Hibru 9:21 - Ika

²¹ Ẹrịra kẹ Mozizi fekpusọnmẹzi Ọdụ-ofufe hụ lẹ ihiẹn ile wẹ gi e fe ofufe.

Hibru 9:21 ပူးပေါင်းရင်းမြစ်များ

Ọpụpụ 24:6

Mozizi nọ kebe ẹdeke efin ndị ahụn ẹbụọ, hu azụụn ohu ye imẹ afẹrẹ, fe hụn họdụnị ye ukpo nchụn-ẹjan ahụn ọ rụn.

Ọpụpụ 29:12

Gi mkpịnsịn-ẹka deri ẹdeke okoro okẹn-efin ahụn teyesọnmẹ mpịn ukpo nchụn-ẹjan hụ, y'e hu hụn họdụnị ye ukun ukpo nchụn-ẹjan hụ.

Ọpụpụ 29:20

Y'e gbu ẹ, weri ẹdeke ẹ te Ẹrọnụ lẹ ụmụ a ikẹnnyẹ ibe alị ntịn ẹka-ihiẹn lẹ eze-ẹka ẹka-ihiẹn lẹ eze-ụkụ ẹka-ihiẹn. Y'e fe ẹdeke ye ụsụọ ukpo nchụn-ẹjan hụ ile.

Ọpụpụ 29:36

Ọrọgbọ akpọhịn ẹsa hụ, gi efin ohu-ohu chụnsọnmẹ ẹjan-njọ wẹ gi e wepụ njọ ụhụọhịn-ụhụọhịn. Chụn ẹjan wẹ gi e wepụ njọ gi dọn ukpo nchụn-ẹjan hụ nsọ, y'e hukpu ukpo ahụn udẹn-nsọ, gi dọn ẹ nsọ.

Ọpụpụ 40:9

“Weri udẹn-ntumẹ hụ fekpu Ọdụ-nsọ lẹ ihiẹn ile rị imẹ ẹ, dọn ẹ nsọ, ịya lẹ ihiẹn ile sọnn'ẹ, n'ọ hụn ụzọ rị nsọ.

Lẹvitikọsụ 8:15

Mozizi nọ gbu efin ahụn, weberi ẹdeke ẹ, gi mkpịnsịn-ẹka deri ẹ, teyesọnmẹ mpịn rịsọnmẹ nkonko ukpo nchụn-ẹjan ahụn, gi ẹ mẹ n'ọ rị ọchan. Ọ nọ hu ẹdeke họdụnị ye ukun ukpo wẹ n'a chụn ẹjan. Ya k'o gi dọn ẹ nsọ, makẹ ihiẹn ọwụlẹ e sehẹ iwe Osolobuẹ gha a rị a.

Lẹvitikọsụ 8:19

Mozizi nọ gbu ebulu ahụn, fe ẹdeke ẹ kpu ukpo nchụn-ẹjan hụ ụsụọ ile.

Lẹvitikọsụ 9:18

Ya ọ nọ gbu efin ahụn lẹ ebulu hụ, gi chụnnị wẹ ẹjan-ekele; ụmụ a e buye ẹ ẹdeke ẹ, ọ nọ fe ẹ kpu ukpo nchụn-ẹjan hụ ụsụọ ile.