Hosia 11:8 - Ika

⁸ Euu Ifrem, nanị m'e dọn la ị tọnị wẹ tikpọ? Izrẹlụ, nanị m'e dọn we i ye wẹ tikpọ? Nị obi nị m mẹ ụnụ kẹ Adima? N'ọ nị m mẹ ụnụ kẹ Zẹbo? Obi anịnị m! Omikẹn anịkọ m!

Hosia 11:8 ပူးပေါင်းရင်းမြစ်များ

Jẹnẹsisi 14:8

Ya kẹ eze Sodọm, eze Gomora, eze Adima, eze Zẹbo lẹ eze Bẹla (Zụa) — ndị-nze isẹn ahụn sị arịkọzị wẹ okpuru Kẹdọlama — nọ nwan pụha Ọdanmgbugbu Sidim, lụsọn

Samuẹlụ Nke Ẹbụọ 24:16

Ogẹn mmọn-ozi hụ rị e gbuni wẹ gi tịnpụ ẹka n'o tikpọ Jerusalẹm, ọnwụn hụ rị e gbuni e mẹtụ Osolobuẹ ọda-ọda; ọ nọ sị mmọn-ozi hụ gbugụ ndị bu ọda, “O higụọ! Seri ẹka ị.” Ogẹn ahụn, mmọn-ozi Osolobuẹ hụ rị ebe Araụna onyẹ Jebusu a nọdị a kụkpọ ọka.

Ndị-nze Nke Ibuzọ 3:26

Ya okpoho hụn mụ nwa hụ rị ndụn nọ gi omikẹn nwa a rị e mẹn'ẹ, sị eze, “Di-nwọnni m, dodo, we nwa hụ rị ndụn ye ẹ! Egbulẹ ẹ!” Kanị hụn ẹbọ sị, “Kẹ mmẹ kẹ ịyụ, onwọnni hụn k'e wen'ẹ. Wẹ be ẹ ẹbụọ!”

Ndị-nze Nke Ẹbụọ 13:23

Kanị Osolobuẹ nkẹ nọ gi ufiri nkwerigbama ya lẹ Ebraham, Aziki lẹ Jekọpụ mẹni wẹ ọhụnma, mẹ omikẹn wẹ, ghọsị nị ọnọdị wẹ e mẹtụghọ a. D'e rukwọ nwan tannị ọ rịn'a n'o tikpọ wẹ mọbụ chụpụ wẹ ihun ẹ.

Ihiẹn Mẹni Nke Ẹbụọ 36:15

Osolobuẹ wụ Chuku ndị nẹdi wẹ hụ e zi ndị ozi d'a gwa wẹ oku, a gwa wẹ ọgụgwa-ọgụgwa, makẹni omikẹn ndị nke ẹ lẹ ebe obibi ẹ rị e mẹ ẹ.

Ẹbụ-ọma 106:45

O gi ufiri wẹ a nyanhan nkwa a, e mẹni wẹ omikẹn, yeni okẹn ihiẹn-ọsụsụọ a.

Azaya 16:11

Obi m hụ a kwannị Mụabụ ẹkwan nọ kẹ ụbọ rị a kpọ ẹbụ ẹkwan, obi m hụ a kwanzịnị Kiri-Harẹsẹti ẹrịra.

Azaya 63:15

Dodo, gha nwan elu-igwee lee ẹnya, gha okẹn ukpo-eze i ahụn rị nsọ lee ẹnya alị!! Ọrịrịmma ẹnyi ara dụzịdẹ ị ra? Ebe ikẹn i rị nwan? Y'a ra gizi ẹfọma lẹ omikẹn sọn ẹnyi.

Jerimaya 18:8

nị ndị ahụn m gwa oku e bihutọ ẹka, latọ eje-ihiẹn wẹ rị e mẹ, mmẹ nwẹn sikọ d'e rohutọ, emẹkọzị m wẹ ihiẹn m te sị nị m k'e mẹ wẹ.

