Hibru 9:15 - Ika

¹⁵ Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Hibru 9:15 ပူးပေါင်းရင်းမြစ်များ

Ẹbụ-ọma 37:18

Osolobuẹ rị ndị nwọnlẹni nkọrịanị azụụn ụhụọhịn-ụhụọhịn, ihiẹn wẹ k'a rị jẹnrin ejẹn.

Daniẹlụ 9:26

‘Ẹsa ụzọ ẹbụọ-kwasị-ọgụn-ẹtọ hụ’ ghafegụ, e gbu wẹ Onyẹ hụ Osolobuẹ tumẹ bụ onwọnni ihiẹn ọ latọ. Ndị-agha hụn wẹ lẹ onyẹ ọkịkị ohu k'a wị bịa k'e tikpọ obodo nsọ lẹ Ụlọ-nsọ hụ. Isi njẹndemẹ k'a bịa idẹnmizi kẹ okẹn mirin rị e huni: Agha k'a lụsọnmẹ d'e ru njẹndemẹ, Osolobuẹ e kugụọ a nị okẹn ntikpọ jẹnkọ d'a rị.

Matiu 19:29

Onyẹ gi ufiri m latọ ezi-lẹ-ụlọ mọbụ umunẹ-ikẹnnyẹ mọbụ umunẹ-ikpoho mọbụ nẹdi mọbụ nnẹ mọbụ ụmụ mọbụ alị o nwọn jẹnkọ d'e nwọnhẹn wẹ mmagi-mmagi ụzọ ọgụn-isẹn, nwọnhẹnzikwọ ndụn itẹbitẹ.

Matiu 22:3

O zi idibo ẹ d'a kpọ ndị wẹ kpọ oriri-agbamẹkụkwọ hụ, kanị achọnị wẹ nị wẹ bịa.

Matiu 25:34

“Ogẹn hụ, Eze wụ Nwa nke Ịhịan, jẹnkọ d'a sị ndị hụ rị a ẹka-nni, ‘Bịa nị, ndị Nẹdi m gọzi, weri ni Alị-eze hụ wẹ kwademẹni ụnụ kete wẹ gbelẹ iyetọ ụwa.

Matiu 25:36

a gba m ọtọ, ụnụ e ye m ẹkwa; emu a kụ m, ụnụ e lepụ m ẹnya; kẹ m rị ụlọ-ngan, ụnụ a bịa d'a hụn m.’

Makị 10:17

Hụn Jesu gi pụkọ, okẹnnyẹ ohu nọ gbaha d'e gbun'ẹ osekpu, sị a, “Ezigbo onyẹ nkuzi, kị m'e mẹ ni m nwọnhẹn ndụn-itẹbitẹ?”

Luku 18:18

Onyẹ-ndu ohu jụ Jizọsị ajụjụ, sị a, “Ezigbo onyẹ-nkuzi, kị m'e mẹ nị m nwọn ndụn itẹbitẹ?”

Luku 22:20

Ẹrịra k'o dọnzikwọ weri mkpu hụ ogẹn wẹ gi rigụ, ye wẹ, sị, “Mkpuni wụ nkwerigbama ọhụn Osolobuẹ; ẹdeke m hụn m rị e gi ufiri ụnụ e ye kẹ wẹ gi biye ẹ ẹka.”

Jọnụ 10:28

M'e ye wẹ ndụn itẹbitẹ; alakọ wẹ iwi. Onwọnni onyẹ sikọ d'a napụ m wẹ.

Ọrụn Ndị-ozi 20:32

“M rị nwan e bu ụnụ e che ẹka Osolobuẹ lẹ ozi banyeni ọhụnma a, ozi ẹ hụn k'a s'ẹka tụn ụnụ kẹ ụlọ mẹ ụnụ turu — weye ụnụ ihiẹn runi ụnụ imẹ ndị nsọ Osolobuẹ ile.

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Rom 5:6

Makẹni, Kraịstị nwụndọnni ẹnyi ndị njọ ọnwụn ogẹn ndụn gilẹni rị ẹnyi, ogẹn o gi rịchanrịn mkpa.

