Hosia 10:8 - Ika

⁸ Wẹ k'e tikpọ ụlọ mmọn ile rị Avẹni — njọ ndị Izrẹlụ. Ogun-lẹ-ọkịnkan k'e rukpumẹ ukpo ile wẹ nọ a kwa ese! A hịma wẹ ugu, “Dodo, zuemẹ ẹnyi!” A rịọma wẹ elu-òke, “Dodo, dankwasị ẹnyi!”

Hosia 10:8 ပူးပေါင်းရင်းမြစ်များ

Jẹnẹsisi 3:8

Ogẹn wẹ gi nụ ukwere Osolobuẹ wụ Chuku k'ọ ghakọ imẹ ugbo ogẹn ufere gi rị e fe ụhụọhịn hụ, Adam lẹ nwunyẹ ẹ nọ warị ebe osisi rị imẹ ugbo ebẹhụ, makẹ Osolobuẹ wụ Chuku gha a hụn wẹ.

Ndị-nze Nke Ibuzọ 13:2

Okẹnnyẹ hụ nọ gi oku Osolobuẹ yi oro kpu ukpo nchụn-ẹjan hụ, sị, “Ukpo nchụn-ẹjan! Ukpo nchụn-ẹjan!! Lee ihiẹn Osolobuẹ ku: ‘Wẹ k'a mụ okẹnnyẹ wẹ k'a kpọ Josaya ye ikpụlọ Defidi. Josaya hụ k'e gi ihẹnrẹn mmọn ndị a nọ elu i a chụn ẹjan chụn ẹjan elu i; Josaya sikọ d'a kpọ ọkpụkpụ ịhịan ọkụn elu i, gi mẹrụ ị.’ ”

Ndị-nze Nke Ibuzọ 13:34

Ọhụn wụ njọ ikpụlọ Jerobụam mẹ, hụn buhẹn'ẹ ọdịdan lẹ ntikpọ elu ụwa.

Ndị-nze Nke Ibuzọ 14:16

O k'e we Izrẹlụ ye ndị iṅẹnrẹn makẹ njọ Jerobụam mẹ, hụn ọ dọzị Izrẹlụ ye.”

Ndị-nze Nke Ẹbụọ 23:15

O tikpọzịghọkwọ ukpo nchụn-ẹjan hụ rị Bẹtẹlụ, ebẹhụ jẹn elu Jerobụam nwa Nebatị mẹmẹ — Jerobụam hụn dọ ndị Izrẹlụ Ẹbamịn ugu ye imẹ njọ. Ọ dụn ụlọ-mmọn ahụn rị ebe jẹn elu ọkụn, gweriẹn ẹ, dụnzị osisi rịn'a w'a nọ e fe mmọn Ashẹra ọkụn.

Ihiẹn Mẹni Nke Ẹbụọ 31:1

Ogẹn Mmẹmmẹ-nghafe hụ gi gụ, ndị Izrẹlụ ile zu ebẹhụ nọ wịrị shi imẹ obodo ndị rị Juda, tikpọma ọmụma ndị wẹ kọmasọnmẹ w'e fe, gbutu osisi ndị wẹ zumẹni onyẹnnyẹ mmọn Ashẹra, tikpọsọnmẹ ebe ile jẹn elu wẹ nọ e fe ofufe lẹ ukpo ndị wẹ nọ a chụnyeni mmọn ẹjan imẹ Juda, Bẹnjamini, Ifrem lẹ Manasẹ — d'e ru ni e tikpọgụ wẹ wẹ ile. Ya kẹ onyẹ-onyẹ imẹ ndị Izrẹlụ Ẹbamịn ugu nọ lakin iwe wẹ, imẹ obodo wẹ rị ichẹn-ichẹn.

Azaya 2:19

Ịhịan k'a gbaban okporo rịsọnmẹ ọmụma lẹ ọnụ ndị rị alị, makẹ egun Osolobuẹ lẹ ọghọ o gi wụ eze, ụhụọhịn o k'e lihi d'e zinzin ụwa.

