Hosia 10:12 - Ika

¹² “Kụnnị nị enwẹn ụnụ ezi-omumẹ, nị ụnụ ghọrị ihiẹn-ọsụsụọ m; rụn nị nwan alị ụnụ kelẹni rụn; ogẹn w'e gi rogharị d'e kunrun Osolobuẹ e rugụọ, kẹni o mẹni ụnụ ihiẹn furuni, mẹ ẹ zue kẹ mirin.

Hosia 10:12 ပူးပေါင်းရင်းမြစ်များ

Ẹbụ-ọma 105:4

A chọ nị Osolobuẹ lẹ ikẹn ẹ; a rịọn'a ogẹn ile.

Ẹbụ-ọma 72:6

Ya rị kẹ mirin rị e zueye ihiẹn-ugbo; ya rị kẹ mbụmbụ mirin rị a bụye alị.

Itẹn 11:18

Ụgwọ-ọrụn a la iwi kẹ eje-ịhịan e nwọnhẹn, kanị ezigbo ụgwọ-ọrụn kẹ onyẹ a kụnye ezi-omumẹ a ghọrị.

Itẹn 18:21

Ọnwụn lẹ ndụn rị ire, ndị gi ire e bi k'e ri ihiẹn o wẹhẹ.

Ẹkịliziastisi 11:6

Kụn mkpụrụ ị ụtụntụn, y'a rụnsọnmẹ ọrụn ị d'e ru ẹnyasị, makẹni y'a marịn hụn k'a ghanị — kẹ hụnnị rọ kẹ hụn ahụn, ra wẹ ẹbụbụọ k'e mẹ ọhụnma — y'a marịn.

Azaya 30:23

Osolobuẹ jẹnkọ d'e mẹzi mirin zueni ụnụ makẹ nkpụrụ ụnụ kụnye alị; ihiẹn-oriri alị k'e ye ụnụ k'a rịchanrịn mma, jun. Ogẹn ahụn, efin ụnụ k'a nọ ọfịa shịanị ẹfịfịa jun a kpa nni.

Azaya 31:1

Nsọngbu rị e che ndị rị e jẹn Ijiptu d'a chọ eyemẹka, e gi ẹshin-agha wẹ e dọn ẹnya; wẹ rị e gi ụgbọ-ẹshin Ijiptu bugbu enwẹn ẹ ọda e dọn ẹnya, e gi ndị-agha wẹ e nyin ẹshin e dọn ẹnya makẹni wẹ bu ọda, hụn nkẹ wẹ e gi tụkwasị Onyẹ-nsọ Izrẹlụ obi, hụn nkẹ w'e gi jụ Osolobuẹ ihiẹn wẹ k'e mẹ.

Azaya 32:20

ihiẹn k'a rịnị ụnụ mma — ụnụ k'a rị a rụn ugbo mkpẹnrẹn iyi rịsọnmẹ alị ụnụ, a hapụ anụmanụ ụnụ nị w'a kpa k'ọ sụọ wẹ!

Azaya 44:3

M jẹnkọ d'e hu mirin ye akpakalị ẹgụn mirin rị a gụn, mẹ iyi rịsọnmẹ alị mirin te rịlẹni; m k'e hu mmọn m kpu ụmụ ị, hu ngọzi m kpu ẹbozo i.

Azaya 45:8

“Elu-igwere, ihiẹn furuni ya gha imẹ i zuetu! Ya gha orukpu-igwere zue kẹ mirin! Alị ya shịapụzịkwọ ọnụ ra a — nzụọpụha ya gi ẹ pupụha, ezi-omumẹ ya gizikwọ a suepụha. Mmẹ wụ Osolobuẹ e mẹgụ a rị ẹrịra.

Azaya 48:18

Omẹni ụnụ te gi oku m dọn, nkẹ udọn hụ e huni ụnụ kẹ mirin iyi, nkẹ ezi-omumẹ ụnụ hụ a kpọshi elu kẹ mirin ohimin.