Jerimaya 3:12

“D'e bu ẹnya zinmẹ ẹbamịn-ugu n'ị hị ihiẹnni: sị wẹ, ‘Izrẹlụ danpụgụnị, kinhẹn azụụn.’ Ya kẹ Osolobuẹ ku. ‘Ebupụkọzị m ụnụ ihun, onyẹ omikẹn kẹ m wụ.’ Ya kẹ Osolobuẹ ku. “Ewekọ m iwe jẹnrin ejẹn.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Jerimaya 42:10

Omẹni ụnụ e rohutọ, nọdị alịnị, m sikọ d'a gọzi ụnụ; m k'a tụn ụnụ kẹ ụlọ, etikpọkọ m ụnụ; m k'a gbọma ụnụ, ehuepụkọ m ụnụ — makẹni ọ fụka m nị m mẹ ụnụ ihiẹnni ile m mẹ ụnụ.

Jerimaya 9:6

Ndị yụ lẹ wẹ bi ẹlẹkwọ ndị w'e gi dọn ẹnya; obibi wẹ anịnị wẹ marịn m.” Ya kẹ Osolobuẹ ku.

Jerimaya 9:7

Osolobuẹ ihiẹn ile rị okpuru ẹ sị nwan, “Lee ẹ, m k'e gi ọkụn chanchan wẹ, lele wẹ. Kị m'e mẹzi nwan banyeni ndị nke m?

Ẹkwan 1:20

Euu, Osolobuẹ, dodo lee nsọngbu m! Imẹ ẹhụ rị e nwụn m ọkụn, obi eruni m alị, makẹni e nupụgụọ m isi ọda-ọda. Ọpịa hụ e gbu ndị ọ rị e gbu ogbe; ọnwụn hụ e gbu mmụlọ.

Ẹkwan 3:32

Ọsụọn'a n'o wẹhẹ ihiẹn-ẹkwan, o sikọ d'e mẹzi omikẹn — makẹni ihiẹn-ọsụsụọ a e hikẹ ogbe.

Ẹkwan 3:33

Ẹlẹ obi ẹ n'o buhẹni ịhịan afụnfụn mọbụ mẹ ịhịan ihiẹn-ẹkwan —

Izikẹlụ 33:11

Sị wẹ nwan nị mmẹ, Osolobuẹ Nwọn Ihiẹn ile, sị, ‘Ma isi m, o mẹkwọ nị ọnwụn eje-ịhịan a sụọ m asụọ! Ihiẹn m chọ wụ n'o bihutọ ẹka, rị ndụn!! Bihutọ nị ẹka! La nị eje-obibi ụnụ tọ! Kị ụnụ ndị Izrẹlụ k'a nwụnnị?’

Izikẹlụ 6:9

Ndị hụ hụn isi imẹ ụnụ k'a nyanhan m imẹ alị ichẹn-ichẹn ndị hụ wẹ kpụnjẹn wẹ, nyanhan kẹ obi dọn gbawapụ m yeni obi wẹ rịlẹni ụzọ ohu, obi wẹ hụn pụchanrịn ebe m rị shi mmọn wẹ ndị hụ chanban wẹ ẹnya, ize enwẹn wẹ a ban wẹ yeni eje-ihiẹn ile wẹ mẹ lẹ arụ ile wẹ mẹ.

Hosia 6:4

Kanị Osolobuẹ sị, “Euu, ndị Ifrem, kẹ m k'e gi ụnụ mẹ?! Euu, ndị Juda, kẹ m k'e gi ụnụ mẹ? Ihiẹn m ara sụọbie ụnụ kaka ihiẹn-ọsụsụọ ụnụ nọhụ kẹ igirigi ụtụntụn wẹ ghalẹni e gi e dọn ẹnya, igirigi ụtụntụn hụn ghalẹni a tọ kaka akpụ-ohu.

Hosia 7:1

“Hụn m gihụ chọ nị m zụọ Izrẹlụ, njọ Ifrem a kpọzị m ihun, ya lẹ eje-ihiẹn rị imẹ Sameria isi-alị wẹ; ntụ-ntụ kẹ w'a tụ; ụfọdụ hụ e gbukpọ ụlọ, e zun, ụfọdụ hụ ụzọ e zun.

