Hibru 9:12 - Ika

¹² O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Hibru 9:12 ပူးပေါင်းရင်းမြစ်များ

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Lẹvitikọsụ 16:15

“O k'e gbu nwan ewu hụ o gi a chụn ẹjan-njọ ndị Izrẹlụ; o weri ẹdeke ẹ ghafe Ẹkwa-mgbọnkin hụ, shi imẹ Ebe Kachanrịn nsọ, mẹ ẹ k'ọ mẹ ẹdeke okẹn-efin hụ: o fe e ye elu okun hụ wẹ nọ a gbarị isi, o feyezi ẹ ihun ẹ.

Lẹvitikọsụ 4:3

“Omẹni onyẹ-isi nchụn-ẹjan mẹ njọ, o buhẹgụọnị ịhịan ile ikpe-ọmụma. O k'e wẹhẹrịrịnị Osolobuẹ okoro okẹn-efin ẹhụ a zu oke gi chụn ẹjan makẹ njọ hụ o mẹ.

Lẹvitikọsụ 8:2

“Wẹhẹ Ẹrọnụ lẹ ụmụ a ikẹnnyẹ, wẹ lẹ ẹwuru wẹ lẹ ihiẹn ndị hụ m gwa ị: udẹn-nsọ, okẹn-efin wẹ sikọ d'e gi chụn ẹjan-njọ, ebulu ẹbụọ lẹ ụkpalị brẹdi ndị wẹ buchelẹni yisti,

Lẹvitikọsụ 9:15

Ya ọ nọ wẹhẹ hụn wẹ k'e gi chụnnị ndị alị ẹjan: o weri ewu wẹ gi chụn ẹjan-njọ wẹ, gbu ẹ, gi chụn ẹjan-njọ k'o dọn mẹ nke ibuzọ.

Zẹkaraya 3:9

E butọgụọ m ọmụma ihun Joshụa; akpụ-ọmụma ohu hụn nwọn ihun ẹsa. M sikọ d'e deye ihiẹn ẹhụ a kẹ w'e deye ihiẹn elu ọmụma: M k'e gi akpọhịn ohu wepụ njọ alịnị mẹ. Ya kẹ Osolobuẹ ihiẹn ile rị okpuru ẹ ku.

Makị 3:29

kanị onwọnni ogẹn w'e gi gbagharị onyẹ kuja oku Mmọn-nsọ; o mẹọlẹ njọ itẹbitẹ.”

Luku 1:68

“Ịja-mma ya rịnị Di-nwọnni-ẹnyi, Chuku Izrẹlụ! Makẹni ọ bịaọlẹ d'e yeni ndị nke ẹ ẹka; ọ bịaọlẹ d'a gbapụha wẹ.

Ọrụn Ndị-ozi 20:28

Lepụ nị nwan enwẹn ụnụ lẹ igunrun atụnrụn Mmọn-nsọ buche ụnụ ẹka ẹnya. O tumẹgụọ ụnụ ndị-ndu kẹni ụnụ du ụka Osolobuẹ, hụn Osolobuẹ gi ẹdeke ẹ nwọnhẹn.

Ndị Ẹfẹsọsụ 1:7

Makẹni ẹnyi rị imẹ Kraịstị, Osolobuẹ e gigụọ ẹdeke ẹ hụn wụ ọnwụn a gbapụha ẹnyi, gbagharị ẹnyi njọ, makẹ okẹn ẹfọma Osolobuẹ.

Ndị Kolosị 1:14

onyẹ hụn o gi ẹdeke ẹ gbapụha ẹnyi, gbagharị ẹnyi njọ.

Ndị Tẹsalonika Ibuzọ 1:10

chemẹ Nwa a k'a gha elu-igwee bịa, hụn ọ gha ọnwụn weli, hụn wụ Jesu, onyẹ hụn zụọpụha ẹnyi iwe-lẹ-ọnụma Osolobuẹ lalanị.

