Hosia 11:6 - Ika

⁶ Agha k'a bịa obodo wẹ rị ichẹn-ichẹn, tikpọsọnmẹ ọnụ-mgbọn obodo ndị ahụn. Agha k'e bu wẹ ri makẹ eje-iroro wẹ rị a tụ.

Hosia 11:6 ပူးပေါင်းရင်းမြစ်များ

Ẹbụ-ọma 106:39

E mẹrụchanrịn wẹ enwẹn wẹ yeni ihiẹn ndị hụ wẹ rị e mẹ, gi ẹ họnrin ịgbaraja ẹnya Osolobuẹ.

Ẹbụ-ọma 106:43

Imẹrinmẹ ogẹn kẹ Osolobuẹ gbapụha wẹ, kanị a tọ wẹ e nupụ isi ebe wẹ rị e ro nke wẹ, d'e ru ni njọ wẹ e budan wẹ.

Azaya 18:5

Makẹni, wẹ gini d'a ghọma ihiẹn-ugbo, hụn mkpụkpụma gi danpụgụ, obobo e họnringụọ ogbe-vaịnị, chanma, o k'e gi ẹbeke obechan bepụchanrịn vaịnị ndị suekọnị, bepụchanrịn agalaba-vaịnị ile rị a kụnị, kpọnzụka.

Azaya 27:10

E mẹrigụọ wẹ obodo nwẹn wẹ te tụnhunmẹ mgbọn, mẹ ẹ gba okpokoro; o họnringụọ ebe wẹ gbatọ, ebe wẹ latọ nọkẹ atụ; mmụ-efin k'a rị ebẹhụ, a kpa nni, e dinẹsọnmẹ ebẹhụ, e ripụ ẹhụhụọ rịsọnmẹ agalaba osisi ebẹhụ.

Azaya 30:1

“Nsọngbu rị e che ụmụ rị e bu isi-ikẹn.” Ịya kẹ Osolobuẹ ku — “ụmụ rị e mẹ ihiẹn ẹka m rịlẹni; wẹ lẹ ndị ọzọ a kịgbamagụọ bụ ẹlẹ Mmọn m zi wẹ. Wẹ rị e gi ẹ e kpọn njọ a kwasị njọ.

Azaya 9:14

Ufiri ẹ, Osolobuẹ k'e gi akpọhịn ohu bepụ Izrẹlụ kẹ isi kẹ ọdụndụn, kẹ iguru kẹ ẹfịfịa:

Jerimaya 5:17

Wẹ k'e ripụ ihiẹn-ugbo lẹ ihiẹn-oriri ụnụ, gbupụ ụmụ ikẹnnyẹ lẹ ikpoho ụnụ; wẹ k'e ripụ atụnrụn lẹ ewu lẹ efin ụnụ, ripụ alị vaịnị lẹ alị figi ụnụ. Wẹ k'e gi ọpịa-agha tikpọchanrịn obodo ụnụ ile zegbu enwẹn ẹ ụnụ gi e dọn ẹnya.

Jerimaya 50:35

Ọpịa-agha ya bunụmanị Babilọnụ! Ya bunụmanị ndị bi imẹ Babilọnụ; kẹ ịhaịmẹ wẹ kẹ ndị ọzọ ile alị gi oku wẹ e dọn.

Ẹkwan 2:9

Ọnụ-mgbọn Jerusalẹm a dangụọ; ọ kpagipụgụọ ihiẹn ndị wẹ gi fidọn wẹ, wiwipụ wẹ. Eze ẹ lẹ ndị-isi ẹ rị nwan alị ndị ọzọ; Iwu Osolobuẹ arịzị, ndị-amụma rịn'a ara hụnzị ihiẹn ọwụlẹ ebe Osolobuẹ rị.

Izikẹlụ 20:47

Sị ẹgboko rị Nẹgẹvụ, ‘Gọn ntịn ihiẹn Osolobuẹ ku! Osolobuẹ Nwọn Ihiẹn Ile sị, M'e d'e bi ọkụn ye i, o k'a dụnpụchanrịn osisi ile rị imẹ i, kẹ ndị rị ndụn kẹ ndị kpọ nkụn. Okẹn ọkụn ahụn anịkọ wẹ tinyụn. O k'a mara ihun ndị ile rị gha ẹbamịn ndịdan ebẹhụ d'e rukwọrị ẹbamịn-ugu.

Hosia 10:14

Agha jẹnkọ nwan d'a kpọ imẹ ndị rị alịnị, e tikpọsọnmẹ wẹ ebe ile ụnụ gi dọn ẹnya, ẹrịra Shamanị lụ alị Bẹt-Arụbẹlụ agha tikpọ a gidẹ ikpoho lẹ ụmụ wẹ fịan alị, fịangbu wẹ.

