Hosia 1:7 - Ika

⁷ Kanị, m k'e mẹni ndị hụn rị Juda omikẹn; m k'e gi ikẹn ahụn m gi wụ Osolobuẹ, Chuku wẹ, zụọpụha wẹ. Egikọ m ụta mọbụ ọpịa-agha mẹ ẹ, egikọ m agha mọbụ ẹshin mọbụ ndị gi ẹshin-agha a lụ mẹ ẹ.”

Hosia 1:7 ပူးပေါင်းရင်းမြစ်များ

Ndị-nze Nke Ẹbụọ 19:29

“Hezikaya, lee ihiẹn i jẹnkọ d'e gi marịn n'o jẹnkọ d'e mẹ: Ihiẹn dan ndịdan kẹ ụnụ k'e ri ahụanị, ahụa bọ ụnụ e ri ihiẹn hụn dan ẹdịdan k'e wepụha. Kanị ahụa ẹtọ ihun, kụn nị, ghọrị; gbọ nị alị vaịnị, ri mkpụrụ wẹ.

Ndị-nze Nke Ẹbụọ 19:34

M k'e gi ufiri ẹfan m lẹ ufiri odibo m wụ Defidi nọ obodoni ye azụụn, zụọpụha a.”

Ndị-nze Nke Ẹbụọ 19:35

Imẹ uhinhin ahụn, mmọn-ozi Osolobuẹ nọ ban ebe ndị-agha Asiria ziẹntọ, gbu ndị-agha nnụ-uku isẹn-kwasị-nnụ-itenẹi (185,000). E tẹnhin wẹ ụran ụz'ụtụntụn, e lee ozun wẹ ile!

Ndị-nze Nke Ẹbụọ 6:18

Ogẹn ndị Aram gi rumẹ ebe Ẹlaịsha rị, Ẹlaịsha nọ mẹ ekpere rịọ Osolobuẹ, sị, “Mẹ ẹnya kpu ndịnị ishi.” Ya Osolobuẹ nọ mẹ ẹnya kpu wẹ ishi kẹ Ẹlaịsha dọn rịọ.

Ẹbụ-ọma 33:16

Ẹlẹni eze e nwọnkẹ ndị-agha k'o gi e mẹri; ẹlẹni odogun-agha e nwọnkẹ akwanran k'o gi e mẹri;

Ẹbụ-ọma 44:7

Ịyụ a zụọpụha ẹnyi ẹka ndị-iṅẹnrẹn ẹnyi, e gbe ifẹnrẹn e ye ndị iwe ẹnyi rị e we ihun.

Ọpụpụ 14:13

Mozizi nọ za wẹ, sị, “Atụlẹ ni egun! Turu ni; ụnụ jẹnkọ d'a hụn nzụọpụha Osolobuẹ jẹnkọ d'a zụọpụha ụnụ tannị. Nke ndị Ijiptuni ụnụ rị a hụn tannị, ụnụ ahụnkọzị wẹ.

Ọpụpụ 14:30

Osolobuẹ zụọpụha ndị Izrẹlụ ẹka ndị Ijiptu ụhụọhịn hụ, ndị Izrẹlụ a hụn ozun wẹ k'o fiẹnrinsọnmẹ mkpẹnrẹn mirin.

Azaya 12:2

Eziẹ, Chuku wụ onyẹ a zụọpụhanị m. M k'e gi i dọn ẹnya, egun atụkọ m. Osolobuẹ — Osolobuẹ, wụ ikẹn m lẹ ẹbụ m, ọ zụọpụhagụọ m.”

Azaya 30:18

Ya haịn Osolobuẹ gi rị e che n'o mẹni ụnụ ọhụnma; o lihigụọ n'o mẹni ụnụ omikẹn. Osolobuẹ wụ Chuku e mẹ ihiẹn furuni. O k'a rịnị ndị ile e gi ẹ e dọn ẹnya mma.

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Jerimaya 25:5

Wẹ hụ a sị ụnụ: Bihutọ nị nwan ẹka; onyẹ ọwụlẹ imẹ ụnụ ya latọ eje-ihiẹn ile ọ rị e mẹ lẹ eje-obibi ẹ, kẹni m nị ụnụ bisọnmẹ alị mmẹ wụ Osolobuẹ ye ụnụ lẹ ndị nẹdi ụnụ.

Jerimaya 25:6

Esọnlẹ ni mmọn; arụalẹ ni wẹ; efelẹ ni wẹ; egilẹ ni ihiẹn ẹka ụnụ mẹmẹ a kpasu m iwe, makẹ m gha e mẹ ụnụ ihiẹn.”

Jerimaya 33:26

ya wụ a jụ m ụmụ Jekọpụ lẹ odibo m wụ Defidi, ya wụ e mẹ m ụmụ Defidi kịbehi ebọn Jekọpụ wụ Izrẹlụ — ụmụ Ebraham, Aziki lẹ Jekọpụ. Ezioku, m jẹnkọ d'e wepụha wẹ ẹka ndị gini wẹ, e mẹni m wẹ omikẹn.’ ”

Hosia 1:8

Mgbe Goma gi hagụ hụn okpoho wụ Lo-Ruhama ẹran, o nọ tụrụzị imẹ, mụzị okẹnnyẹ.

Hosia 11:12

Osolobuẹ sị, “Ndị Ifrem e gigụọ ntụ wẹ gbọndọn ijẹn mmẹ lẹ wẹ, ikpụlọ Izrẹlụ e gigụọ ndufie wẹ gbọndọnsọnmẹ ẹ; kanị ndị Juda hụkwọ e sọn Chuku e jẹnhunmẹ — wẹ hụkwọ e gi obi wẹ ile e sọn Onyẹ Ahụn Rị Nsọ.

Zẹkaraya 4:6

Ọ nọ sị m, “Lee ozi Osolobuẹ sị wẹ zi Zerubabẹlụ: Ẹlẹ akwanran mọbụ ikẹn kẹ w'e gi mẹ ẹ, kanị Mmọn m. Ya kẹ Osolobuẹ ihiẹn ile rị okpuru ẹ ku.

Samuẹlụ Nke Ibuzọ 17:47

Ndị ile rị ebeni jẹnkọ d'a marịn nị ẹlẹ ọpịa-agha lẹ obo kẹ Osolobuẹ gi a zụọpụha. Ọgụn Osolobuẹ rọ; o k'e bu ụnụ ile che ẹnyi ẹka!”