Azaya 2:21

Wẹ k'a gbashi imẹ oghe rịsọnmẹ ọmụma lẹ ebe ọmụma nọ sụnpụhasọnmẹ elu-ugu, makẹ egun Osolobuẹ lẹ ọghọ o gi wụ eze, ogẹn hụ o k'e gi lihi d'e zinzin ụwa.

Azaya 32:13

kwannị nị alị ile ndị nke m a rụn ugbo, makẹni o jẹnkọ d'e họnrin alị ọfịa buru, alị ogun-lẹ-ọkịnkan weri; kwannị nị ụlọ ile wẹ nọ e ri a ra lẹ obodoni wụ oriri lẹ ẹhụ-ọtụtụ.

Azaya 34:13

Ogun k'e suekin ụlọ-uku ile wẹ te gi dọn ẹnya, abịogun lẹ mkpalị e suekin ebe ile wẹ te a gbaban. O k'e họnrin ebe nkitẹ-ọfịa wụ jakalụ nọ a kpa lẹ ebe ozuzu-ọfịa e bi.

Hosia 10:2

Obi wẹ arị mma; wẹ jẹnkọ nwan d'a ta afụnfụn njọ wẹ! Osolobuẹ k'e tikpọchanrịn ukpo-mmọn wẹ, tikpọchanrịn ihiẹn wẹ zumẹni mmọn!

Hosia 10:5

Egun k'a tụgbu ndị bi Sameria, yeni ihiẹn mẹ nwa-efin goru “Bẹt-Avẹni.” Ndị e fen'ẹ lẹ ihẹnrẹn-mmọn a hụ a kwann'a ẹkwan; ndị te gi ẹ a ghọghọ, a nyan isi; wẹ rị a kwan nị ọghọ wẹ a la.

Hosia 10:9

Osolobuẹ sị, “Imẹ Gibia kẹ ụnụ mẹmẹ njọnị, ụnụ eke mẹbehikwọ a; Agha o buhẹni ndị mẹ eje-ihiẹn imẹ Gibia o buhẹkọnị ụnụ ya?

Hosia 2:6

M k'e gi ogun kehunmẹ ẹ; m k'a gbahunmẹ ẹ ụgba ọ hụnkọzị ụzọ gha.’

Hosia 4:13

Wẹ hụ a kwa ese elu ugu, a chụnyeni mmọn ẹjan wẹ kpọ ọkụn elu òke, ukun osisi okuu lẹ pọpla lẹ terẹbinti makẹni igungun wẹ a rịka mma! Ufiri ẹ kẹ ụmụ ụnụ ikpoho gi rị a gba ịgbaraja; inyẹnmẹ ụmụ ụnụ hụ a zọ ụkụ e ye ọfịa.

Hosia 4:15

“Ọsụọn'a ndị Izrẹlụ Ẹbamịn-ugu rị a gbasọn mmọn, Juda emẹkwọlẹ ni njọ hụ! Esọnjẹnkwọlẹ ni wẹ Gil'galụ; esọnjẹnkwọlẹ ni wẹ eje-ofufe imẹ ‘Bẹt-Avẹni’. Esọnkwọlẹ ni wẹ kun ẹfan m hụn wẹ rị e kun okunkun nwọnlẹni isi.

Hosia 5:8

“Gbu opi-agha imẹ obodo Gibia! Gbu opi-agha imẹ Rama! weshi olu elu hị imẹ obodo Bẹt-Avẹni! Buru ni ụzọ, ndị Bẹnjamini!

Hosia 8:5

Ẹka m arị nwa-efin goru ndị hụ ụnụ kpụ, ụnụ ndị obodo Sameria! Olulu ndị Sameria rị e bu m! Nanị wẹ k'e biehan d'e dọnmẹmẹ ẹka wẹ ọchan?

