Hosia 12:2 - Ika

² Osolobuẹ sị Juda e mẹgụọ eje-ihiẹn; o jẹnkọ d'e ye wẹ wụ ụmụ Jekọpụ afụnfụn eje-obibi wẹ, kụ wẹ ụgwọ ihiẹn wẹ mẹ.

Hosia 12:2 ပူးပေါင်းရင်းမြစ်များ

Ndị-nze Nke Ẹbụọ 17:4

O mẹgụ, eze Asiria nọ chọpụha nị Hoshia rị e nupụ isi okpuru ẹ, makẹni Hoshia a hangụọ ndị ụkọ jẹnni Fẹro wụ So, eze Ijiptu, d'a rịọ a eyemẹka. Ọ tụhazịnịnị eze Asiria ụtụ o te a tụha ahụa-ahụa. Ya Shal'manẹsẹ nọ nwụnrụn a, kpọkin ẹ ye imẹ ụlọ-ngan.

Jobu 15:2

“Onyẹ nwọn uche e kudẹ ihiẹn nwọnlẹni isi n'ọ rị a shịarị oku ra? N'o gidẹ ufere ọkụn ọwụwa-ẹnyanwụn dadọn ẹfọ ra?

Ẹbụ-ọma 78:36

Kanị wẹ rịhụ e ku ẹ nke ọnụnụ-ire; wẹ rịhụ a tụ a ntụ.

Ẹkịliziastisi 5:15

Ịhịan gba ọtọ pụha ẹfọ-nnẹ ẹ — k'o dọn bịa k'o k'a la. O wekọ ihiẹn ọwụlẹ ọ rụn la, o burukọ ihiẹn ọwụlẹ ẹka.

Azaya 10:12

Kanị Osolobuẹ sị, “M mẹgụ nwan Ugu-Zayọnụ lẹ Jerusalẹm ihiẹn m k'e mẹ wẹ, mmẹ wụ Osolobuẹ k'e ye eze Asiria afụnfụn mpache hụ rị imẹ ẹ lẹ nhọnrọn hụ ọ rị a họnrọn.

Azaya 10:6

M zi ẹ d'e mẹshi alị rịlẹni e fe m ikẹn, m tumẹ ẹ d'e mẹ alị kpasu m iwe ihiẹn — ya d'a napụ wẹ ihiẹn wẹ, kwanarịn wẹ ya; zọgbu wẹ kẹ w'a zọgbu ẹjan rị ọkpụzọ.

Azaya 24:21

O ru ogẹn hụ, Osolobuẹ k'e ye ihiẹn rị igwere afụnfụn imẹ elu-igwere, yezikwọ ndị-nze rị ụwa afụnfụn elu-ụwa.

Azaya 3:11

Ọ masịkọnị ndị eje-omumẹ! Wẹ k'e mẹgwarị wẹ ihiẹn wẹ mẹ.

Azaya 30:6

Lee ihiẹn Osolobuẹ ku banyeni anụmanụ ndị rị alị-ọkpọnkụn Nẹgẹvụ: Alị ọkpọ-nkụn hụ afụnfụn lẹ nsọngbu rị, alị okẹn-ẹwọrọ lẹ onyẹnnyẹ-ẹwọrọ rị, alị ẹjụ-alị lẹ eje-agwọ ichẹn-ichẹn jun — ịya kẹ ndị ụkọ wẹ zi fetuchanrịn — wẹ lẹ ihiẹn bugbu enwẹn ẹ ọda wẹ bu elu jaki lẹ ihiẹn ndị rị mkpa wẹ bu elu anyịnyan-mkpukpuke, hụn wẹ bujẹnkọnị ndị alị ahụn nwọnlẹni erere o k'a bannị wẹ,

Azaya 59:18

Ihiẹn onyẹ-onyẹ mẹ k'o k'e gi sọn ẹ: o k'e ye ndị iṅẹnrẹn ẹ afụnfụn, mẹshi ndị rị a lụsọn ẹ ọgụn ikẹn — o k'e yedẹ alị ndị rị mkpẹnrẹn ohimin teni afụnfụn ihiẹn wẹ mẹ.

Jerimaya 25:31

Wẹ k'a nụdẹ ụzụn a ụwa ile, makẹni Osolobuẹ sikọ d'a ma alị ile ikpe. O sikọ d'e ye ndị ile rị ụwa afụnfụn, gi ọpịa-agha gbupụ ndị eje-omumẹ.” Osolobuẹ e kugụọ a.

Hosia 2:13

M k'e ye ẹ afụnfụn ọrọgbọ ile hụ o gi mụnị Baalụ ichẹn-ichẹn nsẹnsi; o gi rị e yi ihiẹn-ntịn a lẹ ihiẹn-mma a, a gbasọn ndị ya lẹ wẹ rị a sụọ — zọ mmẹ nwẹn. Osolobuẹ e kụgụọ a.

