Hibru 8:9 - Ika

⁹ ọ nọkọ kẹ nkwerigbama hụ rị ẹgbata mmẹ lẹ ndị nẹdi wẹ kanị, ogẹn hụ m kwọndọn wẹ ẹka gha alị Ijiptu dupụha wẹ. Makẹni edọnmẹni wẹ nkwerigbama m, ịya haịn m gi wepụ wẹ ẹnya.’ Ya kẹ Di-nwọnni-ẹnyi ku.

Hibru 8:9 ပူးပေါင်းရင်းမြစ်များ

Jẹnẹsisi 19:16

Kanị Lọtụ hụ a lọkpụn; ya ikẹnnyẹ hụ nọ zu ẹka ye Lọtụ lẹ nwunyẹ ẹ lẹ mmụ a ikpoho ẹbụọ, dọkpụnpụ wẹ alị hụ, makẹni Osolobuẹ chọ n'o mẹni ẹ omikẹn;

Jobu 8:20

Ya wụ, Chuku ara jụ onyẹ nwọnlẹni nkọrịanị mọbụ na ndị e mẹ eje-ihiẹn ẹka.

Ẹbụ-ọma 105:43

O wepụha ndị nke ẹ ebẹhụ, e gi wẹ ịghọghọ pụha; ndị ahụn ọ kpọ nke ẹ nọ gi oro ịghọghọ pụha.

Ẹbụ-ọma 77:20

Ị nọ du ndị nke i kẹ atụnrụn ghahanị Mozizi lẹ Ẹrọnụ.

Ẹbụ-ọma 78:57

Kama, a gha wẹ ụzọ a pụ, gi aghịghọ sọn ẹ kẹ ndị nẹdi wẹ dọn mẹ, mẹ kẹ ụta zinrinlẹni.

Ọpụpụ 32:8

A latọgụọ wẹ rị ihiẹn m gwa wẹ, kpụrụ okẹn-mmọn yi nwa-efin. E kegụọnị w'a isi alị, kwayen'ẹ ese, a sị, ‘Ndị Izrẹlụ, e lee ni okẹn mmọn ụnụ, hụn wepụha ụnụ imẹ alị Ijiptu.’

Ọpụpụ 34:10

Osolobuẹ nọ sị a, “M jẹnkọ nwan d'e tumẹ nkwerigbama ẹgbata mmẹ lẹ ndị nke i ile. M jẹnkọ d'e mẹsọnmẹ ihiẹn atụmẹnya m mẹtulẹni imẹ alị ọwụlẹ rị ụwa. Ndị alị ndịnị ụnụ bi imẹ wẹ sikọ d'a hụn ẹka-ọrụn Osolobuẹ, makẹni m jẹnkọ d'a rụnnị ọnụ okẹn ihiẹn a tụ egun.

Ẹbụ Solomọnụ 8:5

Onyẹ wụ nwa-agbọnị gha alị ọkpọ-nkụn lala — hụn danbemẹ onyẹ ya lẹ ịya rị a sụọ? Okpuru osisi apụlụ kẹ m nọ kpasu i; ebẹhụ kẹ nnẹ i nọzị tụ imẹ i, ebahụn kẹ imẹ nọ mẹ ẹ, ọ mụ ị.

Azaya 40:11

O k'e lepụ atụnrụn a ẹnya lekẹ onyẹ e du atụnrụn; ọ pa ụmụ atụnrụn rịn'a, a pa wẹ e che obi; o tu udọn e du ndị kị ụmụ.

Azaya 41:13

Makẹni mmẹ wụ Osolobuẹ, Chuku i, hụn e kwọndọn i ẹka-nni, a sị ị atụlẹ egun; m jẹnkọ d'e yeni i ẹka.

Azaya 51:18

Ụmụ ile ọ mụ, onwọnni hụn sa ẹka ghọsị a ụzọ; ụmụ ile ọ zụn, onwọnni hụn sa ẹka kwọndọn ẹ ẹka, du ẹ.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 31:32

Ọ rịkọ kẹ Iwu hụn m tumẹ ẹgbata mmẹ lẹ ndị nẹdi wẹ ogẹn hụ m gi kwọndọn wẹ ẹka, gha alị Ijiptu wepụha wẹ. Ọ nọkọ kẹ nke mbụ hụ, makẹni ndị nẹdi wẹ tikpọ nkwerigbama m, ọsụọn'a nị mmẹ wụ di wẹ.” Ya kẹ Osolobuẹ ku.