Ndị Rom 5:8

Kanị, nke Osolobuẹ, ọ ghọsịgụọ ẹnyi n'o nwọn ihiẹn-ọsụsụọ ẹnyi ọda-ọda ebe Kraịstị nọ nwụnnị ẹnyi kẹ ẹnyi rịkwọ imẹ njọ!

Ndị Rom 6:23

Makẹni, ụgwọ njọ wụ ọnwụn, kanị ihiẹn-ọfẹ Osolobuẹ e ye wụ ndụn itẹbitẹ hụn rị imẹ Jizọs Kraịstị Di-nwọnni-ẹnyi.

Ndị Rom 8:28

Ẹnyi a marịnghọ nị Osolobuẹ e gi ihiẹn ile a rụnpụhanị ndị ihiẹn ẹ a sụọ ihiẹn rị mma, ndị ọ kpọ makẹ ihiẹn ọ chọ n'o mẹ.

Ndị Rom 8:30

Ndịnị ọ họtọ k'ọ kpọ; ọ kpọgụ wẹ, ọ nọ kuni wẹ ọhụnma, ya ọ nọ ye wẹ ọghọ.

Ndị Rom 9:24

ya wụ ẹnyi ndị hụn ọ kpọ — kẹ ndị rị imẹ ẹnyi wụ ndị Ju ndị wụlẹni ndị Ju.

Ndị Kọrẹntị Nke Ẹbụọ 3:6

Osolobuẹ mẹ ẹnyi gi wụrụ ndị ma rụn ọrụn nkwerigbama ọhụnnị, ẹlẹ nke Iwu wẹ de ede, kanị nke Mmọn-nsọ. Makẹni Iwu wẹ de e gbu egbu, kanị Mmọn-nsọ e ye ndụn.

Ndị Galeshịa 3:20

Kanị w'a ra chọ ụkọ ebe onyẹ ohu sụọ nọ e mẹ ihiẹn: Osolobuẹ aghanị ẹka ụkọ kwe Ebraham nkwa ahụn.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Tẹsalonika Nke Ẹbụọ 2:14

Ịya kẹ Osolobuẹ kpọnị nwan ụnụ ghahanị oziọma ẹnyi zi ụnụ, kẹni ụnụ sọn Di-nwọnni-ẹnyi wụ Jesu Kristi nwọnrin ọghọ a.

Timoti Ibuzọ 2:5

Makẹni, Osolobuẹ ohu sụọ rị; Onyẹ Ewegbamanị wụzị ohu sụọ hụn e wegbama Osolobuẹ lẹ ịhịan. Onyẹni wụ Kraịst Jizọsị hụn wụzịkwọ ịhịan;

Timoti Nke Ẹbụọ 2:10

Ya haịn m gi e dingbuchanrịn ihiẹn ile makẹ ufiri ndị Osolobuẹ họrị, kẹni wẹ nwẹn nwọnhẹnzi nzụọpụha rị imẹ Kraịstị wụ Jizọsị lẹ ọghọ itẹbitẹ rịn'a.

Taịtọsụ 1:2

M rị a rụn kẹni wẹ nwọnhẹn ndụn itẹbitẹ ahụn ẹnyi rị e lee ẹnya a hụn Osolobuẹ ghalẹni a tụ ntụ kwe nkwa a ẹdẹi nị ogẹn d'e bidọndẹ,

Taịtọsụ 3:7

Hụnnị o gigụ nwan ẹfọma a kuni ẹnyi ọhụnma, ẹnyi e họnringụọ ụmụ a rị e lee ẹnya ndụn itẹbitẹ o kwe nkwa a.

Hibru 10:34

Ẹghẹẹ, ụnụ a chọ ihiẹn ụnụ e mẹni ndị rị ngan ogẹn hụ; kẹ wẹ napụ ụnụ ihiẹn ụnụ, ụnụ gidẹ ịghọghọ din ẹ, makẹni ụnụ a marịnghọ nị ụnụ lẹ enwẹn ụnụ nwọn hụn ka mma lẹ hụn k'a rị jẹnrin ejẹn.

