Hibru 9:14 - Ika

¹⁴ ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:14 ပူးပေါင်းရင်းမြစ်များ

Samuẹlụ Nke Ẹbụọ 4:11

Ọrịwụzị ụnụ, ndị eje-ịhịan gbu onyẹ nwọnlẹni ihiẹn o mẹ tọ iwe ẹ, ebe ọ rị elu-bẹdi ẹ — achọkọ m nwan ẹdeke ẹ ẹka ụnụ, wepụ ụnụ elu ụwa?!”

Ndị-nze Nke Ẹbụọ 19:16

Osolobuẹ, dodo, gọn ntịn n'ị nụ; Osolobuẹ, dodo, shịapụ ẹnya n'ị hụn. Gọn ntịn n'ị nụ oku-mkpari Sẹnakẹribụ zihẹ d'e gi kpari Osolobuẹ hụn rị ndụn.

Jobu 15:16

kị wụzị ịhịan, ịhịan eje-ihiẹn eje-ihiẹn lẹ ụrụ jun ẹka, hụn e nura (lura) eje-ihiẹn kẹ mirin!

Ẹbụ-ọma 51:2

Chanchanpụchanrịn ihiẹn ile m mẹ ikpe gi ma m, y'e fepụ m ẹhụ njọ m mẹ!

Ọpụpụ 12:5

“Anụ wẹ k'a họtọ jẹnkọ d'a wụrịrị okẹn rị ahụa ohu hụn ẹhụ a ile zu oke; wẹ nwọn ikẹn weri atụnrụn mọbụ ewu.

Azaya 42:1

Lee ni odibo m, hụn m kwadọn, onyẹ hụn m họrị hụn ihiẹn ẹ a sụọ m! E bugụọ m Mmọn m kwasị a; o k'e ye ndị alị ichẹn-ichẹn iwu rị mma.

Azaya 53:9

Wẹ te k'e li ẹ nọkẹ ndị-ejẹ — kanị ili ọdanfịn kẹ wẹ liye ẹ nwan k'ọ nwụnhụn — makẹni onwọnni eje-ihiẹn o mẹ, onwọnzikwọnị ntụ wẹ nụ a ọnụ,

Azaya 57:15

Makẹni, Onyẹ hụ kachanrịnnị hụn rị ebe kachanrịnnị, Onyẹ hụn rị ndụn jẹnrin ejẹn, hụn ẹfan a rị nsọ, sị, “M bi ebe jẹn elu, ebe rị nsọ kanị mmẹ lẹ onyẹ ọwụlẹ hụn gi akpakalị obi ẹ rogharị bizikwọ, onyẹ ọwụlẹ hụn e welụa enwẹn ẹ alị — kẹni m hụn ụzọ mẹ ndụn banzị ndị welụa enwẹn wẹ alị, mẹ ndụn banzị ndị gi akpakalị obi wẹ rogharị.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Jerimaya 10:10

Kanị, Osolobuẹ wụ Chuku nke-esi; ịya wụ Chuku hụn rị ndụn, Eze itẹbitẹ. O bumẹ olulu, elu-ụwa e mẹhunmẹ — onwọnni alị isi wẹ k'a saẹka che ọnụma a.

Izikẹlụ 45:18

“ ‘Osolobuẹ Nwọn Ihiẹn Ile sị: Ụhụọhịn ibuzọ imẹ ifọn ibuzọ, i sikọ d'e weri nwa okẹn-efin ẹhụ a zu oke, gi jụ Ụlọ-nsọ gi ẹ wepụ a ụrụ.

Daniẹlụ 6:26

“M rị e ti iwu nị ndị ile rị Ẹgbẹrẹ ọwụlẹ imẹ alị-eze m jẹnkọ d'a tụ egun Chuku Daniẹlụ, a gbaye ẹ. Makẹni ịya wụ Chuku hụn rị ndụn; o k'a rị jẹnrin ejẹn; etikpọkọ wẹ alị-eze ẹ; ọkịkị a agụkọ.

Lẹvitikọsụ 22:20

Ewẹhẹkwọlẹ ni anụ ọwụlẹ ẹhụ a zulẹni oke, makẹni anarịnkọ m ụnụ ya.

