Hosia 12:14 - Ika

¹⁴ Ifrem a kpasugụọ Osolobuẹ iwe ọda-ọda, Osolobuẹ Di-nwọnn'ẹ k'e mẹ ẹ gi isi ẹ buru ẹ; o k'a kụ a ụgwọ ihiẹn-ifẹnrẹn o mẹ.

Hosia 12:14 ပူးပေါင်းရင်းမြစ်များ

Samuẹlụ Nke Ẹbụọ 1:16

Defidi a sịgụọ onyẹ Amalẹki hụ, “Ẹdeke i rị ị isi. Ọnụ ị a shịagbugụọ ị ẹri ebe i nọ sị, ‘Mmẹ gbu onyẹ Osolobuẹ tumẹ.’ ”

Izikẹlụ 18:10

“Omẹni ọ mụ nwa e gi ịhịan e mẹ ihiẹn sụọn'a, e gbu ịhịan mọbụ e mẹ ihiẹn ndị ọzọ nọ ẹnịna,

Izikẹlụ 18:13

omẹni o zinye egho makẹni ọ chọkọ ọmụnịnwa mọbụ a nadẹ ọmụnịnwa kaka. Ọ rịkọ ndụn! Makẹni o mẹgụọ arụnị ile, wẹ k'e gburịrị a; ẹdeke ẹ k'a rị a isi.

Izikẹlụ 33:5

Ebe o mẹni ọ nụgụọ kẹ wẹ gbu opi bụ o gini ẹ dọn, ẹdeke ẹ k'a rị a isi. Omẹni o te gi ẹ dọn, nkẹ ọ zụọrị isi ẹ.

Daniẹlụ 11:18

“O bunụmanị alị ndị rị mkpẹnrẹn Ohimin, weri ndị bu ọda imẹ wẹ, kanị ọkị-agha ohu jẹnkọ d'a kụsị ụya ahụn ọ rị e ye wẹ e ri, we ẹ ye ya nwẹn ri.

Hosia 4:2

Ihiẹn jun alịnị wụ ịkpọ-iyi lẹ ntụ lẹ igbu-ọchụn lẹ Izun-ohin lẹ ughẹrẹ; onwọnzini ihiẹn e kwọndọnni wẹ, ogbugbu-ogbugbu.

Hosia 7:16

Ẹnya rị wẹ ụzọ ile mmanị elu-igwee; wẹ nọ kẹ ụta rịlẹni mma; ọpịa-agha k'e gbu ndị-isi wẹ yeni mkpari ile rị wẹ ọnụ. “Wẹ k'e gi ihiẹnni mụ wẹ ẹmụ imẹ Ijiptu.

Maịka 6:16

Makẹni ụnụ e sọngụọ ụzọ Omri lẹ ikpụlọ Ehabụ nẹdi ẹ, ụnụ e gigụọ ihiẹn wẹ kuzi ụnụ bi. M k'e gi ufiri ẹ tikpọchanrịn Jerusalẹm, ndị bi imẹ ẹ e họnrin ndị w'a mụ ẹmụ; yụ wụ Jerusalẹm k'e buru ifẹnrẹn ndị nke m.”

Ditrọnọmi 18:15

Osolobuẹ wụ Chuku ụnụ k'a gha imẹ umunẹ ụnụ wepụhanị ụnụ onyẹ-amụma nọ kẹ mmẹ; ụnụ k'e gọnrịrị onyẹ-amụma ahụn ntịn.

Ditrọnọmi 18:18

M k'a gha imẹ ndị nke wẹ wepụhanị wẹ onyẹ-amụma nọ kẹ ịyụ; m k'e bu oku m che ẹ ọnụ, ọ gwachanrịn wẹ ihiẹn ile m gwa a.

Ditrọnọmi 28:37

Ụnụ k'a wụrụ ihiẹn w'e beni ọrịọ lẹ ihiẹn-ẹmụ imẹ igunrun ndị alị ile Osolobuẹ k'a chụshi ụnụ.

Samuẹlụ Nke Ibuzọ 2:30

“Makẹ ufiri ẹ, Osolobuẹ, hụn wụ Chuku ndị Izrẹlụ, sị, ‘E te kwegụọ m nkwa nị ikpụnọ ị lẹ ẹbozo nẹdi i jẹnkọ d'a wụsọnmẹ ndị nchụn-ẹjan m.’ Kanị m sị ị nwan nị emẹkọzị m'a! Ndị ye m ọghọ kẹ m k'e ye ọghọ; ndị lelịanị m, e lelịa m wẹ.