹ k'o gi e rijun ẹfọ, uwẹ k'o gi e ri kẹ eze!

Zẹkaraya 11:5

W'e ṅọn wẹ e gbu, oku arịa; onyẹ re wẹ, ọ kpanmịn Osolobuẹ, sị, ‘Osolobuẹ e mẹkẹ, e higụọ m nwan ọdanfịn!’ Omikẹn wẹ arịdẹ e mẹ ndị rị e duni wẹ.

Malakaị 2:17

Ụnụ e kusọnmẹ ihiẹn ndụn ụnụ gi a gụ Osolobuẹ. Kanị ụnụ sị, “Nanị kẹ ẹnyi dọn ku ndụn-ọgụgụ ye ẹ obi?” Ụnụ a sị, “Ndị ile e mẹ eje-ihiẹn wụ ezigbo ịhịan ẹnya Osolobuẹ; ihiẹn wẹ a sụọd'a a sụọ,” mọbụ “Elebe kẹ Osolobuẹ hụn a han ezigbo eṅẹn rị?”

Malakaị 3:13

“Osolobuẹ sị, ‘Ụnụ e kujagụọ oku m.’ “Kanị ụnụ sị, ‘Kị ẹnyi gi kuja oku i?’ ”

Luku 10:29

Kanị Ọka-iwu hụ chọ n'o kuni enwẹn ẹ ọhụnma, ọ nọ sị Jesu, “Onyẹ wụ nwan ibe m?”

Luku 12:19

Ogẹn hụ, m k'a sị enwẹn m, “Enwẹn m, y'e nwọngụọ ihiẹn ọda-ọda, o k'e zu i ahụa ole-lẹ-ole lalanị! Eyezilẹ enwẹn i nsọngbu! Ri! Ra! Rimẹ ụwa!” ’

Luku 16:13

“Onwọnni nwata-iwe ịhịan jẹnkọ d'a saẹka fe nna ẹbụọ; o jẹnkọ d'e ze ize ohu, nwọn ihiẹn-ọsụsụọ hụn-ẹbọ mọbụ o wechanrịn enwẹn ẹ ye ohu, lelịa hụn-ẹbọ. Y'a sakọ ẹka fe Osolobuẹ lẹ egho.”

Luku 16:15

Kanị Jizọsị nọ sị wẹ, “Ụnụ rịhụ e mẹ nọkẹ sị ụnụ a rịka mma ebe ịhịan rị, kanị, Osolobuẹ a marịngụọ obi ụnụ. Makẹni, ihiẹn rị mkpa ọda ẹnya ịhịan wụ arụ ẹnya Osolobuẹ.

Ditrọnọmi 8:17

Ikẹnkwọ y'a sị enwẹn i, “Ẹka m mẹni m.”

Timoti Ibuzọ 6:17

Nke ndị wụ ọdanfịn elu ụwanị, gba wẹ mkpịnsịn-ẹka, sị wẹ apachelẹ mọbụ gi ẹfe (akụ-lẹ-ụba) ụwanị ghalẹni a tọ dọn ẹnya. Kama, wẹ gi Osolobuẹ dọn ẹnya, onyẹ hụn e yechanrịn ẹnyi ihiẹn ile e yekwasị kẹni ẹfọ a sụọ ẹnyi ụsụọ.

Timoti Ibuzọ 6:5

lẹ ịdọ-ndọndọ ndị uche wẹ rịlẹni mma a dọ, ndị ezioku nahịngụ, ndị weri ife-Osolobuẹ kẹ ihiẹn wẹ gi e hi ọdanfịn. [Esọnkwọlẹ ndị nọ ẹrịra].

Rẹvẹleshọnụ 3:17

“Ị hụ a sị, ‘M wụ ọdanfịn, e hiọlẹ m ọdanfịn, onwọnzini ihiẹn a kọnị m.’ Kanị, y'a marịn n'o nwọnni kẹ ọ han ị, nị y'e rugụọdẹ ihiẹn a gba ẹnya-mirin, nị ogbẹnnyẹ k'ị wụ, nị ị wụ ẹnya-mpịn, nị ị gba ọtọ!