Ọgụngụn 28:11

“O ru ụhụọhịn ibuzọ imẹ ifọn ọwụlẹ, ụnụ e gi okoro-efin ẹbụọ lẹ ebulu ohu lẹ ụmụ-ebulu ẹsa rịsọnmẹ ahụa ohu-ohu chụnyeni Osolobuẹ ẹjan w'a dụn ọkụn. Ẹhụ wẹ ile sikọ d'e zuchanrịn oke.

Ọgụngụn 28:3

“Sị wẹ: Ọnwan wụ oyiye ahụn wẹ gi ọkụn e ye hụn ụnụ sikọ d'a gha e wẹhẹni Osolobuẹ: ụhụọhịn-ụhụọhịn ụnụ sikọ d'e gi atụnrụn ẹbụọ rịsọnmẹ nwa ahụa ohu-ohu ẹhụ zu oke chụn ẹjan w'a dụn ọkụn —

Ọgụngụn 28:9

“O ru Ụhụọhịn Ezumikẹn, ụnụ e gi ụmụ-atụnrụn ẹbụọ rịsọnmẹ nwa ahụa ohu-ohu ẹhụ zu oke chụn ẹjan, cheni oyiye manya a lẹ oyiye-ọka a, ọka wẹ gweriẹn k'e jun mkpu kọstadị-nta ẹnọ hụn wẹ gi ofugbọn-olivu gwọ.

Matiu 12:28

Kanị, omẹni ikẹn Mmọn-nsọ Osolobuẹ kẹ m gi a chụpụ eje-mmọn, ya wụ nị Alị-eze Osolobuẹ e rugụọlẹ ebe ụnụ rị.

Matiu 16:16

Saịmọnụ wụ Pita nọ za, sị, “Yụ wụ Kraịstị hụn wụ nwa OSOLOBUẸ RỊ NDỤN.”

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Matiu 7:11

O mẹ nwan nị ụnụ ndị njọ ma ye ụmụ ụnụ ezigbo ihiẹn, Nẹdi ụnụ rị elu-igwee e yekọ ndị rị a rịọ a ihiẹn ezigbo ihiẹn karị?

Luku 1:74

n'o sikọ d'a gbapụha ẹnyi ẹka ndị iṅẹnrẹn ẹnyi, ẹnyi a tụbehi egun wẹ, fe ẹ;

Luku 12:24

Lekpọ nị nnụnụ: w'a ra kụn ihiẹn, w'ara ghọtọ; enwọn wẹ ebe w'e kpọntọ ihiẹn — kẹ mmughẹ kẹ ọban, kanị Osolobuẹ hụ e ye wẹ ihiẹn-oriri! Bụ ụnụ ka mkpa a rị ọda-ọda karị nnụnụ!

Luku 12:28

Omẹni ẹnịna kẹ Osolobuẹ e kọn ẹfịfịa ekikẹn, ẹfịfịa w'a hụn ebeni tannị, eki fọn a tụ w'a ye ọkụn, o kọnkọ ụnụ hụn ka mma? Heuu, ndị okukwe nta!

Luku 4:18

“Mmọn Di-nwọnni-ẹnyi rị imẹ m, makẹni o tumẹ m d'e zi ndị igbẹnnyẹ oziọma. O zi m d'a sị ndị rị imẹ ẹgbụn nwọnrin enwẹn wẹ, d'a sị ndị ẹnya-ishi hụnma ụzọ, d'a gbapụha ndị wẹ rị a bịangbu;

Jọnụ 3:34

Makẹni onyẹ Osolobuẹ zihẹ rọ, o ku oku Osolobuẹ, ufiri nị Osolobuẹ eyen'ẹ Mmọn-nsọ yehọdụ.

Ọrụn Ndị-ozi 1:2

d'e ru ụhụọhịn hụ wẹ weri ẹ shi elu-igwee, kẹ o gigụ ikẹn Mmọn-nsọ gwa ndị-ozi hụ pụ-ichẹn ọ họpụha ihiẹn wẹ jẹnkọ d'e mẹ.