Emọsụ 4:11

M nọ gi ntikpọ sọn ụnụ kẹ m dọn tikpọ Sodọm lẹ Gomora, ndị họdụnị nọ nwan rị kẹ ihiẹn wẹ lọpụha imẹ ọkụn, kanị, ụnụ egikwọn'a rogharị d'e kunrun m.” Ya kẹ Osolobuẹ ku.

Emọsụ 7:3

Ya kẹ Osolobuẹ nọ kụsị, sị, “Ihiẹnni emẹkọ.”

Emọsụ 7:6

Ya kẹ Osolobuẹ nọzị kụsị, sị, “Kẹ hụnnị emẹkọ.”

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Zẹfanaya 2:9

Mmẹ wụ Osolobuẹ ihiẹn ile rị okpuru ẹ hụn wụ Chuku ndị Izrẹlụ, sị, “Ma isi m, Mụabụ jẹnkọ d'a rị kẹ alị Sodọm, Amọnụ a nọ kẹ alị Gomora! Wẹ k'e họnrinsọnmẹ alị ogun lẹ nnu, wụsọnmẹ eje-alị ihiẹn rịn'a ghalẹni e mẹ. Ndị nke m họdụnị k'a kwarị ihiẹn wẹ; ndị alị m họdụnị k'e weri alị wẹ.”

Matiu 23:37

“Euu Jerusalẹm! Jerusalẹm!! Obodo hụn e gbu ndị-amụma, e gi ọmụma a magbu ndị wẹ zihẹn'ẹ! Mgbe ole-lẹ-ole kẹ m chọpụ nị m kpumẹ ụmụ ị kẹ nneku-ọhụhụ dọn e gi nku e kpumẹ ụmụ a, bụ y'a nịnị m!

Ditrọnọmi 29:22

Ụmụ ụnụ ndị lala ogẹn ụnụ ghafegụ lẹ ndị itumunyẹ ghasọnmẹ ebe teni bịa sikọ d'a hụn nsọngbu kunrun alị ahụn lẹ emu Osolobuẹ tụ a.

Ditrọnọmi 29:23

Alị ahụn ile sikọ d'a la iwi, họnrin alị nnu lẹ nsịn-ẹnyanwụn, alị e wiwi ihiẹn, alị wẹ ghalẹni a kụnye ihiẹn, ihiẹn ghalẹni e pu mọbụ e sue imẹ ẹ. O k'a nọ kẹ ntikpọ wẹ tikpọ alị Sodọm lẹ Gomora lẹ Adima lẹ Zẹbo, hụn Osolobuẹ gi okẹn-ọnụma a tikpọpụ.

Ditrọnọmi 32:36

Osolobuẹ k'a tụnnị ndị nke ẹ ụya, mẹ omikẹn idibo ẹ, ọ hụn a nị ndụn a gụgụọ wẹ, nị onwọnni onyẹ họdụnị — kẹ igbọn kẹ ndị nwọn enwẹn wẹ.

Pita Nke Ẹbụọ 2:6

omẹni ọ maghọ alị Sodọm lẹ alị Gomora ikpe, dụn wẹ ọkụn, e họnrin wẹ ntụn, o gi wẹ ghọsị ihiẹn jẹnkọ d'e mẹ ndị jụ oku Osolobuẹ;

Judu 1:7

Ẹrịra kẹ ndị Sodọm lẹ Gomora lẹ obodo ndị nọkunmẹni wẹ mẹzi, bu enwẹn wẹ che ughẹrẹ lẹ ihiẹn-ụrụ, ya wẹ nọ narịn afụnfụn ọkụn-itẹbitẹ. Wẹ nọ wụrụ ihiẹn wẹ gi a gba ịhịan mkpịnsịn-ẹka ẹnya.

Rẹvẹleshọnụ 11:8

Ozun wẹ k'a rị ụzọ ụwaya kanị rị obodo uku hụ wẹ gi “Sodọm” lẹ “Ijiptu” marịn imẹ-mmọn, obodo ohu hụ wẹ nọ kpọgbu Di-nwọnni wẹ.

Rẹvẹleshọnụ 18:18

e yi oro ogẹn wẹ gi hụn ẹnwụnrụn wẹ gi kpọ a ọkụn, a sị, “Elee obodo han kẹ obodo ukuni?”

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.