Hosia 10:14 - Ika

¹⁴ Agha jẹnkọ nwan d'a kpọ imẹ ndị rị alịnị, e tikpọsọnmẹ wẹ ebe ile ụnụ gi dọn ẹnya, ẹrịra Shamanị lụ alị Bẹt-Arụbẹlụ agha tikpọ a gidẹ ikpoho lẹ ụmụ wẹ fịan alị, fịangbu wẹ.

Hosia 10:14 ပူးပေါင်းရင်းမြစ်များ

Jẹnẹsisi 32:11

Dodo, gbapụha m ẹka Isọ nwẹnẹ m, makẹni egun rị a tụ m, n'ọ k'a bịa d'a maye m, maye nnẹ lẹ ụmụ ndịnị.

Ndị-nze Nke Ẹbụọ 17:16

A latọ wẹ ihiẹn ile Osolobuẹ wụ Chuku wẹ sị wẹ e mẹ, gi igwe kpụrụ ụmụ-efin ẹbụọ femẹ, zumẹ osisi wẹ gi a rụa Ashẹra. A kpọnị wẹ ihiẹn ile rị igwere isi alị, e fe wẹ mmọn Baalụ.

Ndị-nze Nke Ẹbụọ 17:3

Shal'manẹsẹ hụn wụ eze Asiria ogẹnni nọ bunụmanị Hoshia, Hoshia lẹ Izrẹlụ nọ họnrin ihu ẹ, a tụhan'a ụtụ.

Ndị-nze Nke Ẹbụọ 18:33

O nwọntughọ mmọn ọwụlẹ gbapụha ndị alị a ẹka eze Asiria?

Azaya 17:3

Obodo uku wẹ tụnhunmẹ mgbọn arịkọzị Ifrem wụ Izrẹlụ Ẹbamịn-ugu; Damaskọsụ alị Aram enwọnkọzị eze. Ndị Aram k'a họdụnị k'a nọhụ kẹ ndị Izrẹlụ Ẹbamịn-ugu họdụnị ọghọ wẹ lagụ.” Ịya kẹ Osolobuẹ ihiẹn ile rị okpuru ẹ ku.

Azaya 33:14

Egun hụ a tụgbu ndị-njọ rị Zayọnụ, ẹhụ hụ a ma ndị ghalẹni e sọn Osolobuẹ nni: wẹ hụ a sị, “Onyẹ lẹ ọkụn rị a dụnnị k'a s'ẹka nọdị?! Onyẹ k'a sa ẹka sọn ọkụn rị a dụnnị nọdị?!”

Jerimaya 13:14

M k'e se isi lẹ isi gbetarị, isi ndị nẹdi lẹ ụmụ wẹ, anịkọ m omikẹn mọbụ ebere wẹ mẹ m etikpọlẹ wẹ.’ ” Ya kẹ Osolobuẹ ku. Jerimaya sị,

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Hosia 10:15

Ẹrịra kẹ wẹ k'e mẹ i, alị Bẹtẹlụ, yeni okẹn njọ ị. O ruhụ ogẹn ahụn, e gbupụ wẹ eze Izrẹlụ Ẹbamịn-ugu.

Hosia 13:16

Ndị Sameria k'a tarịrị afụnfụn njọ a hụn wẹ gi nupụ isi okpuru Chuku wẹ; wẹ k'e gi ọpịa-agha gbu wẹ; wẹ k'e gi ụmụẹka wẹ fịan alị, bụọ ikpoho wẹ rị imẹ ẹfọ.”

Emọsụ 3:14

Nị ụhụọhịn ahụn m k'e ye Izrẹlụ Ẹbamịn-ugu afụnfụn njọ ndị wẹ rị e mẹ, m jẹnkọ d'e mẹ ẹ ru ukpo mmọn rịsọnmẹ Bẹtẹlụ: wẹ k'e bepụsọnmẹ mpịn ukpo mmọn, a dantọ wẹ alị.

Emọsụ 3:8

Ẹwọrọ e dẹngụọ; onyẹ kẹ egun jẹnkọlẹni d'a tụ?! Di-nwọnni-ẹnyi wụ Osolobuẹ e kuọlẹ oku; onyẹ jẹnkọlẹni d'e bu amụma gwa wẹ ihiẹn o ku?!

Emọsụ 9:5

Di-nwọnni-ẹnyi Osolobuẹ ihiẹn ile rị okpuru ẹ, onyẹ hụn e mẹtụ ụwa ẹka, ọ rịnranpụ, ndị ile rị imẹ ẹ a kwanma, alị lẹ enwẹn ẹ e buli kẹ Iyi Naịlị, buli, ziẹnban, nọkẹ Iyi Naịlị Ijiptu;

Maịka 5:11

m k'e tikpọchanrịn obodo ile ụnụ tụnhunmẹ mgbọn lẹ ebe ile ụnụ a gbaban.

Nahum 3:10

Kanị, emẹrikwọ wẹ ndị Tẹbẹsi kpụnrụn; e gizidẹ wẹ ụmụẹka wẹ a fịan ọmụma ndị rị ọkpụzọ wẹ ile, a fịangbu wẹ. A tụzịghọ wẹ mkpọ keri ndị w'a gbaye imẹ wẹ, kẹn okẹn-ịhịan ndị rịn'a ẹgbụn.

Nahum 3:12

Okẹn mgbọn ile ụnụ tụn wụhụ osisi-figi; ụnụ wụhụ mkpụrụ figi-ibuzọ rịn'a, onyẹ zinzin osisi ẹkẹrẹ a danyesọnmẹ w'ẹ ọnụ!

Habakọkụ 1:10

Onwọnni ihiẹn w'a kpọ ndị-nze alị ọwụlẹ, w'a mụdẹ ndị-ọkịkị lẹ okẹn mgbọn wẹ ile ẹmụ, wẹ dụọlẹ ẹjan ye mgbọn hụ, ọ ban wẹ ẹka;