Ọrụn Ndị-ozi 10:38

kẹ Jizọsị onyẹ Nazarẹtị hụn Osolobuẹ tumẹ, gi Mmọn-nsọ lẹ ikẹn gbajun, dọn jẹnhunmẹ, e mẹ ihiẹn rị mma, a zụọ ndị ile Ekwensụ rị e kpokpo, makẹni Osolobuẹ nọyen'ẹ.

Ọrụn Ndị-ozi 14:15

“Ibe ẹnyi, kị ụnụ rị e mẹ ihiẹnni?! Ẹnyi wụhụ ịhịan mmaka nọ kẹ ụnụ!! Ẹnyi wẹhẹni ụnụ oziọma, kẹni ụnụ hụn ụzọ gbehutọ, la ihiẹn ndịnị nwọnlẹni-isi tọ, pụha d'e kunrun Osolobuẹ rị ndụn, onyẹ hụn ke elu-igwee lẹ ụwa lẹ ohimin lẹ ihiẹn ile rị imẹ wẹ.

Ọrụn Ndị-ozi 15:9

Onwọnni ihiẹn ọ sị n'ọ rị ichẹn ẹgbata ẹnyi lẹ wẹ, makẹni o gigụọ okukwe chanchan obi wẹ.

Ndị Rom 1:20

Ebe o mẹ ni kete Osolobuẹ kelẹ ụwa, ihiẹn ile wẹ ghalẹni e legha banyeni Osolobuẹ pụhachanrịn ifọn, kẹ ikẹn-itẹbitẹ ẹ kẹ ihiẹn o gi wụrụ Osolobuẹ; makẹni w'e gi ihiẹn o ke a ghọta wẹ. Onwọnzini nwan ihiẹn wẹ k'e kin!

Ndị Rom 1:4

Osolobuẹ nọ gi ikẹn Mmọn-nsọ a ghọsị n'ọ wụ Nwa Osolobuẹ ebe ọ nọ gha ọnwụn weli ẹ: Jesu Kristi Di-nwọnni-ẹnyi rọ.

Ndị Rom 11:12

O mẹ nwan nị mmẹfie wẹ wẹhẹni ụwa ẹregede ihiẹn rị mma, nị ẹdan wẹ dan wẹhẹni ndị wụlẹni ndị Ju ẹregede ihiẹn rị mma, ihiẹn ka mma apụhakọ nwan ogẹn wẹ e gi wekinhẹn wẹ?

Ndị Rom 11:24

Omẹni Osolobuẹ gha osisi olivu-ọfịa kwarị ụnụ, mẹ ihiẹn wẹ ghalẹni e mẹ, we ụnụ che olivu wẹ kụn, ọ kakọ Osolobuẹ nfe iwekinzi agalaba ndị ahụn ebe wẹ gha kwapụ wẹ.

Ndị Rom 6:13

ewelẹ ni mkpamkpa ẹhụ ụnụ ye njọ gi họnrin ihiẹn-ọrụn o gi e mẹ eje-ihiẹn. Ka wechanrịn nị enwẹn ụnụ ye Osolobuẹ nọkẹ ndị wẹ ghagụ ọnwụn weli hụn rị ndụn; ụnụ e wechanrịn mkpamkpa ẹhụ ụnụ ile ye Osolobuẹ n'o gi họnrin ihiẹn-ọrụn ezi-omumẹ.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Kọrẹntị Ibuzọ 15:45

Ẹrịra kẹ wẹ de ẹ imẹ Ẹkụkwọ-nsọ, sị, “Ịhịan ibuzọ hụn wụ Adam họ̀nrin onyẹ rị ndụn,” kanị Adam ikpanzụụn e họnrin mmọn e ye ndụn.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Ndị Kọrẹntị Nke Ẹbụọ 6:16

Kị Ụlọ-nsọ Osolobuẹ lẹ mmọn gi? Ẹnyi wụ Ụlọ-nsọ Osolobuẹ, Chuku hụ rị ndụn, nọkẹ kẹ Osolobuẹ dọn ku ẹ, sị, “M k'e biri imẹ wẹ, e jẹnhunmẹ imẹ igunrun wẹ. M k'a wụrụ Chuku wẹ, a wụrụ wẹ ndị nke m.”