Hosia 10:6

Wẹ k'e bujẹn mmọn ahụn Asiria d'e gi kele eze-uku Asiria ifẹnrẹn e mẹgbu ndị Ifrem, wẹ ile rị Izrẹlụ Ẹbamịn-ugu e gi mmọn hụ fa.

Hosia 13:16

Ndị Sameria k'a tarịrị afụnfụn njọ a hụn wẹ gi nupụ isi okpuru Chuku wẹ; wẹ k'e gi ọpịa-agha gbu wẹ; wẹ k'e gi ụmụẹka wẹ fịan alị, bụọ ikpoho wẹ rị imẹ ẹfọ.”

Hosia 4:16

“Ndị Izrẹlụ ẹbamịn-ugu wụ isi-akwanran rịkẹ onyẹnnyẹ-efin ghalẹni a nụ ihiẹn! Nanị Osolobuẹ e dọn nwan du wẹ kẹ atụnrụn d'e ri ẹfịfịa-oyiyi rijun ẹfọ?

Hosia 4:17

Ifrem wụ Izrẹlụ Ẹbamịn-ugu, e wegụọ enwẹn wẹ kwanị mmọn-lẹ-iyi, lakwọ nị wẹ tọ.

Lẹvitikọsụ 26:25

M k'e wẹhẹni ụnụ agha, gi ẹ mẹgwarị ụnụ omẹgwarị ndị tikpọ nkwerigbama. Ụnụ gbaban imẹ obodo ụnụ, e zi m eje-emu e feni ye imẹ igunrun ụnụ, mẹ ụnụ danban ẹka ndị iṅẹnrẹn ụnụ.

Lẹvitikọsụ 26:31

M k'e tikpọchanrịn obodo ndị rị alị ụnụ ru alị, tikpọchanrịn ebe ụnụ nọ e fe m ofufe; ishin ọma ẹjan ndị hụ ụnụ a chụnyeni m asụọkọ m.

Lẹvitikọsụ 26:33

M k'e feyịya ụnụ ye alị rị ichẹn-ichẹn, a mịrịn m ọpịa-agha, chụ ụnụ. Alị ụnụ k'a la iwi, obodo rịsọnmẹ alị ụnụ k'a nọ mkpọkọ-mkpọkọ:

Emọsụ 6:8

Osolobuẹ, Onyẹ ahụn nwọn ihiẹn ile e kungụọ enwẹn ẹ, sị, “Mmẹ wụ Osolobuẹ, Chuku ihiẹn ile rị okpuru ẹ, sị, ‘Mpache ụmụ Jekọpụ e ze m ize! Ebe mgbaban ile wẹ tụn wẹ gi e dọn ẹnya e zezi m ize! M k'e we obodoni wụ Sameria lẹ ihiẹn ile rị n'a ye ndị k'e tikpọn'a.’ ”

Maịka 5:11

m k'e tikpọchanrịn obodo ile ụnụ tụnhunmẹ mgbọn lẹ ebe ile ụnụ a gbaban.

Malakaị 4:1

“Lee ẹ, nị ụhụọhịn hụ lala! O k'a nọ kẹ ọkụn rị ẹnya-mgba, ndị ile rị e mẹkarị enwẹn wẹ lẹ ndị e mẹ eje-ihiẹn a wụrụ ẹfịfịa ọkpọ-nkụn o gi dụn. Ya kẹ Osolobuẹ ihiẹn ile rị okpuru ẹ ku. Ọ latọkọnị wẹ mkpọgụn ụhụọhịn hụ, ọ latọkọnị wẹ agalaba.

Ditrọnọmi 28:52

Wẹ k'a maye obodo ụnụ ile d'e runi e tikpọchanrịn wẹ mgbọn ile zegbu enwẹn wẹ rịsọnmẹ imẹ alị ụnụ, mgbọn ndị ahụn ụnụ gi dọn ẹnya. Wẹ k'a maye obodo ile rị alị ahụn Osolobuẹ wụ Chuku ụnụ ye ụnụ.

Ditrọnọmi 32:25

Ọpịa-agha k'a nọ ogbe a napụ wẹ ụmụ wẹ, egun e kwọn wẹ imẹ ụlọ a tụgbu wẹ. Ikorọbịa lẹ ịgbagba k'a nwụnla iwi — kẹ ụmụ-mkpodu kẹ ndị ẹgẹdi isi-ẹwọ.