Hibru 9:7 - Ika

⁷ kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Hibru 9:7 ပူးပေါင်းရင်းမြစ်များ

Samuẹlụ Nke Ẹbụọ 6:7

Osolobuẹ wụ Chuku nọ gi ọnụma sọn Uza makẹni o yen'ẹ mgbaye — Chuku a kụtu ẹ, ọ nọ nwụntọ ụsụọ Ẹkpẹti-nsọ Chuku ebẹhụ.

Ihiẹn Mẹni Nke Ẹbụọ 33:9

Kanị Manasẹ e duhuhu nwan Juda lẹ ndị Jerusalẹm, nke wụnị e mẹ wẹ eje-ihiẹn karịdẹ ndị alị ndị hụ Osolobuẹ tikpọ buche ndị Izrẹlụ.

Ẹbụ-ọma 19:12

Onyẹ a marịnchanrịn mmẹfie ẹ? Gbagharị m mmẹfie m ndị m marịnlẹni!

Ẹbụ-ọma 95:10

Ize agbọ ahụn nọ ze m ọrọgbọ ahụa ọgụnnaị, m nọ sị, “Ndịnị e nwọnkẹ obi-ẹbụọ; w'e ke marịnkwọ kẹ m'e mẹ.”

Ọpụpụ 30:10

Mgbe ohu ahụa, Ẹrọnụ sikọ d'a nọ mpịn a ẹnọ hụ mẹ ihiẹn w'e gi wepụ njọ. O sikọ d'e gi ẹdeke ẹjan hụ wẹ gi e wepụ njọ mẹ ẹ ahụa-ahụa agbọ ụnụ ile lalanị. Ukpo-nsẹnsinị rịchanrịn Osolobuẹ nsọ ẹnya.”

Azaya 28:7

Ndịnị hụzị a hanfie ụkụ yeni manya, wẹ hụzị a kpọgburusọnmẹ yeni manya: kẹ ndị nchụn-ẹjan kẹ ndị-amụma hụzị a hanfie ụkụ yeni manya; manya ara nịzị wẹ marịn ihiẹn wẹ rị e mẹ; wẹ hụ e ruehunmẹ — a hụnfie ọhụn, a hanfie eṅẹn.

Azaya 29:14

M jẹnkọ d'e mẹzi ndịnị ihiẹn k'a tụ wẹ ẹnya, mẹsọnmẹ wẹ ihiẹn a tụ ẹnya — amamihiẹn ndị marịn ihiẹn a la iwi, nghọta ndị a ghọtanị a la.

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Azaya 9:16

Ndị-ndu wẹ rị e dufie wẹ, e dula wẹ iwi.

Hosia 4:12

Wẹ rị a jụ ibe-osisi uche ẹ! Mkp'osisi rị nwan a ghọsị wẹ ụzọ! Makẹni mmọn hụn e nu ịgbaraja e dufiegụọ wẹ, a latọgụọ wẹ Chuku wẹ.

Lẹvitikọsụ 16:34

Mẹsọnmẹ ni ihiẹnni jẹnrin ejẹn: mgbe ohu ahụa e gi w'ẹ gbarị isi ndị Izrẹlụ yeni njọ ile wẹ mẹ.” Mozizi nọ mẹ kẹ Osolobuẹ dọn gwa Mozizi.

Lẹvitikọsụ 5:18

O sikọ d'e wẹhẹni onyẹ nchụn-ẹjan ebulu ẹhụ a zu oke mọbụ ọnụ-egho ẹ, onyẹ nchụn-ẹjan e gi ẹ gbarị isi hụnyẹ, Osolobuẹ a gbagharị a.

Emọsụ 2:14

Ọgba-ọsọ a hụnkọ ụkụ gbapụ ụhụọhịn ahụn; dikẹn ahụnkọ ndụn mẹ ihiẹn ọwụlẹ; odogun-agha asakọdẹ ẹka zụọpụha enwẹn ẹ;

Ọgụngụn 15:25

Onyẹ nchụn-ẹjan sikọ d'e gi wẹ chụn ẹjan gi gbarị isi ndị Izrẹlụ ile, Osolobuẹ a gbagharị wẹ, makẹni ẹlẹ wẹ kpachanpụ ẹnya mẹ ẹ lẹni e gigụọ wẹ ufiri mmẹfie wẹ wẹhẹni Osolobuẹ oyiye w'a dụn ọkụn lẹ ẹjan-njọ.

Ndị Ẹfẹsọsụ 4:18

Uche wẹ a gbagụọ ishi. Enwọn wẹ ndụn Osolobuẹ yeni onwọnni ihiẹn wẹ marịn, makẹni obi wẹ kpọkin akpọkin.

Hibru 10:3

Kanị, ẹjan ndị ahụn w'a chụn a nyanhansọnmẹdẹni ndị rị e fe ofufe njọ wẹ ahụa-ahụa,

Hibru 6:19

Olilẹnyanị wụ agbụn zeni furu wẹ gi e dọn ẹnya hụn wẹ gi limẹ umẹ-ndụn ẹnyi. Olilẹnyanị e we ẹnyi a ghafe Ẹkwa-mgbọnbepụ hụ, e weban ẹnyi imẹ-imẹ ebẹhụ Osolobuẹ rị,

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 9:3

Wẹ ghafe ẹkwa mgbọnbepụ rị mmughẹni, a banye wẹ mmughẹ m'ẹ ẹbụọ, hụn w'a kpọ “Ebẹhụ Kachanrịn Nsọ.”