Ndị Galeshịa 2:19

Makẹni, e gigụọ m ihiẹn rị imẹ Iwu nwụnnahịn Iwu, kẹni m hụn ụzọ rịnị Osolobuẹ ndụn.

Ndị Ẹfẹsọsụ 2:5

ọsụọn'a nị njọ ẹnyi e te gbugụọ ẹnyi, ọ nọ gha ọnwụn wepụha ẹnyi, mẹ ẹnyi sọn Kraịstị rịzị ndụn. Ẹfọma Osolobuẹ mẹ kẹ ụnụ gi nwọn nzụọpụha.

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Ditrọnọmi 15:21

Omẹni anụ nwọn nsọngbu ẹhụ, omẹni ọ wụ ngụrọ mọbụ ẹnya-ishi mọbụ n'o nwọn k'o dọnlẹni zu oke, egikwọl'a chụnyeni Osolobuẹ wụ Chuku i ẹjan.

Ditrọnọmi 17:1

Egikwọlẹ efin mọbụ atụnrụn ẹhụ zulẹni oke mọbụ nwọn nsọngbu ọwụlẹ chụnyeni Osolobuẹ wụ Chuku ụnụ ẹjan, makẹni arụ k'ọ wụ ẹnya a.

Ditrọnọmi 31:27

makẹni a marịnghọ m kẹ ụnụ mẹhan ndị nnupụ-isi lẹ ndị isi-ikẹn. Ụnụ hụ e nupụnị Osolobuẹ isi ẹnịna hụnnị m rị ndụn, ọrịwụ m nwụnhụngụ!

Ditrọnọmi 33:27

Chuku rị ẹdẹi wụ igungun, ẹka itẹbitẹ ẹ hụ okpuru. O k'a chụpụnị ụnụ ndị iṅẹnrẹn ụnụ, a sị, ‘Tikpọ a!’

Ditrọnọmi 5:26

Onyẹ nụtu olu Chuku hụn rị ndụn kẹ ọ gha imẹ ọkụn a hanpụha kẹ ẹnyi dọn nụ a, hụnyẹ nọ rị ndụn?!

Ndị Tẹsalonika Ibuzọ 1:9

Makẹni, wẹ hụ e ku oku ẹnyi — kẹ ụnụ dọn nabanhan ẹnyi ọhụnma-ọhụnma lẹzi kẹ ụnụ dọn febehi mmọn, femẹ ezigbo Osolobuẹ rị ndụn,

Timoti Ibuzọ 1:17

Eze Itẹbitẹ kẹ Osolobuẹ wụ! Eze ghalẹni a nwụn! Onyẹ wẹ ghalẹni e legha ẹnya! Chuku ohu sụọ rịnị! Mgbaye lẹ ọjịja-mma ya rịn'a jẹnrin ejẹn! Isẹẹ!

Timoti Ibuzọ 3:15

kẹni, omẹni m bie d'a bịa, n'ị marịn k'o furu nị ịhịan e bi ikpụlọ Osolobuẹ, hụn wụ ụka Osolobuẹ, Chuku hụn rị ndụn. Ụka a nị wụ iyetọ lẹ adansụn ezioku.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 10:10

Uche Osolobuẹ ahụn kẹ wẹ gi nwan dọn ẹnyi nsọ ghahanị ẹjan Kraịstị wụ Jizọsị gi ẹhụ a chụn mgbe ohu, chụnchanrịn a.

Hibru 10:12

Kanị nke Kraịstị, k'ọ chụngụ ẹjan njọ ohu hụ o gi chụnchanrịn ẹjan ile, o weri oche ẹka-nni Osolobuẹ.

Hibru 10:2

Omẹni o te sa ẹka chanchanpụ njọ, nkẹ ndị e fe ofufe a chụnbehi ẹjan; nkẹ obi e gbubehi wẹ mgbu makẹni a changụọ wẹ obi wẹ mgbe ohu chanchanrịn a.

Hibru 10:22

Nị ẹnyi gichanrịn ni nwan obi ẹnyi lẹ okukwe obi ẹbụọ rịlẹni buruhẹ Osolobuẹ, ẹnyi lẹ obi o fepụgụ ihiẹn ile obi gi e gbu ẹnyi mgbu, lẹ ẹhụ o gi mirin nwunni wụchanpụ.