Hosia 9:6

Ọnwụn kẹ wẹ gbakọnị kanị ndị Ijiptu k'e kpọnrin wẹ gbu; ndị Mẹmfisi alị Ijiptu k'e li wẹ! Ogun k'e rukpumẹ siliva ile wẹ kpọntọ, ọkịnkan e rukpumẹ ụlọ ndị wẹ k'a latọ.

Emọsụ 1:5

M k'e tikpọ ọnụ-mgbọn Damaskọsụ, gbu ndị bi alị wẹ wụ Aram: kẹ ndị bi Ọdanmgbugbu Avẹni kẹ onyẹ rị a kị obodo Bẹt-Idẹni. Wẹ k'a kpụn ndị Aram shi alị Kiri.” Osolobuẹ e kugụọ a!

Emọsụ 3:14

Nị ụhụọhịn ahụn m k'e ye Izrẹlụ Ẹbamịn-ugu afụnfụn njọ ndị wẹ rị e mẹ, m jẹnkọ d'e mẹ ẹ ru ukpo mmọn rịsọnmẹ Bẹtẹlụ: wẹ k'e bepụsọnmẹ mpịn ukpo mmọn, a dantọ wẹ alị.

Emọsụ 7:9

Wẹ k'e tikpọchanrịn ụlọ-mmọn ụmụ Aziki, wiwi ebe ile wẹ nọ e fe ofufe imẹ Izrẹlụ Ẹbamịn-ugu; m k'e gi ọpịa-agha nụmanị ikpụlọ eze wẹ wụ Jerobụam.”

Emọsụ 8:14

uwẹ ile hụn a rụa mmọn, mmọn ndị ahụn ikpe gi ma obodo Sameria: a sị ‘Ma mmọn rị Danị’, a sị ‘Ma mmọn rị Biẹshẹba’. Wẹ k'a dan, danchanrịn.”

Maịka 1:13

Ndị bi Lakishi, kwademẹ nị nwan ụgbọ-ẹshin agha ụnụ. Makẹni, Lakishi kẹ Zayọnụ mụnarịn eje-ihiẹn, imẹ ẹ kẹ njọ ndị hụ gha Izrẹlụ bịa bu ụzọ rị.

Maịka 1:5

Wẹ ile lala makẹni ụmụ Jekọpụ mẹfie emẹfie, wẹ lala makẹ njọ ikpụlọ Izrẹlụ mẹsọnmẹ. Kị wụ njọ ụmụ Jekọpụ? Ẹlẹ obodo Sameria k'ọ rị? Elebe kẹ ukpo-mmọn jun imẹ Juda? Ẹlẹ Jerusalẹm?

Nahum 3:11

Yụ nwẹn wụ Ninivẹ k'a razịkwọ manya m wụ afụnfụn, tụ; i k'e jẹn d'a warị, a chọ ebe y'a gbabannị ndị iṅẹnrẹn i!

Luku 23:30

Ogẹn hụ, ịhịan k'a gha a sị ugu, ‘Dodo, dankwasị ẹnyi’, a sị òke, ‘Dodo, kpumẹ ẹnyi!’

Ditrọnọmi 9:21

M nọzị weri eje-ihiẹn ụnụ ahụn, nwa-efin hụ ụnụ kpụ, dụn a ọkụn. M nọ kụkpọ a, gweriẹn ẹ, o riẹn kẹ ntụn, m nọ bụọ a ye imẹ mirin ohu gha elu ugu ahụn e hutu.

Rẹvẹleshọnụ 6:16

a sị ugu lẹ ọmụma ndị hụ, “Dankwasị nị ẹnyi, zuemẹ ẹnyi makẹ Onyẹ rị ukpo-eze gha e legha ẹnyi, makẹ iwe-lẹ-ọnụma Nwa-ebulu hụ gha e kunrun ẹnyi —

Rẹvẹleshọnụ 9:6

Ogẹn ahụn, ịhịan k'a chọ ọnwụn, ahụnkọ wẹ ọnwụn; ọnwụn k'a rị a gụn wẹ, kanị ọnwụn k'a gbanị wẹ ọsọ.