Azaya 5:6

M k'e mẹ ẹ họnrin alị la iwi, alị wẹ ghalẹni e befọn ihiẹn rịn'a mọbụ a rụn ugbo, ogun lẹ ọkịnkan e pu ẹ. M k'a sị igwere e zueyelẹ ẹ mirin.

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Jerimaya 50:4

“Osolobuẹ sị, ‘O ru ogẹn ahụn, ndị Izrẹlụ Ẹbamịn-ugu lẹ ndị Juda k'e gi ẹnya-mirin chọma Osolobuẹ wụ Chuku wẹ.

Izikẹlụ 34:26

M k'e mẹ uwẹ lẹ ebe ile fihunmẹ ugu m wụrụ ngọzi. M k'e zihẹ mirin udu ẹ, mirin hụn k'e wẹhẹ ngọzi.

Hosia 12:6

Rogharị nị ni nwan d'e kunrun Chuku ụnụ! e kwọnkẹnmẹ ni ihiẹn-ọsụsụọ e mẹ ni ịhịan k'o furu, e che eyemẹka Chuku ụnụ ogẹn ile.

Hosia 14:1

Rogharị nị nwan, ndị Izrẹlụ, kweyeni Osolobuẹ wụ Chuku ụnụ makẹni ụnụ a kpọgburugụọ njọ dan.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Hosia 8:7

“A kụngụọ wẹ ufere, ẹbi kẹ w'a ghọrị! Ọka wẹ kụn ebuni mban, o wepụhakọnị wẹ ihiẹn-oriri; o wepụhadẹ, itunmuye k'e ripụ a.

Emọsụ 5:15

Eje-ihiẹn ya zemẹ ụnụ ize; ihiẹn rị mma ya sụọma ụnụ; hụn n'a nị w'a han ezigbo eṅẹn ọgwa. Ikẹnkwọ Osolobuẹ, Chuku ihiẹn ile rị okpuru ẹ e gi ufiri ẹ mẹ omikẹn ụnụ, ụmụ Josẹfụ họdụnị.

Emọsụ 5:4

Kanị Osolobuẹ sịzị ndị Izrẹlụ, “Chọburuhẹkwọ nị m kẹni ụnụ rị ndụn.

Emọsụ 5:6

Chọburukwọ nị Osolobuẹ kẹni ụnụ rị ndụn, amamgbe o nwunrun kẹ ọkụn imẹ ikpụlọ Josẹfụ — ọkụn hụn k'e bu obodo Bẹtẹlụ ri, onwọnni onyẹ sikọ d'a sa ẹka tinyụnn'a!

Emọsụ 5:8

Onyẹ hụn ke kokisẹ rị igwere, hụn wụ Pleyadẹsi lẹ Oriọnụ; ịya e gi mkpọkịkị e họnrin ụtụntụn, e gi efinnaị e họnrin abalị. Ịya a hị mirin rị ohimin oku, we ẹ hukpu akpak'alị!! Osolobuẹ wụ ẹfan a!!

Luku 13:24

“Shikwọ nị ọnwụn nị ụnụ banye ọnụmụzọ hụ mẹ warara! Makẹni ndị bu ọda jẹnkọ d'a lịlịma nị wẹ banye, kanị asakọ wẹ ẹka.

Ọrụn Ndị-ozi 2:18

Ẹghẹẹ, ogẹn hụ, m k'e hu Mmọn-nsọ m kpu idibo m — kẹ ikẹnnyẹ kẹ ikpoho, e bu wẹ amụma.

Ndị Kọrẹntị Nke Ẹbụọ 9:10

Osolobuẹ hụn e ye ịhịan ihiẹn o k'a kụnye lẹ ihiẹn o k'e ri k'e ye ụnụ ihiẹn ụnụ jẹnkọ d'a kụn, o mẹ ẹ sue, mẹ ẹ mị ọda-ọda; o k'e mẹ ụnụ ghọrị ezi-omumẹ nọkẹ ihiẹn-ugbo, ghọrị a ọda-ọda.

Jemisi 3:18

Ndị-udọn ma gi udọn kụn mkpụrụ, ọ mịpụha ezi-omumẹ.