Hibru 11:21

Okukwe kẹ Jekọpụ gi nọ ebe ọ nwụnkọ gọzi ụmụ Josẹfụ ẹbụbụọ, kwọndọn ọkpọ, hulụa isi fe Osolobuẹ.

Hibru 13:12

Ya haịn Jizọsị gizi gha imẹ obodo pụ d'a nwụnhụn kẹni o gi ẹdeke ẹ dọn ịhịan nsọ.

Hibru 3:12

Umunẹ m, kpachanpụkwọ nị nwan ẹnya makẹ ọ gha enwọn onyẹ rị imẹ igunrun hụn nwọn eje-obi, obi ghalẹni e kweri, hụn k'e mẹ ịhịan latọ Chuku rị ndụn.

Hibru 6:1

Nị ẹnyi jẹnshi ni nwan ihun, la nkuzi ibuzọ ndịnị rị ofufe Kraịstị tọ, wụrụ ndị ka ẹhụ imẹ Kraịstị. Ẹlẹ hụn ẹnyi e gi gbemẹzi iyetọ, kuzimẹzi irogharịnị latọ ihiẹn ndị ahụn ghalẹni e ye ndụn, lẹ ikwerini Osolobuẹ

Hibru 7:16

onyẹ nchụn-ẹjan wụlẹni onyẹ ebọn Iwu ku, kanị hụn wụ onyẹ nchụn-ẹjan makẹni o nwọnghọ ikẹn o gi a rị ndụn jẹnrin ejẹn:

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:26

Omẹni nke Jizọsị te rị ẹrịra, nkẹ ọ hụ a nwụn a nwụndọnzi kete wẹ kelẹ ụwa! Kama, ọ bịalẹ mgbe ohuni sụọ imẹ ọgụgụ-ogẹnni d'e wepụchanrịn njọ ghahanị igi enwẹn ẹ chụn ẹjan.

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Hibru 9:9

Wẹ gi ihiẹnni a kọwa ogẹnni ẹnyi rị imẹ ẹ. Ọnwan rị a ghọsị nị oyiye w'e yesọnmẹ lẹ ẹjan ile w'a chụnyeni Osolobuẹ imẹ ofufe mbụ ahụn asanị ẹka mẹ obi ndị rị e fe ofufe ahụn rị ọchan.

Pita Ibuzọ 1:19

kanị ẹdeke Kraịstị rịgbu enwẹn ẹ mkpa, hụn rị kẹ nwa-ebulu zu oke nwọnlẹni ntụpọ,

Pita Ibuzọ 2:22

O mẹni njọ; onwọnni ntụ wẹ nụ ọnụ a.

Pita Ibuzọ 2:24

Kraịstị lẹ enwẹn ẹ gi ẹhụ a buru njọ ẹnyi, bu ẹ shi elu osisi ahụn, kẹni ẹnyi wụrụ ndị nwụnnahịn njọ, gi ndụn ẹnyi mẹmẹ ihiẹn Osolobuẹ chọ. Ẹhụ wẹ rụsọnmẹ ẹ kẹ ẹnyi gi dịnhịn.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,

Pita Ibuzọ 4:2

Ara bizi k'ọ rị a; kama, o bi ndụn a họdụnị elu-ụwa n'o mẹ uche Osolobuẹ.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Jọnụ Ibuzọ 3:5

Ụnụ a marịnghọ nị Kraịstị bịa d'e wepụ njọ; ụnụ a marịnzịghọ nị njọ arị imẹ ẹ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Samuẹlụ Nke Ibuzọ 17:26

Defidi hụzị a jụ ndị wuzo ebe ọ rị, “Kịnị kẹ wẹ jẹnkọ d'e ye onyẹ gbu onyẹ Filistia-nị, wepụnị Izrẹlụ ifẹnrẹnni? Onyẹ wụdẹ nwan onyẹ Filistia-nị kwalẹni ugun, o gi a kpọ ndị-agha Chuku mgba, Chuku hụn rị ndụn?”