Taịtọsụ 2:14

Jizọsị Kraịstị, hụn gi ufiri ẹnyi we enwẹn ẹ ye, n'ọ gbapụha ẹnyi imẹ njọ ile, gi ẹ chanchanpụhanị enwẹn ẹ ndị k'a wụchanrịn nke ẹ, ndị ihiẹn rị mma a dụ omumẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 10:19

Umunẹ m, nị ẹnyi saghọ nwan ẹka banye Ebẹhụ Kachanrịn nsọ, ebahụn Osolobuẹ rị, ghahanị ẹdeke Jizọsị,

Hibru 10:4

makẹni ẹdeke okẹn-efin lẹ ewu as'ẹka wepụ njọ.

Hibru 13:12

Ya haịn Jizọsị gizi gha imẹ obodo pụ d'a nwụnhụn kẹni o gi ẹdeke ẹ dọn ịhịan nsọ.

Hibru 5:9

O gigụ a nwan ru ogo, ọ nọ wụrụ onyẹ hụn nzụọpụha itẹbitẹ gha ẹka a a bịanị onyẹ ọwụlẹ humẹn'ẹ isi —

Hibru 7:27

Ẹlẹ hụn o gi chụnsọnmẹ ẹjan ụhụọhịn-ụhụọhịn nọkẹ ndị-isi nchụn-ẹjan Iwu-Mozizi, ọ chụngụ nke njọ a, ọ chụnnị ndị alị nke njọ wẹ. Makẹni, o gigụọ enwẹn ẹ chụn ẹjan mgbe ohu, chụnchanrịn.

Hibru 9:13

Makẹni, omẹni ifekpuhụ ẹdeke ewu lẹ okẹn-efin lẹ ntụn nwa-efin wẹ dụn ọkụn kẹ onyẹ gi njọ rụ gi a wụbehi onyẹ rụnị,

Hibru 9:14

ya wụ nị ẹdeke Kraịstị, onyẹ hụn gi enwẹn ẹ chụnyeni Osolobuẹ ẹjan nwọnlẹni ntụpọ ghahanị Mmọn itẹbitẹ, jẹnkọ d'a sa ẹka chanchan obi ẹnyi, chan a ezigbo ọchịchan, chanchanpụ ihiẹn ile ghalẹni e ye ndụn hụn ẹnyi mẹ, ẹnyi a hụn ụzọ fe Osolobuẹ rị ndụn.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Hibru 9:19

Makẹni, ogẹn Mozizi gi gwachanrịngụ ndị hụ ihiẹn ile Iwu hụ sị wẹ e mẹ, ọ nọ weri ẹdeke nwa-efin lẹ ewu wẹ gbu lẹ mirin, gi ẹṅẹnrẹn anụ e nwun ufie-ufie lẹ ukun ẹfịfịa w'a kpọ ẹrurushin-hisopu deri ẹdeke lẹ mirin hụ, fekpusọnmẹ kẹ Ẹkụkwọ-Iwu hụ lẹ enwẹn ẹ kẹ ndị Izrẹlụ ile —

Hibru 9:28

ẹrịra k'o dọnzikwọ mẹ ni hụnnị Osolobuẹ gigụ Kraịstị chụn ẹjan mgbe ohu sụọ chụnchanrịn a, gi ẹ bupụ njọ ịhịan, ẹlẹ oku njọ kẹ Kraịstị k'a bịazịnị, kama, ọ lala d'a zụọpụha ndị rị e lee ẹnya a ọda-ọda.

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Rẹvẹleshọnụ 1:5

lẹ Jizọsị Kraịstị — Jizọsị Kraịstị hụn wụ ọshẹri ahụn furu wẹ gi e dọn ẹnya, onyẹ ibuzọ gha ọnwụn lihi, onyẹ hụn a kị ndị-nze rị elu-ụwa, onyẹ hụn nwọn ihiẹn-ọsụsụọ ẹnyi, gi ẹdeke ẹ gbapụha ẹnyi ẹka njọ ẹnyi;

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.