Hibru 10:36

Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Hibru 11:13

Ndịnị ile kwọndọn okukwe nwụnhụn bụ enwọnhẹnni wẹ ihiẹn Osolobuẹ kwe nkwa a, kanị, e lechegụọnị wẹ wẹ, nabanhan wẹ, ku ẹ nị wẹ wụ itumunyẹ imẹ ụwanị.

Hibru 12:24

Jizọsị kẹ ụnụ bịa d'e kunrun, onyẹ hụn e wegbama Osolobuẹ lẹ ịhịan imẹ nkwerigbama ọhụn, ya lẹ ẹdeke wẹ gi e fepụ njọ, hụn rị e ku ihiẹn ka mma karị ẹdeke Ebẹlụ sị wẹ mẹgwarị.

Hibru 13:20

Osolobuẹ hụn e ye udọn, Onyẹ hụn gha ọnwụn weli Di-nwọnni-ẹnyi wụ Jesu, okẹn onyẹ-ndu atụnrụn ahụn wẹ gi ẹdeke ẹ biye nkwerigbama itẹbitẹ Osolobuẹ ẹka;

Hibru 2:14

Ya wụ, ebe o mẹni ụmụ a hụ wụ ịhịan hụn nwọn ẹhụ-lẹ-ẹdeke, ya nwẹn nọ sọn wẹ wụrụ ihiẹn ohu hụ, kẹni ọ nwụnhụn, gi ọnwụn a tikpọ onyẹ hụn ọnwụn rị ẹka a, ya wụ Ekwensụ,

Hibru 3:1

Umunẹ m ndị rị nsọ, ndị wẹ kpọzị oku elu-igwee, e roni Jizọsị, onyẹ ozi pụ-ichẹn Osolobuẹ gi wẹhẹ okukweni ẹnyi rị imẹ ẹ, hụn wụzịkwọ onyẹ-isi nchụn-ẹjan ẹnyi.

Hibru 6:13

Ogẹn Osolobuẹ gi kwe Ebraham nkwa, Osolobuẹ nọ kun enwẹn ẹ — makẹni onwọnni onyẹ ka Osolobuẹ hụn Osolobuẹ k'e kun ẹfan a: ọ sị,

Hibru 6:15

Ebraham nọ din ndidin cheri; o mẹgụ, ọ nọ nwọnhẹn ihiẹn hụ Osolobuẹ kwe ẹ nkwa a.

Hibru 7:22

Ịya kẹ Jizọsị gi nwan wụrụ onyẹ obi gi e ru ẹnyi alị nị nkwerigbama ọhụnnị ka mma.

Hibru 8:13

O gigụọ oku nkwerigbama ọhụnnị kpọ nke ibuzọ ihiẹn-akan — ihiẹn-akan rị a kawaye ẹgẹdi e d'a la.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:16

Makẹni, ịhịan kugụ kẹ wẹ k'e mẹ ukuu ẹ, wẹ sikọ d'a ghọsịgụ nị hụnyẹ a nwụnhụngụọ wẹ kebe mẹmẹ ihiẹn hụn o ku.

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Jemisi 1:12

Onyẹ hụn din ndidin ebe wẹ rị e lele ẹ e nwọngụọ ngọzi, makẹni, ọ pụha ọhụnma, Osolobuẹ e gi ndụn tu ẹ ugọn k'o dọn kwe nkwa n'o k'e mẹ ndị ihiẹn ẹ a sụọ.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Pita Ibuzọ 5:10

Kanị, ụnụ tagụ afụnfụn ẹkẹrẹ ogẹn, Osolobuẹ onyẹ okẹn ẹfọma, hụn kpọ ụnụ d'e du ẹ nwọnrin ọghọ-itẹbitẹ ẹ hụn rị imẹ Kraịstị Jizọsị, k'e dọnzichanrịn nị ụnụ ihiẹn wiwini, mẹ ụnụ turu, mẹ ụnụ ze, mẹ ukun ruchanrịn ụnụ alị.

Jọnụ Ibuzọ 2:25

o kweọlẹ ẹnyi nkwa ndụn itẹbitẹ.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.