Hosia 4:1

Gọn ni ntịn, ndị Izrẹlụ, gọn ni ntịn oku Osolobuẹ; nị Osolobuẹ rị e du ndị alịnị e kpe: ọ sị: ezioku arịzị alịnị onwọnzini onyẹ w'e gi dọn ẹnya; w'a ra gizi nke Osolobuẹ dọn alịnị.

Hosia 4:9

Ihiẹn m k'e mẹ ndịnị kẹ m k'e mẹ ndị nchụn-ẹjan wẹ! M k'e ye wẹ ile afụnfụn eje-obibi ụnụ, kụ wẹ ụgwọ eje-ihiẹn wẹ mẹ.

Hosia 7:1

“Hụn m gihụ chọ nị m zụọ Izrẹlụ, njọ Ifrem a kpọzị m ihun, ya lẹ eje-ihiẹn rị imẹ Sameria isi-alị wẹ; ntụ-ntụ kẹ w'a tụ; ụfọdụ hụ e gbukpọ ụlọ, e zun, ụfọdụ hụ ụzọ e zun.

Hosia 7:11

Ndị Ifrem nọ kẹ oluikuku nwọnlẹni uche rị e zuzuni: a kpọku alị Ijiptu, a gbakunrun alị Asiria!

Hosia 7:2

“Egini wẹ dọn ni m k'a nyanhan njọ wẹ ile. Njọ wẹ e fihunmẹgụọ wẹ nwan; a hụnchanrịngụọ m'a.

Hosia 8:10

K'o rehanlẹ enwẹn ẹ ebe ọ rị a rịọ alị ndị ọzọ ọrụn, m sikọ nwan d'e kpọngbama wẹ ile, mẹ wẹ ihiẹn. O biekọ eze lẹ ndị-isi a sụnma udẹn yeni okẹn ụtụ wẹ k'a na wẹ.

Hosia 8:13

Wẹ hụ a chụnyeni m ẹjan, e ri anụ a, kanị Osolobuẹ anarịnkọ ẹjan wẹ. M jẹnkọ d'a nyanhandẹ njọ wẹ, ye wẹ afụnfụn a. Wẹ k'a lakin alị Ijiptu.

Hosia 8:9

A kpashigụọ wẹ alị Asiria d'a chọ eyemẹka nọkẹ jaki-ọfịa ya sụọ kpakọ; Ifrem wụ Izrẹlụ e regụọ enwẹn ẹ nị ya lẹ wẹ sụọ.

Hosia 9:15

“Osolobuẹ sị: Imẹ Gil'galụ kẹ njọ ile wẹ rị e mẹ bidọn; ebẹhụ kẹ ize wẹ gha zemẹ m. M k'e ufiri eje-ihiẹn wẹ rị e mẹ chụpụ wẹ Iwe m. Enwọnkọzị m ihiẹn-ọsụsụọ wẹ; ndị nnupụ-isi kẹ ndị-isi wẹ ile wụ.

Hosia 9:9

E mẹrụchanrịngụọ wẹ enwẹn wẹ kẹ wẹ dọn mẹ imẹ Gibia ogẹn mbụ! Osolobuẹ k'a nyanhan njọ wẹ; o k'e yerịrị wẹ afụnfụn njọ wẹ.

Emọsụ 2:4

Osolobuẹ sị: “Makẹ njọ ẹtọ ndị Juda mẹ, njọ ẹnọ dẹ, erohutọkọ m, m k'e yerịrị wẹ afụnfụn: makẹni a jụgụọ wẹ Iwu Osolobuẹ, e dọnmẹni wẹ ụmụ-iwu rịn'a; e giziọlẹ wẹ mmọn ndị ahụn wụlẹni Chuku dufie wẹ, mmọn ndị nẹdi wẹ kanị sọnkọ kpahu.

Maịka 6:2

“Ugu ndịnị, gọn ni ntịn-o, nị Osolobuẹ chọ n'o kin! Iyetọ ụwa hụn turusọnmẹni, gọn ni ntịn-o — nị Osolobuẹ kpe ndị nke ẹ, n'o kin ihiẹn wẹ mẹ:

Matiu 16:27

“Ẹghẹẹ, Nwa nke Ịhịan k'e gi ọghọ Nẹdi ẹ bịa, ya lẹ ndị mmọn-ozi ẹ k'a wị; ogẹn hụ, o k'a kụ onyẹ ọwụlẹ ụgwọ ihiẹn o mẹ.

Ndị Rom 2:6

Osolobuẹ k'a kụ onyẹ-onyẹ ụgwọ ihiẹn o mẹ.

Ndị Galeshịa 6:7

Edufiekwọlẹ ni enwẹn ụnụ: Osolobuẹ anịkọkwọ wẹ lelịa a; ihiẹn onyẹ kụn k'o k'a ghọrị.