Hosia 11:9 - Ika

⁹ Ẹlẹ m k'e mẹchanrịn kẹ olulu rị m obi han. Etikpọchanrịnkọ m Ifrem — makẹni, Osolobuẹ kẹ m wụ, ẹlẹ m ịhịan. Mmẹ wụ Onyẹ Ahụn Rị Nsọ hụn rị imẹ igunrun ụnụ — egichanrịnkọ m olulu rị m obi sọn ụnụ.

Hosia 11:9 ပူးပေါင်းရင်းမြစ်များ

Samuẹlụ Nke Ẹbụọ 20:10

Ẹnya Amasa arị agbada hụ Jụabụ gi ẹka, ọ marịn mgbe Jụabụ gi zu ẹ y'ẹ ẹfọ, akụ-ẹfọ a nọ yọye alị; o zuzin'ẹ ọzọ. Ẹrịra kẹ Amasa dọn nwụnhụn. Jụabụ lẹ Abishaị nwẹnẹ ẹ nọ chụrụ Shẹba nwa Bikri.

Ẹbụ-ọma 46:5

Chuku rị imẹ obodo ahụn, onwọnni ihiẹn k'e mẹn'ẹ; Chuku k'a zọ ụzọ d'e yen'ẹ ẹka.

Ẹbụ-ọma 78:38

Kanị, makẹni ọ wụ onyẹ-omikẹn, ọ gbagharịsọnmẹ wẹ njọ; o tikpọchanrịnnị ebọn wẹ; ọ tọ e kwọndọn enwẹn ẹ, o gichanrịnnị olulu rị a obi sọn wẹ.

Ẹbụ-ọma 85:4

Dodo, mẹzi nwan n'ọ rịnị ẹnyi mma, Chuku hụn a zụọpụhanị ẹnyi; dodo, webehini ẹnyi iwe!

Azaya 12:6

Yikẹnmẹ ni oro, ụnụ a bụ ẹbụ ịghọghọ, ụnụ ndị Zayọnụ, makẹni Onyẹ-nsọ Izrẹlụ e mẹkẹ okẹn-ihiẹn imẹ igunrun ụnụ!”

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 41:14

Jekọpụ, ndidọn zelẹni, atụlẹ egun — Izrẹlụ ụjọ! Makẹni mmẹ lẹ enwẹn m k'e yeni i ẹka ya kẹ mmẹ wụ Osolobuẹ ku — mmẹ, Onyẹ a gbapụhan'ị, Onyẹ-nsọ Izrẹlụ.

Azaya 41:16

Ị k'a fụchanchanrịn wẹ kẹ ọka, ufere e buru wẹ, okẹn ufere a kpọhuhu wẹ — y'e gi ufiri Osolobuẹ a ghọghọ, y'e gi Onyẹ-nsọ Izrẹlụ a ghọghọ a dụ ẹka obi.

Azaya 48:9

Ẹfan m haịn m gi e bie d'e gi olulu mẹ i ihiẹn; achọnị m nị m wiwi ẹfan m haịn m gi e kwọndọn ọnụma m, amamgbe m'e gbupụ ị.

Azaya 5:24

Ufiri ẹ, kẹ ọkụn dọn e ripụ irurue-ọkpọnkụn lẹzi kẹ ẹfịfịa-ọkpọnkụn rị ọkụn dọn a nyụnlụa, ẹrịra kẹ mkpọgụn wẹ k'a dọn rehi, ufere e bupụ obobo wẹ nọkẹ ntụn; makẹni a jụgụọ wẹ Iwu Osolobuẹ, Onyẹ ahụn kachanrịnnị, legberi oku Osolobuẹ Onyẹ-nsọ Izrẹlụ.

Jerimaya 26:3

Ikẹnkwọ e gọn wẹ ntịn, onyẹ-onyẹ a kụsị eje-obibi ọ rị e bi, e gi m ufiri ẹ latọ ihiẹn m rị a chọ nị m mẹ wẹ makẹ eje-obibi wẹ.

Jerimaya 30:11

M k'a nọyen'i, zụọpụha ị. Ọsụọn'a m tikpọchanrịn alị ndị ahụn ile m fe i ye, e tikpọchanrịnkọ m'ị. M k'e ye i afụnfụn nkesi, kanị hụn furuni; anịkọ m'ị lachanrịn ọfẹ. Ya kẹ Osolobuẹ ku.”

Hosia 12:1

“Ihiẹn nwọnlẹni isi kẹ Ifrem rị a rụn, a chụ ufere gha ụtụntụn d'e ru ẹnyasị! Ntụ-ntụ lẹ egbu-lẹ-egbu rị wẹ isi, e sọn wẹ ndị Asiria kịgbama nị wẹ yeni wẹ ẹka, e buzi wẹ ofigbọn-olivu shi Ijiptu d'a rịọzị eyemẹka.”

Hosia 14:4

Osolobuẹ sị, “M k'a gwọ wẹ ọdanpụnị wẹ danpụ; m k'a shịapụ ẹfọ nwọn ihiẹn-ọsụsụọ wẹ makẹni olulu m rị e buni wẹ a rọgụọ.

Malakaị 3:6

“Makẹni mmẹ wụ Osolobuẹ ara gbehutọ haịn ụnụ wụ ebọn Jekọpụ gilẹni gụ k'o te furu,

Ọgụngụn 23:19

“Osolobuẹ ẹlẹ ịhịan hụn o gi tụ ntụ; ẹlẹ ịhịan mụ a hụn o gi rohutọ. N'o ku oku bụ o mẹn'ẹ? N'o kwe nkwa bu o mẹzun'ẹ?

Ditrọnọmi 13:17

Ewerikwọlẹ ihiẹn ọwụlẹ Osolobuẹ sị o k'e tikpọ, kẹni Osolobuẹ bubehi olulu ahụn ọ rị e bu. Ogẹn hụ, o mẹni ụnụ ebere, o gi omikẹn sọn ụnụ, mẹ ụnụ ba ụba, gi e mẹzu nkwa o kun enwẹn ẹ kwe ndị nẹdi ụnụ,

Samuẹlụ Nke Ibuzọ 26:8

Abishaị nọ sị Defidi, “Osolobuẹ e buọlẹ eṅẹnrẹn ị che i ẹka tannị! Nị m gi nwan obo m zu ẹ limẹ alị ube ohu, ezukọdẹ m'a ubẹbụọ!”