Ẹkwan 4:16

Osolobuẹ e gigụọ ihiẹn-ẹka a chụyịya wẹ; ara lepụzị wẹ ẹnya. Ndị nchụn-ẹjan ara hụnzị onyẹ a gbayeni wẹ; onwọnzini onyẹ e lee ndị-ichẹn ẹnya ihun.

Izikẹlụ 16:59

“ ‘Osolobuẹ Nwọn Ihiẹn Ile sị: M k'e ye i afụnfụn han kẹ ihiẹn i mẹ, ịyụ hụn lelịa Ẹfan m i kun, tikpọ nkwa hụn i gi Ẹfan m kwe.

Izikẹlụ 16:8

“ ‘Kẹ m ghafekọzị ebe ị rị, m nọ hụn nị y'e rugụọ nwagbọọ. M nọ setịnpụ ẹwuru m yi, kpumẹ i, kpumẹ ọtọ ị; m nọ kwe i nkwa, gi ẹ kwọngbama mmẹ lẹ yụ. Ịya kẹ mmẹ wụ Osolobuẹ Nwọn Ihiẹn Ile ku. Ẹrịra k'ị dọnmẹ họnrin nke m.

Emọsụ 5:22

Ọsụọn'a nị ụnụ a chụnyesọnmẹni m ẹjan w'a dụn ọkụn lẹ oyiye ọka, anarịnkọ m'a; efeyekọdẹ m ẹnya anụ ndị ahụn wẹ zụntọ ụnụ gi a chụnyeni m ẹjan-ekele.

Malakaị 2:13

Eje-ihiẹn ọzọ ụnụ e mẹ wụ nị ụnụ a kwan ẹnya-mirin e kpu ukpo nchụn-ẹjan Osolobuẹ, a kwan ụya, nị a ra narịnzị oyiye ụnụ, nị ihiẹn ụnụ wẹhẹ arịzị a sụọ a.

Makị 8:23

Ọ nọ kwọndọn okẹnnyẹ hụ ẹka, wepụ a imẹ obodo hụ, bu ẹsọn che ẹ ẹnya, bu ẹka kwasị a. Ya k'ọ nọ jụ a, “O nwọnghọ ihiẹn ị rị e legha?”

Ọrụn Ndị-ozi 13:11

Gọn nwan ntịn: ẹka Di-nwọnni-ẹnyi jẹnkọ d'e bitụ ị kikẹnni, ẹnya k'e kpu i ishi ẹkẹrẹ ogẹn, y'e leghakọ ụzọ!” Ozigbo, ụzọ ile nọ mẹ Ẹlimasị igirigi-igirigi, gba a ishi ẹnya. Ọ nọ bisọnmẹmẹ ẹka, chọkọ onyẹ k'e dun'ẹ.

Ọrụn Ndị-ozi 7:36

Mozizi nọ gha alị Ijiptu wepụha wẹ, rụnkọ ọrụn-atụmẹnya lẹ ihiẹn-nghọsị imẹ alị Ijiptu lẹ Ohimin ufie lẹ imẹ atụ, ọrọgbọ ahụa ọgụnnaị.

Ọrụn Ndị-ozi 9:8

Ya Sọlụ nọ lihi ọtọ: ẹnya a hụkwọ e ti, kanị ọ rịzị e legha ụzọ. Wẹ nọ kwọndọn ẹ ẹka, we ẹ ban obodo Damaskọsụ.

Ndị Galeshịa 4:24

Ẹnyi k'a s'ẹka gi ihiẹn ndịnị ghọsị ihiẹn: wẹ gi ikpoho ẹbụọnị e ku oku nkwerigbama ẹbụọ. Ohu wụ hụn wẹ nọ elu Ugu Saịnaị mẹmẹ. Ọhụn kẹ Haga nọkin ẹnya a; ọ mụ ụmụ, a wụrụ wẹ igbọn.

Ditrọnọmi 29:1

Ndịnị wụ ihiẹn ndị rị imẹ iwu Osolobuẹ sị Mozizi ye ndị Izrẹlụ imẹ ẹgbẹrẹ Mụabụ, cheni hụn ọ nọ Ugu-Horẹbụ ye wẹ.

Ditrọnọmi 29:12

Ụnụ wuzo ebeni nị ụnụ hụn ụzọ kun ẹfan Osolobuẹ, kwe nkwa, nị ụnụ k'e dọnmẹ Iwu Osolobuẹ rị e gi e kwọngbama ụnụ lẹ ịya tannị,

Ditrọnọmi 29:25

Azịza k'a wụ: “Makẹni ndịnị latọ Iwu Osolobuẹ wụ Chuku ndị nẹdi wẹ, Iwu hụn o gi kwọngbama ya lẹ wẹ ogẹn o gi wepụha wẹ alị Ijiptu.